بسم الله الرحمن الرحيم
السلام عليكم ورحمة الله وبركاته
نقلت لكم طريقة عمل القبعه بناتي بلخطوات
القبعة مقاسها ينفع لحد سنتين كمان بس هنذود سطرين فى الطول للسن الا بعد سنه
لان هى مش ضيقة بتزميها بالروباط او ممكن تعملى شريط ستان الا تفضيله
انا عملتها بخيط صوف وابرة مقاس 2ونص
انتى اعمليها بخيط قطن علشان الصيف والابرة مقاس 2 ونص
بسم الله نبدأ
هتشتغلى 6 سلسلة وتغلق بمنزلقة لتكون دائرة
السطر الأول- هتشتغلى 20 عمود بلفة واحدة داخل الدائرة وتغلقى بمنزلقة
السطر الثانى- هتذودى فوق كل عمود هتشتغلى عمودين لحد الاخر هيصبح عندك 40 عمود بلفة واحدة
السطر الثالث- هتشتغلى عمود فوق العمود الا فى السطر السابق ثم هتذودى عمودين فى نفس العمود من
السطر السابق حتى اخر السطر وتغلقى بمنزلقة
السطر الرابع - تشتغلى عمود ثم عمود والعمود الثالث هتذودى عمودين فى نفس العمود لحد نهاية السطر
وتغلقى بمنزلقة
السطر الخامس - تشتغلى عمود ثم عمود ثم عمود وفى العمود الرابع تشتغلى عمودين فى نفس العمود
لنهاية السطر بتشتغلى كل 3عمود بتعملى الزيادة علشان الدائرة تكبر وتغلقى بمنزلقة
السطر السادس - هتشتغلى عمود بلفة خلفى بدون زيادةودة السطر الوحيد العمود الخلفى
وممكن متعمليش خلفى واشتغلى عمود بلفة عادى زى مكنا ماشين فوق
السطر السابع - هتشتغلى عمود بلفة بدون زيادة وتغلقى بمنزلقة
الروابط المفضلة