السلام عليكم و رحمة الله و بركاته
وحشتوووووووووووووووووووووني كلكم يابنات
وحشتوني جدااااااااااااااااااااااااااااااااااااااا
كلكم
بجد انا مش عارفة اقول لكم ايه
انا عايزة اشكركم كلكم بلا استثناء اليي اتصلوا بيا و اللي بعتوا لي السلام كل سؤالكم و سلامكم و دعواتكم وصلت
ربي لا يحرمني منكم يا رب ويبارك فيكم و في اولادكم
انا عارفة اني غبت عليكم اوي بس النت فاصل من شهرين و لسة ما رجعش انا في بيت حمايا عشان العيد و انتهزت فرصة وجودي وقلت ادخل اسلم عليكم و اشكركم و اقول لكم كل سنة و انتم طيبيبن و كمان اقولكم اخر اخبار مازن عشان كل القلقانين يطمنوا
اخر اخبار مازن و الحمد لله
الحالة عنده تسوء و تتطرو بسرعة شديدة و الدكتور قال بعد الحاحي الشديد في السؤال انه عمره لن يتجاوز العام و طبعا الاعمار بيد الله و الحمد لله
فحالته تسوء و التشنجات تزداد قوتها و طول مدتها مع صعوبة في البلع و التنفس و الحمد لله واخر كلام من الطبيب قال ربنا يسهله و خليكي عايا بالتليفون لأن الزيارة مالهاش لازمة
اما عن حالي انا بقي
انا راضية بقضاء الله طبعا بس حاسة ان هيجيلي انفصام في اشخصية
فأحيانا تلاقوني كويسة جدا و طبيعية و اتكلم و اكل و اقول لنفسي كلنا نموت ومش معني كده اننا نقعد نستني الموت مع كل كحة او عطسة
و اقول لنفسي ده حلو وحش و الدكتور هيطلع حمار و الأشعة غلط
شوية بقي و دموعي تنزل و انهار و اعيط و اصرخ و امتنع عن الأكل غصب عني و اتخيل فراقه و ازاي هيحصل و افضل قاعدة شايلاه عشان اشبع منه
و اتخيل البيت من غيره
اما عن النوم فأنا لاانام الا 3 ساعات تقريبا و هو في حضني حتي اشعر به مع انه ينام كثيرا بفعل الأدوية الا اني اظل جالسة بجانبه انظر اليه و اذا نمت فالكوابيس شديدة
الحمد لله علي كل حال
انادلوقتي طبعا في فترة الانكار فأنا طبيعية جدا وهو علي ايدي دلوقتي ينام مثل الملاك قلت استغل الفرصة و ادخ اكلكم و اقول وحشتوني و اشكركم
افتكر النكد ده كفاية
ام صلاح يا غالية
وحشتيني و سؤالك و سلامك وصلني تسلمي يا غالية و ربي لا يحرمني منك
انا بس عايزة اعتذر لأن انا عارةف ان الموضوع ده مكانه مش هنا بس انا ماعنديش فرصة اشكر كل البنات فرديا
سامحيني
كل عام و انتم بخير و عيد سعيد علينا كلنا ان شاء الله
ملحوظة
مازال النت عندي في البيت غير موجود و قد يطول غيابي
شريحتين لموبايل بتوعي اتحرقوا عشان كده انا ارقامكم كلها ضاعت مني للاسف
اول ما أجيب ارقام جديدة هأبلغكم بيها فورا لا تقلقوا
سلامي لكل الحلوات الرشيقات
الروابط المفضلة