السلام عليكم
أنا الحمد لله حصلي إجهاض يوم الجمعة وكنت في الأسبوع 12 .... الحمد لله على كل حال
الدكاترة خيروني بين اني أعمل كورتاج أو أخد دواء ينزله بعد ما إتأكدو إن الحمل اتوقف و اخترت الدواء
و نزل الحمل بعد ما تعبت جداً ورحت على الطوارئ وأنا فاقدة الوعي بسبب النزيف وأسعفوني الحمد لله
وعملولي سونار وأكدولي اني مش محتاجة تنظيف قبل ما أطلع من المستشفى
والنهاردة كان عندي موعد سونار علشان يتأكدو أكثر وبرضه قالوا الرحم نظيف الحمد لله ومش محتاجة تنظيف
مع العلم إن لسة بينزل علي دم مش كثير قوي بس بينزل مع شوية مغص
أنا الصراحة مش عارفة أي حاجة عن الإجهاض وعوزاكم تفيدوني بأي نصيحة أو تجربة
هو الدم هيتوقف امتى ؟؟؟ كأقصى حد يعني
ودورتي هتيجي امتى بعد الإجهاض ؟؟ مع العلم إن دورتي مش منتظمة وحملت بمنشطات
ممكن أعرف لو فيه حاجة طبيعية ممكن أشربها بتساعد في تنظيف الرحم من بقايا الدم ؟؟
أرجوكم لو حد فيكم مر بنفس التجربة يفيدني بأي معلومة أو حتى دعاء ده كان حمل منتظر من سنين
وقلبي محروق من جوا قوي ... ومقهورة جداً الحمد لله على كل حال ربنا عنده حكمة في كدة سبحانه وتعالى
ويارب يعوضني خير ويجعله شفيع لي ولأبوه يوم القيامة
الروابط المفضلة