بسم الله الرحمن الرحيم
السلام عليكم ورحمه الله وبركاته
اخواتي في الله
لقد كنت جالسه كا العاده اتفرج علي قناه الناس
وبا التحديد برنامج فضفضه
وكان فيه الشيخ محمود المصري
وفي حديثه ذكر حمله قائمه في الانترنت
تدعي الحمله الاولي لمواجهة التبرج
طبعا فتحت المنتدي علي طول وقلت
اقول لاخواتي الفتوكات كي نساهم في انتشار الحمله
السنا اولي بأن يكون صوتنا الاعلي
لاننا اكبر منتدي نسائي للمرأه المسلمه
اليكي الحمله
حملة ل الشيخ محمود المصري عن الحجاب
حلقة الشيخ محمود المصري عن الحجاب من قناة الناس
هذة المادة للشيخ هدى االله اكثر من 4000 من بنات المسلمين
ويمكن ارسلهاااااااااااااااا الى من تردي من خلال الموقع
طريق السلام
حملة مقاطعة التبرج لفضيلة الشيخ محمود المصري
ياريت ننشر الحملة ديه في كل مكان لعلها تشفع لنا عند الله
وده النص:
ممكن آخد من وقتك دقيقة؟
ممكن تسمعيني وتحطي ايدك في ايدي؟
-نفسك تاخدي خطوة لقدام تنصري بيها الاسلام؟؟
-نفسك تفرحي نبيك وترضي ربك؟؟
-نفسك ربنا يعتق رقبتك من النار ويدخلك الجنة مع الأبرار؟؟
طيب اشتركي معانا في حملتنا
حملة ايه ديه؟؟؟
حملة مقاطعة التبرج ومقاطعة المظاهر السلبيه اللي بتظهر بيها الفتاة المحجبة
طيب وهنعمل ايه في الحملة ديه؟
هقولك حالا هنعمل ايه بس اسمعيني وصلي على حبيبك(صلى الله عليه وسلم)
#اول خطوة :لو انتي مش محجبه:::
حبيبه قلبي انتي ان شاء الله على خير بس ناقصك خطوة كبيرة اوي وهي الحجاب.
حبيبه قلبي ليه لحد دلوقتي متأخرة في خطوة الحجاب؟ليه لحد دلوقتي بتقولي مش وقته؟طيب امتى وقته؟لما يجي ملك الموت ؟ولا امتى؟؟؟
تخيلي نظر الله ليكي من فوق سبع سماوات ,هل ربنا راضي عنك ولا غضبان منك؟؟
شوفي نعم ربنا عليكي,شوفي اكرامه الشديد ليكي
أما يستحق الرب الكريم أن نسمع أوامره ونستجيب لها ونستحي منه؟؟؟
حبيبه قلبي اسمعي قول الله تعالى :"ياأيها النبي قل لأزواجك وبناتك ونساء المؤمنين يدنين عليهن من جلابيبهن "سورة الأحزاب الآية 59
في الآية اللي فاتت ربنا بيأمرك بالحجاب فليه انتي لسه مش عاوزة تلبسيه؟
تخيلي لو رسول الله شافك هل هيفرح أنك من أمته ولا هيزعل منك عشان تركتي حجابك؟ويقولك انتي اللي انا ضحيت عمري كله عشانك؟
انتي اللي اتفرقت قبور أصحابي عشان الاسلام يوصل لك؟؟انتي حفيدة عائشة وفاطمة؟
حبيبه قلبي انتي بخلعك لحجابك بتكوني بتساعدي أعداء الاسلام وانتي مش واخدة بالك
حبيبه قلبي لاحظي أنك وانتي ماشيه بدون حجابك بتاخدي سيئات كل نظرة ليكي,ليه مش مهتميه بالأمر؟؟
حبيبة قلبي ربنا أكرمك واختارك تكوني مسلمة فأوعي تفرطي في حجابك رمز حيائك.
ها......................مستنية ايه؟؟
الحقي بسرعة خدي الخطوة قبل الندم وفوات الأوان وانويها لنصرة الاسلام.
الخطوة الثانيه:لو انتي محجبه::
حبيبه قلبي خطوة رائعة انك محجبه لكن بصي كدة على حجابك,هل حجابك يرضي ربك؟هل حجابك يتوفر فيه شروط الحجاب الشرعي؟
شروط ايه؟؟
هقولك بس اسمعيني وصلي على حبيبك(صلى الله عليه وسلم)
الشروط أن الحجاب يكون واسع فضفاض لا يصف ولا يشف ومايبقاش ماسك على الجسم ومايكونش زينة في نفسه.
طيب أسألك سؤال:هل الصلاة تنفع بدون شرط من شروطها زي الوضوء؟؟
لا طبعا
طيب الحجاب زي الصلاة واللي فرض الحجاب فرض شروط لازم تكون متوافرة فيه ليه بناخد الحجاب ونسيب الشروط؟؟
حبيبه قلبي اسمعي قول حبيبك صلى الله عليه وسلم:"صنفان من أهل النار لم أرهما وذكر منها نساء كاسيات عاريات"رواه مسلم
حبيبه قلبي أوعي تكوني من الصنف ده, اوعي تكوني ممن ضيعت حسنات حجابها وخلت حجابها سببا للسيئات مش الحسنات.
تخيلي لو رسول الله شافك هل هيفرح بيكي ؟ ولا هيقول انك ضيعتي حجابك وتركتي امر الله عز وجل؟
ها...................مستنيه ايه؟؟يلا بدون تفكير نقاطع كل حاجة خلت حجابنا مش شرعي , يلا نقاطع البدي والبنطلون والاسترتش ,يلا نقاطع المكياج والعطور, يلا بسرعة عشان ننصر الاسلام ونرضي رب العباد
وختاما::
حبيبه قلبي أوعي تفكري ان الورقة ديه وصلتك صدفة او عن طريق الحظ لكن وصلتك بقدر الله عشان هو يريد لكي التوبه والحجاب الشرعي
يلا نكون بنات محجبات داعيات للاسلام بحجابنا
تذكري انك ستذكري هذه الورقة يوم القيامة ووقتها لن تكوني الا واحدة من اثنتين::
-اما فتاة وصلتها هذه الرسالة فقررت أن تقف مع نفسها فكانت سببا في تغيير حياتها
-واما فتاة قرأت هذه الرسالة ولم تهتم بها فكانت حجة عليها بين يدي الله يوم القيامة
فكرة الشيخ محمود المصري
تنفيذ أخوات مسلمات
انصري الاسلام ........................ارتدي الحجاب الشرعي
****************************************
اخواتي الفاضلات احبكم في الله
منقول
الروابط المفضلة