السلام عليكم ورحمة الله وبركاته
بعد غياب جبتلكم سمبوسه بيتي لذيذه
بس خساره الصور فتره وتروح ويروح تعبنا
المقادير بسيطه مره
3كاسات دقيق ( 2كاس دقيق بر وكاس دقيق ابيض )
ملح + 5 ملاعق كبيره زيت
تعجن بمويه وتكون العجينه قاسيه نوعا ما يعني ماتكون لينه وتترك ترتاح لما تجهزي الحشوه
وهاذي صورت العجينه
نجهز الحشوه الي تبغي تحشي فيها على ذوقك يعني
الحشوه الي سويت
سلقت دجاجه بدون الجلد واخذت اللحم وقطعته بالسكين قطع صغيره
جبت بصل اخضر مقطع صغير وضمة بقدونس صغيره وحبة فلفل اخضر مقطع صغيره مره
وبصله صغيره مقطعه صغار مره الكل مقطع بدون فرم
يوضع الدجاج بقدر على النار ويضاف البهارات (فلفل اسود قليل ملعقه كمون وبهار مشكل قليل )
ويقلب على النار قليل ويبرد وتبداي الحشو باي شكل عندك عندي قالب مثلث حشيتها فيه
تفرد العجينه مع رش الدقيق عند الفرد وتوضع على القالب وتوضع الحشوه بالداخل ويكبس عليها
او باي شكل تبغيه انتي سويه
يوضع دقيق بالصحن الي بتوضع فيه ورشي دقيق لانها بتلصق بالصحن وغطي الحبات لاجل لا تنشف
تقلى بالزيت وتصفى
وبالف صحه وعافيه جربوها لذيذه
رد مع الاستدلال
الروابط المفضلة