تنظيف الزجاج المكسور .. من سلسلة الكوارث المنزليه ... *** ملكه النظافه والتنظيم***
تنظيف الزجاج المكسور .. من سلسلة الكوارث المنزليه
(المفاجأت الغير ساره)
أثناء قيامي بأعمال الترتيب لأننا كنا بإنتظار ضيوف
سحبوا أولادي ربنا يحميهم مفرش الشيفونيره و
دششششششششش
استنوا استنو في ورده سليمه
استنوا لما اعينها مكانها
قدامك أقل من نصف ساعه تزيلي فيها أثار الكارثه دي
تقدري تقوليلي هتعملي إيه غير إنك هتعيطي
إهئ إهئ ئ ئ ئ ئ
والله كنت هعيط بجد
مش بس ع الحاجه اللي اتكسرت بس
لأ وكمان الضيوف زمانهم علي وصول
المهم الخطوات اللي هقولها دي لو اتنفذت صح
هيكون كل شئ تمام في أقل من نص ساعه
1* دخلي أطفالك غرفتهم وإقفلي عليهم بالمفتاح
أه بالمفتاح
2* هتلبسي في رجلك شبشب مقفول من قدام
3* تجيبي دول
وتبدأي تلمي بيهم قطع الزجاج الكبيره كلها
ومن تحت الشيفونيره
4* دلوقتي جه دور المكنسه الكهربائيه وطبعا مجبناهاش علي طول لأن القطع الكبيره ممكن تقطع كيس المكنسه
ادخلي بالمكنسه تحت الشيفونيره
تحت طرف السجاده
وعند الشراشيب
شايفين
5* نفضي دعاسة الباب كويس وإفرشيها تاني بعد كنس مكانها
6* هتجيبي فوطه قديمه من الفوط متعددة الإستعمالات دي وهتعرفي ليه لازم تكون قديمه كمان شويه
بليها واعصريها كويس
وامسحي مكان الزجاج بيها
شايفين للفرافيت اللي فيها
يبقي هنحطها دلوقتي في كيس مع بقايا الزجاج اللي لمناه
ونربط الكيس وعلي ...
علي طوووووووووووووووول
7* إمشي بالمكنسه الكهربائيه تاني ع الأرض والسجاجيد زيادة أمان
وكده الحمد لله الدنيا رجعت فل
تقدري تروحي تفتحي لولادك بقي وغيري الشبشب بواحد تاني لو تحبي
إيه رأيكوا بقي
أتمني تكونوا إستفدتوا
وإلي اللقاء اللقاء في موضوع تنظيفي تنظيمي جديد بإذن الله
والسلام عليكن ورحمة الله وبركاته
رد مع الاستدلال
الروابط المفضلة