فى البداية برحب باحلى منتدى
كتبت الموضوع دة بعد معاناة مع قشرة الشعر
وبعد ماجربت اغلب الشامبوهات ومافيش فايدة
ولما لاقيت ان فى ناس عندهم نفس المشكلة
قولت احكيلكم عن تجربتى يمكن تفيد البعض
عندى طريقتين للتخلص من قشرة الشعر
1 - عصير الليمون : دلكى بيه فروة الرأس مباشرة وسيبيه على شعرك نصف ساعة وبعدين اغسلى شعرك
2 - خل التفاح : ايضا دلكى بيه فروة الرأس وسيبيه نصف ساعة واغسلى شعرك بعدها
اهم حاجة التدليك لفروة الراس مباشرة بالليمون او بخل التفاح
ونظافة ادوات التمشيط اول باول .
والله يابنات حل فعال جدا للقشرة . انا كنت بقرأ عن الليمون وعن خل التفاح كتير باضافتهم
للماء وشطف الشعر بيهم وجربتهم فعلا لكن النتيجة ماكنتش زى استعمالهم بالطريقة دى
وياريت كل اللى عندها تجربة شخصية ناجحة تفيدنا بيها
ماتبقاش المواضيع مجرد نقل والسلام
ويارب الموضوع يكون مفيدة للى عندهم نفس المشكلة
الروابط المفضلة