بسم الله الرحمن الرحيم
السلام عليكم ورحمة الله وبركاته
هذه هدية بسيطة للركن ربما لا تصل لجودة بعض الصورة الموجودة
لكني فرحة لاني انا من صورتها ![Smilie](images/smilies/smile.gif)
من ايام الثانوي طبعا هي من قبل بس صادف انه في الثانوي كنت في مدرسة
حكومي وفيها حوش ومفتوح من فوق
فكنت وقت الطابور الصباحي اوقف واشوف السحب وهي تمشي مع الهوا
احب اتفرج عليهم
, ولما صارت الكاميرا تحت تصرفي مرة كنت مسافرة وكان فيه هوا قوي
وغيوم كثيفة فصورتها فيديو وهي تتحرك من قوة الهوا
بصراحة روووووووووووووووعة
لكن اليوم صوري بكاميرا الجوال طبعا مش فيديو لا فوتو
أولا أعرفكم على جوالي N73
طبعا كاميرته توووووحفة يعجبني التصوير فيها احسه انظم من الديجيتال اللي عندي
وأوضح وأصفى وأدق طيب ايش ما قلت وانت توصفي في هالجوال ![MM](images/smilies/85.gif)
طبعا الصور على فكرة أخذتها وانا في السيارة وكمان كانت تمشي يعني شطارة مني واحتراف
ماشاء الله لاقوة الا بالله
بسم الله نبتديء
هذه يومها كان فيهوا فشوفوا كيف اتشكلت السحب مع الهواء وحركته
وهذه كمان
هنا بدات الحركة على خفيف
هذه أخذتها من حوش بيت أهلي في شهر ذي الحجة عجبني شكل السحب وهي كذة فأخذت لها صورة سريعة
طبعا حاولت اعمل زوم فطلعت شوية مغبشة
جدة
وما أدراك ما جدة
جدة عروس البحر الأحمر
قولي والله
والله كدة درسناها ويقولوا عنها في السياحة في بلدنا
طبعا في جدة فيه بحر لونه أزرق
وياحبنا للون الازرق
هذه الصور التقطتها من فندق الويستن على شاطيء البحر
كنا فووووووق بنفطر وقلت آخذ لي كم صورة للكورنيييييييييش
هذه عجبتني خاصة الأمواج مرة حلوة
وهنا هذا الممشى اللي عاملينه على البحر لو تلاحظوا هو متفرع لثلاثة
شي للشباب وشي للعوائل والثالث اظن للي يحب يشوف البحر من قدام قصدي على الوسطاني
مرة مشينا فيه وصورنا فيه سمك صغير تحته ومرة حلو يدخلك للبحر تحسي نفسك في نص البحر واقفة
ولو حبيتي تصرخي حتحسي انه المباني على الكورنيش ترد لك صوتك
مرة رحنا وصاروا صغاري يصرخوا ويسمعوا صدى صوتهم
هنا هذه الصور في أبحر
هنا عن قرب عجبتني اشعة الشمس اللي كانها ذهب يلمع على وجه البحر
أتمنى أن تكون صوري عجبتكم ونالت على استحسانكم .
الروابط المفضلة