الأمهات الجدد : يلا بينا نتجمع هنا

[om belal]

عملييييين ايه؟ نزلت اشوف لبلال البيجامات الشتوي بقه بس ملقتش خالص الفنلات القطيفه في لوفلي الكنتي بتقولي غليها يا logee لو تعرفي القيها فييييييييييين يارييت تقوليلي اصل حساها عمليه اوي و تدفي تحت الهدوم

[Mera]

ميرا ....الف مبروك على التجمع الجديد

يشرفني ان أكون اول واحده تنوركم في التجمع

والف مبروووك الحج ربنا يحفظكم ويحفظ مانو يارب
هي رحلة الحج مشقه بس متعه ما بعدها متعه

ان شاء الله تروحوا وترجعوا بالسلامه يارب
وادعيلنا

الله يبارك فيكى يا حبيبتى ودعواتك

يارب التجمع الجديد يكون وشه حلو عليا يارب

امين يا ب

مبروك التجمع الجديد يارب يكون خير علينا جميعا وعلة اولادنا


ماشاء الله ياميرا الله يعينكم ويسهل الحج عليكم ويحميكم


اعذريني ع التأخير

بالنسبة للشوفان .. تحطي 4 ملاعق او اكتر وتحطي عليه مويا وتخليه يتنقع ربع او نص ساعة

وتحطيه في الخلاط مع موز او كمثرى اوتفاح او اكلهم مع بعض فواكه مشكلة اللي يريحك

وتحطي 4تمرات وتخلطيهم بالعافية على مانو

ان شاء الله رح تحبه


ياحلواااااااااااااات

يوم الجمعة رح يمر على زواجي سنتين بالضبط

امين ودعواتك
بخصوص الشوفان يعنى كده هو مش بيتحط على النار بيتنقع فى مايه بس
وكل عيد زواج وانتى طيبه وحياتك كلها سعاده يارب

[Mera]

بنسبه ليكي يااااميرا يارب يسهلك الحج و يحفظ مانو يا رب تجربه صعبه برضه بس ان شاء الله ربنا يقويقي يارب

امين يارب ودعواتك يا ام بلال
ونعيما لبلال على الحلاقه والحمد لله ان الدكتور طمنك على الترجيع
وبالنسبه لموضوع الخضار الاطفال اذكى مما نتخيل انا مانو ما بعرفش اضحك عليها فى موضوع الاكل ده خالص بتاكل اللى على مزاجها وبس

ميرا ربي يسهل الحج انا جدتي رايح الحج هدا اسبوع لاتنسيني بدعاء لاولادي حبيت اطمنك انا ياسمين شامي هي كويزه بس غيرت بيت ونت مقطوع شو هو شوفان

امين يا رب متخافيش على الدعوات انا ناويه ان شاء الله

ميرو الف مبروك ع الحج ربنا يتقبله منك و يجعله في ميزان حسانتكم
عندي انا كمان خبر جديد ام زوجي خير الله ما اجعله خير اكتشفت فجأة ان عندها احفاد وحشنها فقررت تيجي لنا زيارة تقعد معنا 3 شهور من نص ديسمبر و م ساعتها و انا حتجنن بجد

امين يارب وجزاكى الله خيرا على دعواتك الجميله
وربنا يعينك على الجهاد وعلى الثلاث شهور كمان وكله باجره بس بجد خدى نيه وربنا معاكى يارب

mera مبر وك مقدما على الحج بس ياتلرى ناويه تاخدى بنتك معاكى

جزاكى الله خيرا يا همس
اه ناويه اخدها معايا اصل ماما كمان رايحه الحج فقلت تبقى فرصه وتساعدنى

ياجماعه أنا رحت لدكتور العيون امبارح وطبعا كان معايا حسين باشا وباباه ويارتنى ما رحت ...والله كلمه اتبهدلت قليله مابطلشى صريخ وزعيق فى الناس ده كان فيه طفل بتاع سنه وكام شهر جه يلعب مع حسين راح ضربه فزعلت أمه وقالت ليه كده ده جاى يلاعبك راح زق الولد وبص على امه وهاتك يازعيق اه اه اه اه طبعا صوت بزعيق لدرجة انى التمرجى دخلنى قبل معادى عشان يرتاح

هههههههههههههههههههههههههههههههههه
يعنى نفعك ما تشتكيش منه ده انتى المفروض تاخديه معاكى فى المواقف اللى زى كده دايما ربنا يحميه ويباركلك فيه يارب

حج مبرووور ولو ان بصراحة كنتى اجلتيها عشا ن الانفلونزا
ربنا يسترها ان شاءالله وتروحو وتيجو بالسلامة

جزاكى الله خيرا انا قلت ماما معايا دى فرصه كبيره ومحدش عارف السنه اللى جايه فيها ايه

ام رومى جزاكى الله خيرا يا حبيبتى على المعلومات المفيده

ياجماعه ايه موضوع الارض مع العيال دى ده انا باتحايل عليه ياكل مش بيرضى ومجرد مااسيبه لو لقى اى حاجه فى الارض على بقه فورا انا بفكر ارميله الاكل على الارض عشان ياكه

انتى بتقولى فيها يا همس انا فعلا بعمل مع مانو كده بفرشلها حاجه واحطلها الاكل على الارض وهى تاكل منه لو اكلتها انا مش بترضا لازم هى تاكل بنفسها فاكره نفسها كبيره

انا بديت اشترى لبس شتوى لتوتة
جبنا فستان العيد الحمدلله
بس محتارة فى بيجامات البيت
انا ان شاءالله نازلة مصر 18 نوفمبر على ما افتكر الجو فى الوقت ده السنة اللى فاتت كان حرررر مش عارفة اجيبلها بيجامات بكم خفيفة ولا اجيب شتوى على طول؟؟؟

بيتهيقلى الجو فى مصر من دلوقتى ابتدى يبرد بنت اختى عندها 4 سنين بيقولولى لبست الشتوى خلاص

[Mera]

طيور الجنه عامله شغل معايا مانو متنحه قدامها وانا شغاله اكتب ردود
ربنا يهديها عليا يارب

[logee 33]

أم بلال الفانلات كنت جايبها من لفلي..
هي اصلا تصنيع مصنعهم
هما مش باينين بس اسألي البنت عليهم بطلعهم
او يمكن لسه شويه عالبال ما ينزلوها
لان في محلات حاطه خريفي وشتوي بسيط
على العموم انا برضه ناويه اروح اشوفها لجوجو

[logee 33]

ماريا الف سلامه على بنتك وربنا يشفييها اهتمي بس بتدفئتها وان شاء الله تخف بسرعه

ام توته الجو في مصر متقلب اليومين دول مش مقياس يعني ممكن تحرر تاني هو 11كله متقلب

وبصراحه انا مش حاسه النهارده ان الجو برد يمكن عشان قاعده في البيت وبيتي قبلي شرقي حر اصلا
مش مشغله تكييف طبعا ومقفله الجو حلو
جوجو الصبح لبست بيجامه بنطلون ونص كم
وبعدالعصر لبست بكم وبنطلون
بس بالليل لبستها فانله نص كم لاول مره وسالبيوت قطن مذركير اللي رجله مقفوله
لان هي بتكشف نفسها على العموم
الفانلات الكم مع البيجامات هتبقى كويسه
تنوري يا قمر

[logee 33]

ميرا ..
تروحي وترجعي بالسلامه اخر خبر ان ماما قدمت كل اوراقها والصور ودفعت الفلوس عشان الحج

احنا كلنا خايفيين عليها
بس هي لها رغبه قويه تروح
بتقول مش عارفه هاعرف اروح السنه الجايه ولا لأ
يارب تروحوا وترجعوا بالسلامه كلكم

[logee 33]

لف جيرل كل سنه وعنور طيب عقبال ملييييون سنه يارب
شمس الحب
مصريه بالكويت
الاميره همس
قلب خالد
حبيبة تيتو
يارب كلكم تكونوا بخير

[الأميره همس]

أم بلال كام يوم وهايرجع لقواعده
ماريا ألف سلامه لملاك
أم توته فعلا الجو برد فجأه خدى بالك بقى ...هو انتى اصلا من فين فى مصر

[الأميره همس]

لف جيرل كل سنه وعنور طيب عقبال ملييييون سنه يارب
شمس الحب
مصريه بالكويت
الاميره همس
قلب خالد
حبيبة تيتو
يارب كلكم تكونوا بخير

كله تمام ياعسل المهم تكونى بخير انتى وجوجو