بسم المولى ابدا ثم الصلاة على النبي فالسلام عليكم ورحمة من الله وبركاته
عزيزاتي عندي مشكله
طفلي عمره 4 سنوات ، لما كان عمره 3 سنوات سجلته في مدرسة تحفيظ القرأن بس الله يهدي المدرسات كانو دائما لما أسألهم عنه يقولو بأنه اندمج مع الاطفال ويلعب ويشارك ، بس للأسف اكتشفت بعد مضي اسبوع تقريبا إن ابني كان يروح المدرسه ويجلس يبكي عند بوابه المدرسه ولا يهتمو فيه ولا يحاولو يهدوه ، رغم اني كل يوم اتصل اسأل عنه ، فما استمر في المدرسه.
بعد سنه سجلته في مدرسه قران (غير المدرسه اللي قبل) فلاحظت الاهتمام من المدرسات وارتحت منهم ، لكن المشكله في ابني صار يخااااااااااف مووووووووووت من المدرسه ولما اوصله يصيح ويمسك في ملابس ما وده اخليه بروحه ، اقترحت علي احدى المدرسات ان اخلي اختي تجلس معه في المدرسه لحد ما يتعود وبالفعل صارت اختي تداوم معاه لمدة اسبوعين تقريبا ، بس ما قدر يتخلص من عقدة الخوف ، وكلامه اللي يقطعلي قلبي (ماما انا احبك ما تخليني بروحي انتي كله ماتحبيني خليني وتروحي) ومن هالكلام اللي يقطع القلبي.
احس ان ابني تعقد من المدرسه بسبب المدرسه الاولى ، احاول اني احببه في المدرسه ، واللعب من الاطفال و و و ، ويوعدني انه يروح المدرسه بس للاسف يخذلني اليوم الثاني ، رغم انه يحب المدرسه ويسولفي عن الاطفال لما يلعبو واسماء الاطفال اللي في صفه وعن المدرسه ، بس هالخوف اللي ما قدر يتغلب عليه.
سمحلولي طولت عليكم
بس ابي الحل ؟؟؟؟؟؟؟!!!!!!!!!
وجزاكم الله الف الف خير وعقبه جنات النعيم
الروابط المفضلة