ابنى عايز يصلي ف المسجد

[ابو الانس]

السلام عليكم يبنات انا ابنى عمره تلات سنين الا شهر وبيحب ينزل يصلى ف المسجد مع باباه المشكله انه بيعمل قلق ف المسجد مرة ينام بالعرض قدام الناس ومره يلبس الشبشب ويطلع ومره يلعب ف الكهربه وباباه حلف ماهو واخده معاه تانى وهو كل صلاه يفضل يعيط متواصل لحد ما باباه يرجع انا مبسوطه انه بيحب يروح بس كمان مش عايزين نضايق الناس وحتى باباه مابيعرفش يركز منه عايزة رايكوا اعمل ايه

[dr.boosy]

كانك بتتكلمي عن ابني ربنا يحميهم
بصي هما في الاول بياخدوها فسحة مش فاهمين اوي بس ابني لانه كان بينزل مع بباه من وهو عنده سنتين فدلوقتي الحمد لله بيفهم واول مايسمع الاذان يقف يصلي لوحده علي السجادة ماشاء الله عليه وطبعا كان ومازال بيعمل بعض المشاكل بس لازم نصبر علشان يحبوا المسجد ويتعودوا انهم يصلوا في علي طول
خلي بباه يعاقبوه بالراحة يعني لو عمل شقاوة جامدة مايخدوش معاه المرة اللي بعدها بس يفهموه هو ماخدوش ليه بس مايمنعوش خالص عن الجامع ولا يعاقبه برده جامد علشان الولد مايكرهش الجامع وربنا يخليهم يارب ويجعلهم ذرية صالحة اللهم اميين

[ام سيف2007]

ماشاء الله ربي يبارك لك فيه يارب
شئ جميل انه نعود لكن في نفس الوقت كان لازم يتعلم اداب المسجد
اجلسي معه وافهميه لماذا يرفض والده ان ياخذه معه
واتفقوا سويا انه زالده ياخذه مرة اخرى للمسجد ولو عمل اي شقاوة
ستكون هذه المرة الاخيرة
لا مشكلة ان ينام امام المصلين ومن واجبهم ان يرفقوا به فقد كان الحسن والحسين يصعدون على النبي وهو ساجد فيطيل السجود
الخطأ هو الصوت العالي مثلا واللعب في الكهرباء
او الذهاب للحمام وحده
او الركض في المسجد مما يشغل المصلين
وخلي والده يوقفه بجانبه ويعلمه حركات الصلاة واساء الحركات
سيكون شغوفا بتقليده اكثر من اللعب
الله يبارك لكم فيه ويجعله من الصالحين يارب