![تعقيب](images/misc/quote_icon.png)
كتبت بواسطة
دعوه شخصيه
انا مشاكلي يبيلها محامي
..........................................
ههههههه
انا عندي مشكله حقيقيه
انا عصبيه وخاصه على اولادي
واحد من اولادي عايش عند امي
نفسي اخليه يعيش عندي بس برغبته
هو حاس اني انا دينصور لاني عصبيه
بس عشان مصلحته...
عجزت احتويه...
احيانا اذا نامو الي في البيت احط راسي على مخدتي
واقعد ابكي بدون صوت احس اني ظلمته
لحد ماهرب عند امي
وهو يحب يعيش هناك عشان لارقيب ولا حسيب
عمره 9 سنوات
ماعنده نظام نوم ولا اكل ولا دراسه...
تعبت معه مره ضربته ضرب ومن كثر ماضربته
انهرت على الى الارض ابكي بصوت عالي..لانه ماكان يسمع كلامي
كل مره يوعدني انه مايفصخ الجزمه وانتم بكرامه واحصله حافي
ورجوله وشكله مره مبهذل..عيال اخواني وخواتي بقمه الادب والنظافه
لما اشوفه بهالشكل احس العالم تقول امه وصخه.
جربت معه جميع الاساليب الحنان الهدايا العقاب والثواب...
ابيه يصير كويس نفسيتي تتعب كل ماشفت وضعه في بيت امي
وامي ماتبي اني اخذه متعلقه فيه وهو متعلق فيها...
بس انا مو راضيه على وضعه..وصخ دايما يلعب في الحديقه بدون جزمه
ماينام الا وحده او ثنتين وبحضن امي
مدري كيف يشبع نوم وهو بيروح المدرسه الساعه 6 الفجر.
اكله كله شوكلاته ومشروبات غازيه...
الفلوس عنده زي الورق
كل شوي يبي وامي تعطيه؟؟؟
تعبت وانا اقولها لازم تغيرين معاملته ولا باخذه وتزعل وتقفل على نفسها ولا تكلمني
وتقولي خوذيه ؟
بس بزعل ماتتخيلونه؟؟
شسوي؟
.................................................. ..............
محتاجه
انه يكون عندي اربيه بطريقتي
وخصوصا اني حاول اغير بنفسي وبطريقتي..
اختي تحمست معك واتمنى يكون رأيي مفيد لك واتمنى انك تتقبلين الكلام مني بسعة خاطر
شوفي انا ما اعرفك ولا تعرفييني والكلام اللي راح اقوله يشهد علي الله ابي منه مصلحتك
بأختصار شديد مشكلتك مش في ولدك مشكلتك مع نفسك
وش يلبس جزمة ويفصخ جزمة
اسمحي لي الفت نظرك لشي اكتشفته من كلامك وهو انك ما تحسين انك راضية عن نفسك .. وقاعدة تحاولين تبررين لنفسك وتحطين الخطأ على غيرك ( ولدك وامك ) ترى انت تحسين بالذنب لأن ولدك ما عاش عندك لأنه ما لقى منك الحنان واللين واللصبرمنك وتراك قاعدة تدورين لك عذر وتقولين ولدي فيه وما فيه كل الأطفال يرتكبون اخطاء وجربي انك ما تضربينه ابدا مسكين هذا ولدك اللي بيصير يوم من الأيام رجال وبينفعك الله يصلحة لا تفرطين فيه ولا تعقدينة بالمثاليات خليه يعيش حياته وتعاملي مع اخطائه بهدوء وحلم وطولة بال
وعلى فكرة الأمومة مش اوامر وبس وتبين ولدك ينفذها وكأنك تحركينه بالريموت مسكين الولد وحطي في بالك ما فيه طفل مثالي ولا تقولين عيال خواتي وعيال اخواني ... اسمحي لي اقول لك قبل ما تقارنين ولدك بعيال الناس قارني نفسك بأمهاتهم .. الظرب ما يربي يعقد ويخلي الطفل يعاند اكثر واكثر وياليتك راضية ترجعين بالليل تحاسبين نفسك وتلومينها لآنك عارفة انك غلطانه
انا عارفة ان كلامي قاسي عليك ولكن انت تبين الراحة وتاركة ولدك يعيش عند امك تبين تصيرين ام تأمرين وتنهين وتتفاخرين بنظافة ولدك وادبة وكل هذا ببلاش وعلى حساب راحة امك وصحتها خلاص امك ما قصرت الله يطول في عمرها ربتك وادت اللي عليها وانت بيسألك رب العالمين عن هذا الولد ... انت عايشة على الدنيا تنومين وتأكلين وتشربين وولدك بعيد عن عينك ... وشلون عندك قلب يا اختي ترى ما فيه مثل الأم ابدا حتى لوها امك وإذا كبر ولدك بيلومك وبيقولك جبتيني للدنيا ورميتيني عند جدتي حتى لو امك قمة في الحنان راح يلومك ولدك لأن المفروض انه يربى في حضنك انت ... وبعدين سالفة امي تعطيه وامي تاركته على راحته ترى الغلط موغلطها .. غلطك انت ...
بالمختصر المفيد ... تبين ترتاحين ... خذي ولدك عندك في بيتك .. وامك شوي وتتعود .. وارجعي ابني علاقة صحيحة بينك وبين الولد علاقة اساسها الحب والحنان والرحمة بدون سيطرة وبدون اوامر ترى السالفة مو عسكرية .. خليه ينام بدري وياكل اكل صحي بالتدريج .. وسيطري على اعصابك .. شبحي واذكري الله .. وانتبهي تضربينه لأي سبب من الأسباب .. وبالصبر بتلقين الولد مثل ما تتمنين الحقي عليه مادامه لسا صغير .. الحقي عليه ما دامك تقدرين تلمينه في حضنك و تبوسينه وتزرعين في قلبه حبه لك.. الحقي قبل ما يضيع الولد من بين يدينك ويصير بعيد عنك بقلبه وعقله .. وحينها بترجعين تلومين نفسك لأنك غلطتي في حقه.. تراه مثل العجينه اللينة تقدرين تشكلينه ولكن المسألة تحتاج إلى صبر .. الله يكون في عونك ويصبرك ويهدي بالك وبالي ويصلح دريتك وذريتي وجميع المسلمات يارب العالمين
الروابط المفضلة