ياهلا ومرحبتين فى لمتنا وهدرزتنا اليبيه الحره

[اشجان الحياة]

ما شااااااااااااااااء الله لا قوة إلا بالله ... الله يحفظهولك وتشوفيه عريس إن شاء الله ...

وهيا النعتة .... أبو جنى ديما يقول برى على نعتت النساوين تو توصل ... هههههههههههههه

شني بديتي تجربي في اللفات وإلا شنو ... لزانيا دارت أول تطبيق ما شاء الله

ههههههههههههههههههههههههه
اكيد نعتة النساوين توصلك لمكان اخر ههههههههههههه
ماهو قاعدة مسكناش فيه هذا علاش منعرفش بالزبط
ان شاء الله غدوة كان سخر ربى

[om janaanno]

غدوة بتسكنوا ؟؟؟؟

[اشجان الحياة]

غدوة بتسكنوا ؟؟؟؟

هههههههه لا لالا قصدى على اللفات الى لففتنا راسنا ههههه

[اشجان الحياة]

ملوووكة وينك شنو حاصلة فى الكوجينة

[ام زكريا الحلو]

السلام عليكم ورحمة الله وبركاته كيف حالكم توة\\\\ ام جنانو احنا عندنا قطعة ارض بجانب جامع الصفاء ولكن الى حد الان ما بنيناش فيها ربي يسهل انا بكرتي مواليد 96 ولله الحمد ربنا يجعلهم درية تخاف الله وتسعى لرضاه امين وشني قصة اللفايف توة انشوفهم ةعلى العموم بالجودة كلكم وانا زليطنية وامي الله يحفظها طرابلسية ابا عن جد من شارع الظل وادعولها البارحة كيف روحت من تونس للعلاج يمكن عامل السن ليه دور ربنا يطول في عمرها الحنينة وان شاء الله اتسامحنا كداش تعبت وتحملت غير انا بس تؤام مع اختي التانية تعبت في جرتناوكل ما انجيب انقول الله ان شاء الله تسامحني

[om janaanno]

فولتلك بالسكن ... إن شاء الله في القريب العااااجل يااااارب

والله لفتلنا راسنا حق .... لكن لما أدققي فيها تقدري تنفذيها وإن شاء الله بعد يوم الإثنين نحاول إنطبق ...

[اشجان الحياة]

اهلا ام زكريا ماشاء الله تشوفيها عروسة وتفرحى بيهم كلهم
قداش عندك صغار

[ام زكريا الحلو]

امين حبيبة عندي 2بنات و3اولاد وربي يحفظلك اصغارك

[ام زكريا الحلو]

زعمة وينها ملوكة وغيرهم لبنات امشفرات واما مش فاضيات انكتو ويضموفي الحوش قبل الرمضان يخخخ الله يعين

[om janaanno]

السلام عليكم ورحمة الله وبركاته كيف حالكم توة\\\\ ام جنانو احنا عندنا قطعة ارض بجانب جامع الصفاء ولكن الى حد الان ما بنيناش فيها ربي يسهل انا بكرتي مواليد 96 ولله الحمد ربنا يجعلهم درية تخاف الله وتسعى لرضاه امين وشني قصة اللفايف توة انشوفهم ةعلى العموم بالجودة كلكم وانا زليطنية وامي الله يحفظها طرابلسية ابا عن جد من شارع الظل وادعولها البارحة كيف روحت من تونس للعلاج يمكن عامل السن ليه دور ربنا يطول في عمرها الحنينة وان شاء الله اتسامحنا كداش تعبت وتحملت غير انا بس تؤام مع اختي التانية تعبت في جرتناوكل ما انجيب انقول الله ان شاء الله تسامحني

وعليكم السلام ورحمة الله وبركاته

أهلين بأم زيكو ..
إن شاء الله تعمريها بالخير والهني ياااااارب ...

ما شاء الله لاقوة إلا بالله ... ربي يباركلك فيها ويرزقها الزوج الصالح يلي يسعدها ويهنيها يااااارب .... عمرها زي أختي الصغيرة ..

اللفايف ... هههههه هذه مسايقة في قسم المعجنات .... تعالي دوخي معانا

http://www.lakii.com/vb/a-25/a-776885/

حمد لله على سلامة الوالدة ... الله يطول في عمرها ويقدركم على طاعتها يااارب .... اللهم رب الناس أذهب الباس إشفي أنت الشافي شفاءاً لايغادره سقما ...

وبالجودة بيك وبكل الحبوبات .... أنا أبي ترهوني وأمي من الخمس ..