السلام عليكم و رحمة الله و بركاته
قبل ان نبدا اسالكم بالله ان كل من تدخل تدعى لاهل غزة فهم بحاجه لدعائنا اللهم انصرهم و ثبتهم يا رب العالمين
انا من محبيي الانشون بس طبعا بخاف منه لاننا ما نعرفش مكوناته و لا بيتعمل ازاى؟؟؟؟؟؟؟؟
بس كنت فاكرة ان امى ربنا يحفظها ليا يارب كانت عملته لينا من زمااان
فقلت ابحث عن طريقة عمله فوجدت طرق كتيرة اخدت من كل طريقة حاجه و كمان كل الطرق من غير صور فقلت اصوره و افرجكم شكله بجد طلع روووووووعه و عجبنى جدا و انا عملته المرة دى بالفراخ كتجربة بس ان شاء الله هعمله مرة تانية باللحمة و هبقى اوريكم شكله ان شاء الله معلش طولت عليكم
يالا نبدا
المقادير
نص كيلو صدور دجاج مخليه
كوب بقسماط ناعم
4 فصوص ثوم
بيضتان
ملعقه كسبرة و بقدونس مفروم ناعم
ملح
بهارات
الطريقة
نقطع صدور الدجاج قطع صغيرة ثم نقوم بفرمها مع فصوص الثوم
ثم نفرمها مرة اخرى مع البهارات و الخضرة حتى نحصل على عجينة ناعمه جدا و ده بيكون شكلها
ثم نضع البيض فى طبق و نضرب كويس بالشوكة و يضاف الى الخليك السابق حتى يندمج تماما مع العجينه
ثم نضع كوب البقسماط نلاحظ تكون عجينة متماسكة جدا
نلف العجينه اما فى ورق قصدير مدهون بالزيت او انا كان عندى الاكياس الخاصة بدخول الفرن حطيتها فيه و بعدين لفيت فوقها ورق قصديرو تحاول تشكلى العجينة على شكل اسطوانى على قد ما تقدرى و ما تخافيش اذا ما اعطتيكيش الشكل المطلوب لانه بعد ما بتدخل الفرن طلعت معايا اسطوانه مظبوطة جدا
ندخل الاسطوانه فى صينية بالفرن و نضع قليل من الماء فى الصينية حتى لا تحترق و تكون حرارة الفرن متوسطة
و تقريبا بتقعد ساعه فى الفرن
مع العلم تقلبى الاسطوانه بعد نص الوقت على الجهة الاخرى حتى نتاكد من استوائها بالكامل
نترك اللانشون بعد خروجه من الفرن لمده حوالى ساعه حتى يبرد
وده شكله بعد ما برد
و بعدين نقطعه على قد استخدام يومين او ثلاثه و الباقى وضعته فى لفريزر مقطع جاهز بحيث اخرجه قبل الاكل بشويه
بجد كان طعمه رااااااااااااائع جدا
لازم تجربووووووووووووووووووه
الروابط المفضلة