مرحبا صبايا جبتلكم طريقتي لعمل الكيك اللي معتمداها على طول ودايما بتزبط وممكن تعملوا منها كيكات بنكهات مختلفه انا عملت منها كيكه البرتقال وكيكه فانيلا شوكلاته وازكى شي لمن تتاكل وهيا بارده مع كبايه شاي وهي الطريقه:-
المقادير:_
كوب وربع طحين
4 بيض
كوب سكر
كوب الا ربع زيت
كوب حليب ( وهنا بتحددوا نوع الكيكه مثلا اذا كانت كيكه برتقال بدل كوب حليب بتكون كوب عصير برتقال)
فانيلا وباكنج بودر
الطريقه:-
بتخلطي البيض والفانيلا وبعدين معاهم الزيت وبعدين السكر وبعدين الحليب وبعد هيك بتحطي الطحين المخلوط بالباكنج بودر بالتدريج وبتحطي خليط الكيك في صنيه مدهونه بالمارجرين او الزيت ومروشه طحين وفي حاله كيكه الفانيلا والشوكلاته بتحطي نصف كميه الخليط في الصنيه والنصف الاخر بتخلطي في 2 ملعقه كبيره كاكاو وبديري على الخليط اللي في الصينيه وبتحطي الصينيه في فرن 160د لمده نصف ساعه
وهاي الصور
كيكه البرتقال :
كيكه الفانيلا والشوكلاته :
وصحتين على قلبكم ياصبايا
الروابط المفضلة