✿*وصفة متميزة*✿ """اول تورته في حياتي تورته الفراولة بالصورمن عروس الاسكندرية"""

[عروس الاسكندرية]

السلام عليكم ورحمه الله وبركاته
باعترافي انا شخصيا واعتراف الجميع اني فاشله في الحلويات مش بحبها ولا هيا بتحبني المهم قررت اتحداها واني اعمل تورته والحمد لله كانت ناجحه تماما حبيت اشركم معايا في فرحتي بنجاح اول تورتايه في حياتي
المقادير
6 بيض
كوب سكر بودرة
كوب دقيق
معلقه كبيرة ممسوحه بيكينج بودر
فانيليا
للحشو والوش كريم شانتيه
فراوله
شكولاته مبشورة
الطريقه
ضربت البيض مع الفانيليا حوالي 3 دقايق
ضفت السكر وضربته حتى تضاعف حجمه
نخلت الدقيق و البيكنج بودر مع بعض
ضفت الدقيق للخليط وقلبته بمعلقه معدن حتى امتزج
صبيته في قالب مدهو زبده
ومن اول بدايه تحضير الكيك الاسفنجي سخنت الفرن على 200
وضعتها في الفرن لمده 40 دقيقه على حرارة 180-200 وبعدين اختبرت نضجها بعود خشبي
عند تمام السوى طلعتها على شبك او منخل وسبتها تبرد خالص
وبدات تزينها طبعا قسمتها ودهنتها كريم شانتيه وقطع فراوله
والوش زي ما انتو هتشوفوا بالصور
يا رب تكون طريقتي بسيطة وسهله
اتركم مع الصور

[nada77]

تسلم ايدك على الوصفه شكل التورته يجنن بس مش حقدر اخد الطبق عامله ريجيم كفايه الفرجه واسيب نصيبى الاخوات

[roza1]

ايه ده ايه الجمال ده
مافيش حد بيفضل فاشل على طول , لو في اراده يبقى النجاح حيتحقق
تسلم ايدك شكلها روعة وعملاها باتقان وجميلة جدا
يبقى انسي بقى كلمة فاشلة دي وما تقوليهاش تاني

[wbaby]

لو كده وفاشله

امال لو شاطرة كنت هتعملي فينا ايه

اوعي تقولي كده ياقمر

ماشاء الله عليك التورته حلوة اوي

تسلم ايديك ياعسل

[الـ طبعي ـود]

ماشاء الله تجنن تسلم ايديك

روووووووووووعه ومشهيه

[عروس الاسكندرية]

ايه ده ايه الجمال ده
مافيش حد بيفضل فاشل على طول , لو في اراده يبقى النجاح حيتحقق
تسلم ايدك شكلها روعة وعملاها باتقان وجميلة جدا
يبقى انسي بقى كلمة فاشلة دي وما تقوليهاش تاني

ايه رايك يا روزا ده بمناسبه الرجيم الي انا عامله
الحمد لله انا استعنت بالله وقررت اني اعملها حتى مصورتش الخطوات لاني متوقعتش ناجحها
خلاص مفيش فاشل
ميرسي يا قمر ربنا يخليكي

[عروس الاسكندرية]

لو كده وفاشله

امال لو شاطرة كنت هتعملي فينا ايه

اوعي تقولي كده ياقمر

ماشاء الله عليك التورته حلوة اوي

تسلم ايديك ياعسل

تسلمي يا قمر انا كنت فاشله من كام ساعه الحمد لله انها طلعت حلوة
نورتيتي

[عروس الاسكندرية]

تسلم ايدك على الوصفه شكل التورته يجنن بس مش حقدر اخد الطبق عامله ريجيم كفايه الفرجه واسيب نصيبى الاخوات

انا كمان عامله رجيم بس انهارده فري
ميرسي ليكي نورتي الموضوع

[عروس الاسكندرية]

ماشاء الله تجنن تسلم ايديك

روووووووووووعه ومشهيه

تسلمي يا غاليه

[moon and stars]

ما شاء الله راااائعة
تسلم يديك