أكتشفت زوجي في الاتوبيس ................. قصه حقيقيه

[omrody2005]

تسلم عيونك يارب يا احلى ام رودى
ربنا يوفق البنوتات الحلوين
وتشوفيهم فى اعلى المراتب ان شاء الله
وحدة صيدلة والتانية امممممممم صيدلة برضه[/CENTER]

تسلمي يا حبيتي علي دعوتك الجميله اللهم امييييييييييييين يا رب

وعقبال بناتك الغالين الحلوين

حبيبتى شرويت انا كنت معاكم فى القصة الى فاتت لحظة بلحظة بس زائرة فقط
سجلت بعد ما خلصت عالطول علشان اشكر ام رودى
انا والله بستعجل ام رودى علشان بالى يروووق قبل ما تيجى بنتى من المدرسة
بدل ما اكون عاملة زى التايهة وكمان بتصعب عليا بنتى تيجى تلاقينى قدام الجهاز كده
بتكون عايزة شويه اهتمام
قلبتها محاضرة عن الامومة

طيب يبقي كفايه كدة النهاردة علشان خاطر أروووووووووووووي ولا ايييييييييييه رأيك

ام رودى يا عسل
اجبلك انا لسه عامله حالا قراقيش فيه سادة وفيه بعجوة
تحبى تشربى ايه ؟
شاى ولا شاى بلبن؟
انتى عارفة احلى حاجة فى القصتين ايه
انهم باللغه المصرية الاصيلة
وحشانى يا مصر يا ام الدنيا

يا عيوووووووووووووني تسلمي تسلمي يا رب وتيجي مصر علي خيررررررررررررر


انا بقي نفسي في القراقيش بمووووووووت فيها سادة ومفيش مانع بعجوة لزوجي الغالي ههههههههه


وما دامت بقي العزومه نتاوي يبقي عايزة واحد شاي بلبن هههههههههههه


شكل اروي لسه ما جيت طب ننزل بكمان جزء

[omrody2005]

الفصل الرابع والعشرين


حفلة خطوبة منى كانت جميلة جدا وعلى مستوى عائلى فقط يعنى بالمصرى حفلة على الضيق
وظهر على الجميع علامات السعاده والبهجة التى أختفت من على وجه منى
كانت تبتسم ابتسامات مقتضبة وسريعه لمن ينظر لها

جاءت والدته ومعها الشبكه وهى تقبل منى على خدها وتحتضنها
قال أدهم لوالدته:لو سمحتى يا أمى لبسيهالها أنتى أنتى عارفه انا مش هينفع

نظرت له منى باحتقان وشعرت بها من مكانى فأقبلت عليها :فقالت لى :
بيقول لامه لبسيها انتى هو خايف يلمسنى ولا ايه

:شدت على يدها وانا اقول:يابنتى علشان انتى مش مراته تقريبا كده يعنى
ومش عاوز يمسك ايدك علشان كده ..الله يخاليكى اضحكى شويه الناس مركزة معاكى
شكلك كأنك مغصوبه عليه

وعندما همت والدته بنزع خاتم الخطوبه من علبة الشبكه
ظهر هشام الذى كان اختفى من نصف ساعه وفى يده المأذون
وهو يقول أستووووووب العريس هو اللى هيلبس الشبكه بس بعد كتب الكتاب

وكانت مفجأة سعيده جدا للجميع وتبادلوا الضحكات والهمسات الساره
و ألجمت منى وتسمرت مكانها وهى تستمع الى اخيها الذى يتحدث بسعادة
عن الاتفاقيه التى فعلها مع والد أدهم ووالدته ووالدة منى التى كانت جهزت
كل شىء طلبه هشام الصور والبطاقه الشخصية ورحب الجميع بهذه المفجأة الساره
الغير متوقعه وخصوصا أدهم الذى أزداد نور وجهه وتألق بزواجه
وعلى العكس تماما كانت منى أنطفأ نورها وأحمر وجهها من الصدمه وهمست لى

:انا حاسه انى هيغمى عليا احنا متفقناش على جواز
كان لازم أخوفها علشان توافق:شششش عاوزاهم يقولوا رفضت ليه ؟مش شايفه الناس كلها
بتبصلك ازاى ..اسمعى كملى اليوم بس وبعدين كتب الكتاب ده مش جواز زى ما أنتى فاكره
ده عقد بس كده بس هتفضلى خطيبته يعنى

هزت منى رأسها بالموافقه..وانا شعرت فى سرى انى اصبحت من بتوع المخابرات
اللى بيعملوا غسيل مخ للناس علشان يجندوهم
أقبل الناس وتم كتب الكتاب على خير والحمد لله ثم رأيت أدهم وكأنه تبدل
وكأنه أصبح شخصا آخر فى ثانيه وأعتقد ان منى ايضا أصابها الزهول

فلقد مسك يديها وقبلها وقال بابتسامه جميله:مبروك يا حبيبتى ربنا يجعلنى نعم الزوج
الصالح ويجعلك نعم الزوجه الصالحه وقبلها مره اخرى على جبينها...
وقام بالواجب من ناحية الشبكه يعنى ..يعنى مثلا العقد يقعد فيه ساعه والانسيال ساعه والحركات دى بقى انتوا عارفينها

قلت فى سرى يا حلاوة يا ولاد ده طلع حبيب أهو يارب يهديكى يا منى يا بنتى يا رب
حقيقة رأيت وجه والدتها وكأنه البدر ما أجمل عاطفة الام ...وأذا بأمى تشدنى اليها ودموعها فى عيونها ربنا يابنتى يرزقك الزوج الصالح يارب
:خلاص يا ماما خلاص امسحى دموعك يقولوا عليا معنسه ولا حاجه

______________________________

اليوم التالى كان يوم الجمعه معاد المقرأه الاسبوعى وانا عائدة الى البيت
دق جرس هاتفى وبدون مقدمات قالت منى بانفعال
سامح بيعمل ايه عندكوا يا مشاعر

:مين ياختى ..سامح مين
منى : انتى هتستعبطى ولا ايه انا لسه شايفاه داخل عندكم

:عند مين يا ماما انتى باين عليكى اجواز جابلك تهيئات
منى بعصبيه :انا مش بهزر دلوقتى قوليلى جاى ليه
نبرة منى جعلتى أتأكد انها لا تمزح وأنها ايضا متأكده ووقع قلبى فى أخمص قدمى ..
ينهار مش فايت ..مش عارفه يا منى انا مش فى البيت انا كنت فى المقرأة وخلاص أهو
على أول الشارع
منى :سكتت شويه ..اه خلاص شوفتك

..بس برده مقولتيش جاى عندكم ليه ..مش معقول متعرفيش
:والله ما أعرف حاجه ربنا يستر هموت من الرعب ..حاولت أستحضر كل الادعيه اللى اعرفها
لكن كلها تفلتت مني من شدة الخوف وهاجمنى مغص شديد وانا ادق باب شقتى
وأذا بأمى تفتح وعلى وجهها علامات السرور ..

دخلت وأذا به يجلس مع والدى ويتحدث معه..حاولت ان أفرك عينى لأتأكد بس طلع صحيح
مشوفتش بعدها دخلت غرفتى فى سرعه ودخلت أمى فى أثرى وبمجرد دخولها
أحتضنتنى قائله:مبروك يا حبيبتى عريس زى القمر والله ده كل البنات هتحسدك عليه

:ايه يا ماما عريس ايه وبتاع ايه ..مين ده اصلا..........
أمى: ده عريس يا عبيطه ..قال انه شافك فى الجماعه واعجب بيكى وسأل عليكى
وجه يدخل البيت من بابه
:يا حلاوة ده ايه العظمه دى مكنش حد غلب يا حاجه
أمى :بقولك ايه مطلعيش زربينى ..ده عاجب أبوكى عارفه يعنى ايه عاجب أبوكى

:طب والله كويس على خيرة الله طالما عجبه
أمى بشخط:بت
جاء أبى ودخل فى الحوار :أمك قالتلك
أمى:ايوه قولتلها
ابى :طب انا خدت منه عنوانه وبياناته وقولتله هنسأل عليه ونبقى نرد
أمى:طب أقعدى معاه علشان يتعرف عليكى وتتعرفى عليه
:لاء مبقعدش مع حد لما تبقوا تسألوا عليه ابقى اقعد

أبى بصرامه:خلصينا تعالى شوفيه يمكن متعجبيهوش
(شوفتوا ابويا..يمكن معجبهوش..مش قولتلكوا أهلى تقريبا زى اهل منى)
لا يستطيع احد فى البيت ان يقول لأبى لاء او حتى تظهر على وجهه علامات الاعتراض

خرجت أمى ورحبت به للمره المليون ثم خرجت وراءها وجلست بجوارها
ولمحت نظرته المنكسرة وتعجبت ملامحه كانت مختلفه ويبدوا عليها العدوء على غير العاده
تكلمت امى كلام عادى به مزيد من الترحيب ورد هو بلباقه ..أهلا بيكى يا أمى

:أمى ..أمك منين يابنى طب قول طنط تبقى مبلوعه شويه
أمى وهى تشير الى وتعرفنى به (قال يعنى معرفوش)
سامح: ازيك يا آنسه......
:الحمد لله

أمى: تشرب شاى ولا قهوه
سامح :لالا متتعبيش نفسك يا أمى
أمى:لا والله تعبك راحه..ها شاى ولا قهوه
خرجت أمى لتفسح لنا الطريق للتعرف وعلى الارجح وكما تفعل دائما دخلت لتجلس مع ابى

همست له: انت حصل فى مخك حاجه ولا ايه
سامح :ليه
:أنت ازاى تيجى هنا وايه حكايه جاى تتقدملى دى ..قصدك ايه يعنى
سامح: هيكون قصدى ايه ...عايز أتجوزك طبعا
:ليه

سامح :هو ايه اللى ليه..انا جاى اتقدملك وزى ما قولت لوالدك داخل البيت من بابه
:انت بتستهبل ؟
سامح بهمس أكبر :لاء بحبك

:قولى هو بالنفر ولا ملاكى
سامح :هو ايه
:قلبك
سامح:انا عارف قصدك ايه ..انا مش هعرف افهمك دلوقتى ..على فكره معاكى حق
فى كل اللى بتقوليه عليا دلوقتى فى سرك..بس والله انا محبتش حتى احاول أكلمك قبل ما اجى البيت علشان اثبتلك انى جد معاكى وانى اتغيرت فعلا

وهنا دخل أبى :أهلا وسهلا يا أستاذ سامح
سامح:أهلا بيك يا عمى

أستأذنت وقمت وجدت أمى فى وشى :ها ايه رأيك زى القمر صح وشكله مؤدب وابن ناس
تنهدت وقلت :اه فعلا شكله مؤدب جدااااااااا
أمى بفرحه:يعنى موافقه

:بزمتك يا ماما ..انتى عاوزه تجوزينى اسرع ما بتسلقى البيض
أمى: اه ..عاوزه افرح بيكى قبل ما أموت وهو عيب يعنى يا بتاعة الحلال والحرام
:خلاص يا أمى خلاص سيبينى بس أفكر وبعدين انتوا مش لسه هتسألوا عليه

أستنى بقى يمكن يطلع سوابق ولا حاجه
أمى: نعم سوابق بقى ده شكل سوابق ده انتى اللى سوابق
:ايه يا ماما من اولها كده هتقفى فى صفه اومال لو وافقت واتجوزته هتعملى ايه هتتبنيه
وتطردينى بره البيت

أمى:والله يا بنتى نفسى اطردك بس على بيت عدلك
:ايه الامهات دى يا ناس ..اومال فين حنان الام اللى بيقولوا عليه

(الله يرحمك يا أمى ويدخلك فسيح جناته )

[shrwet]

هههههههههههه جننتى القراء يا ام رودى

حرام عليكى
انا حوصى الطلبه عليكى وهم مش حيتواصوا هههههه

على فكره انا قرات بالامس وتابعت لكن الاب كان عنده وعكه فمعرفتش اقول اى تعليق

بس كنت متابعه وكنت جايبه لكم ترمس وحمص وفشار

بس اعمل ايه ملكمش نصيب فيه ههههههه

كملى كملى لحسن ام اروى استوت خالص
امال لو كانت معانه فى القصه الى فاتت كانت عملت ايه

مش عارفه ام فاطيمه اختفت فى ظروف غامضه ومام بتحاول تحصلنا وانا بتفرج

[omrody2005]

هههههههههههه جننتى القراء يا ام رودى

حرام عليكى
انا حوصى الطلبه عليكى وهم مش حيتواصوا هههههه

على فكره انا قرات بالامس وتابعت لكن الاب كان عنده وعكه فمعرفتش اقول اى تعليق

بس كنت متابعه وكنت جايبه لكم ترمس وحمص وفشار

بس اعمل ايه ملكمش نصيب فيه ههههههه

كملى كملى لحسن ام اروى استوت خالص
امال لو كانت معانه فى القصه الى فاتت كانت عملت ايه

مش عارفه ام فاطيمه اختفت فى ظروف غامضه ومام بتحاول تحصلنا وانا بتفرج

انا اللي جننتهم البركه في مشااااااااااااااعر بروعه وسلاسه وجمال أسلوبها هي اللي جننتنا كلنا ما شاء الله عليها


وربنا يباركلها في صوابع ايديها اللي تعبت من كتر الكتابه علي الكي بورد لكي تمتعنا ربنا يسعدك يا مشاعر ويبارك لكي في حمزة


أم فاطيما متهيألي عندها مشكله في الموبايل او الكمبيوتر يا رب ترجع لينا بالسلامه

وهي ما عرفت تدخل لان كل اسماء العضوات اللي دخلوا الموضوع هنا ظاهرين عندي وكمان بالتواريخ كله عندي هههههههههه أمنورين







تعالي هنا يا شرويت ما لناش دعوه بدنا حاجه تحلي انا عطشاااااااااااااااانه وجعانه وانتم معتقلني امام الموضوع هناااااااااااااااا ههههههههههههه


يسعد ايامكم كلها احلي صحبه

[ام اروى 86]

ام رودى يا عسل
اجبلك انا لسه عامله حالا قراقيش فيه سادة وفيه بعجوة
تحبى تشربى ايه ؟
شاى ولا شاى بلبن؟
انتى عارفة احلى حاجة فى القصتين ايه
انهم باللغه المصرية الاصيلة
وحشانى يا مصر يا ام الدنيا

[ام اروى 86]

تسلم عيونك يارب يا احلى ام رودى
ربنا يوفق البنوتات الحلوين
وتشوفيهم فى اعلى المراتب ان شاء الله
وحدة صيدلة والتانية امممممممم صيدلة برضه

[ام القادة]

أنا متأكدة أن مام لن يهدأ لها بال حتى تلحق فالقصة موصولة وكل ما الوحدة تقرأ جزء حتى تتشوق الى الجزء الذي بعده

أم رودي الحلوة تعبناكي معانا ربي يوفق بناتك وينجحهم ويصلحهم ويكونو قادة مع أطفالي ان شاء الله

ولكن سؤال بسيط ان تكرمتي هل تعرفين الكاتبة مشاعر معرفة شخصية ؟؟؟

[omrody2005]

أنا متأكدة أن مام لن يهدأ لها بال حتى تلحق فالقصة موصولة وكل ما الوحدة تقرأ جزء حتى تتشوق الى الجزء الذي بعده

أم رودي الحلوة تعبناكي معانا ربي يوفق بناتك وينجحهم ويصلحهم ويكونو قادة مع أطفالي ان شاء الله

ولكن سؤال بسيط ان تكرمتي هل تعرفين الكاتبة مشاعر معرفة شخصية ؟؟؟

مام فعلا ما شاء الله مستلمه الصفحات تلو الاخري بعرف لما بتسجل الاعجاب بالجزء اللي قرأته وما ليش دعوة بقي لو عيالها ولا جوزها قفلوا لها الكمبيوووووووووتر هههههههههههههههه

فبجد انا هتوقف اليوم لحد كده علشان خاطر مام وولادها


علي مهلكم يا بنااااااااات الموضوع موجود مش لازم تقرأوها كلها في يوم واحد انا عن نفسي قرأت القصه كلها في ساعتين ههههههههههههههههههههههههه

بجد كما قلتي يا أم القادة يا عسسسسسسل كل ما خلص جزء اسرع بفتح الاخر علشان أشوف الاحداث هههههههههه ربنا يخلي لينا مشاعر

وتسلمي علي دعواتك الحلوة يا رب

[omrody2005]

الفصل الخامس والعشرين


دق جرس الباب .......يوه ده باينه يوم مش فايت
أمى:أهلا أهلا أزيك يا عروسه وماما عامله ايه...الحمد لله يا طنط كويسين ممكن أدخل لمشاعر
أمى :اه يا حبيبتى اتفضلى شكلها هتحصلك قريب..بصراحه يا بنتى وش جوازت حلو اوى عليها
منى:بجد يا طنط

أمى:اه يا بنتى أسكتى اسكتى (أسكتى انتى يا أمى الله يخاليكى)
جايلها عريس انما ايه زى القمر وابن ناس طول بعرض ..شاب يشرح القلب
منى :والله..مبروك يا طنط...عن أذنك ادخلها
:حرام عليكى يا أمى ...ربنا يستر

منى دخلت الاوضه عندى زى القطر وبدون أستئذان وزى ما بيقولوا يتطاير من عينها الشرار
وقفلت الباب وراها

:نهار مش فايت شكلها هتضربنى
منى من بين سنانها :مبروك يا عروسه طب مش تقوليلى اومال مين اللى هيمسكلك الشمعه
(شمعة ايه يا منى ده انتى من زمان اوى)منى اقعدى افهمى لو سمحتى

منى من كتر انفعالها حاسه انها هتنفجر فى وشى:افهم ايه يا ست هانم ..عماله تطلعى فيه عيوب الدنيا ...كنتى بتطفشينى مش كده..عجبك لما شوفتيه مش كده..انتى بقى الخضره الشريفه

اللى اختارها وسابنى علشانها..طبعا مش انا اللى مشيت معاه مش انا اللى اتنازلته وانتى الطاهره اللى ملمسكيش ..هى دى الصداقه هو ده الالتزام وانا العبيطه اللى كنت بقول جابت رقمه منين
اتاريكوا متفقين على الجواز ويمكن كنتوا بتتقابلوا من ورايا والله اعلم ايه اللى كان بيحصل

لحد هنا مقدرتش أستحمل اول مره اكلم منى بالصرامه دى:اسمعى يا منى لحد هنا وما اسمحش
ابدا لاى حد فى الدنيا انه يقول عليا الكلام ده كله الا كده انتى فاهمه ولا لاء

وبدل ما انتى داخله تلقى الاتهامات جزافا كده اسألى واسمعى وانتى ترتاحى وتريحى
منى:اسمع ايه وافهم ايه ده جاى يتجوز عارفه يعنى ايه يعنى بيحبك

:والله؟ بيحبنى ازاى بقى بيحبنى بالاسلكى ولا نام وحلم بيا
منى:قولى لنفسك ...كنتوا بتتقابلوا من ورايا صح كان بيقولك ايه ها

:شوفى يا منى عاوزه تفهمى اهلا وسهلا اهدى وانا هفهمك لكن عاوزه تفضلى تقولى كلام انتى عارفه انه غلط يبقى احتفظى بيه لنفسك وروحى بيتكوا
منى : طبعا ما انا خلاص مبقاش حد عاوزنى مش انا المنحرفه اللى فيكوا دلوقتى

اعصابى فلتت مني:يا تسمعى يا تمشى يا منى ..
نفخت كنت حاسه انها هتطير البيت :سامعاكى أتفضلى
حكتلها كل حاجه من الالف الى الياء زى ما بيقولوا
وهى تسمعنى وانا ارى على وجهها علامات عدم التصديق والدهشه وأخذت تتمتم:سامح ؟
معقول؟

:أظن بقى كده عرفتى جبت رقمه منين وعرفتى انى ماليش ذنب فى حاجه والمره الوحيده اللى اتصلت بيه فيها هى المره اللى طلبت فيها منه النجده علشان نلحقك
وصدقينى يا منى لو كان فى بالى اى راجل تانى ثقه كنت كلمته هو أصلا مكنش منطقى انى استنجد بيه وانا خايفه عليكى من أخته
بعد اللى سمعتيه ده عاوزه بقى تصدقى انى ماليش ذنب فى انه يجى البيت صدقى مش عاوزه تصدقى براحتك

وبدون ما تتكلم انصرفت فى هدوء ..تركتها لانى اعلم انها تحتاج للخلوه مع نفسها لتفكر
جيدا فى الامر ولتستطيع ان تزن الامور بميزانها الصحيح
______________________________
ايه ده يا منى لسه مجهزتيش نفسك
اجهز ازاى يعنى يا ماما اقوم افرش الارض رمله

الأم:ايه ده بتكلمينى كده ليه ايه قلة الادب دى
منى:انا اسفه يا ماما بس مش قادره استحمل انا معزمتوش علشان اقعد معاه

الأم:يا سلام يابنتى ده جوزك
منى:مش جوزى ده خطيبى بس
الأم:والله والمأذون اللى جه وكتب كتابك كان ايه

منى:انتوا اللى جبتوه وكتبتوا كتابى غصب عنى
الأم:اسمعى يا منى احنا مضربناكيش على ايدك يا بنتى انتى مضيتى بمزاجك محدش
غصب عليكى

منى:خلاص يا ماما بس انتى اللى عزمتيه مش انا وانا مصدعه ومش عاوزه اقعد مع حد
الأم:انتى باين عليكى عاوزه تفضحينا ..انتى هتقومى تلبسى حاجه عدله وتسرحى شعرك ده
ولا اندهلك ابوكى

منى بعصبيه:حاضر حاضر حاضر..ربنا يخدنى
شويه ودخلت عليها تانى :شهلى شويه جوزك جه بره
منى:اهو خلاص

الأم:ايه اللى انتى لابساه ده يا بنتى ومالك لمه شعرك كده ليه
منى:والله بقى ده اللى عندى مش عجبكوا مطلعش
الأم:ربنا يهديكى يا بنتى.......تعالى

خرجت منى سلمت على أدهم وقدملها بوكيه الورد اللى جابهولها
منى:شكرا
الأم :عن أذنك يابنى خد راحتك ده بيتك
أدهم :طبعا يا أمى

أدهم قرب مكانه شويه من منى اللى كانت قاعده بعيد ونظر لها بابتسامه عذبه:وحشتينى
منى:هه ..شكرا
أدهم:الورد عجبك

منى:اه اه عجبنى شكرا
أدهم هو كل حاجه شكرا
منى :اومال اقول ايه
أدهم :مينفعش اقولك تقولى ايه انتى اللى لازم تقولى
منى :_________
أدهم بس ايه الطقم الرقيق ده حقيقى حلو اوى عليكى
منى: فى سرها(ده حلو ده ...ده انا نقيت اوحش حاجه عندى)
........تشرب عصير
أدهم:لو من ايدك أشرب

منى(والله فكره اقوله يمكن يطفش)....لا انا مينفعش أشرب حاجات مسكره
بينى وبينك اصل انا عندى السكر

أدهم بدهشه:معقوله ....الف سلامه عليكى ....
منى :الله يسلمك ..بس شكلى كده حالتى متأخره يعنى هيبقى عندى مشاكل فى الجواز والحمل
ربنا يصبرك بقى

أدهم:ربنا يصبرنى.....ده افديكى بروحى يا منى انتى بتقولى ايه
منى : فى ايه ..انت محسسنى انك بتحبنى وبتموت فيا ...
أدهم بدهشة :طب وفيها ايه اه بحبك انتى مش مراتى ولا ايه

منى:ياسلام هو انا يعنى علشان مراتك تقوم تحبنى بس لمجرد انى مراتك
أدهم بتعجب:اومال يعنى احبك وانتى مش مراتى ويبقى حبنا بيغضب ربنا
منى:انا مش بتكلم على حرام وحلال..انا بتكلم انك مشوفتنيش غير كام مره

لحقت تحبنى امتى((ياسلام ياسلام على اساس ان سامح كان عشرة عمر يعنى))
أدهم:متنسيش اننا فى بينا نسب من زمان وبعدين يا ستى ربنا حط حبك فى قلبى
دى حاجه تزعلك اوى كده

منى:لا بس.....بس خاليك واقعى معايا علشان نقدر نفهم بعض
أدهم:بصراحه يا منى موقفك ده غريب انا مش فاهمك
منى:وعمرك ما هتفهمنى ..انت واحد كان بيدور على واحده مناسبه وخلاص
ولوكان فى واحده انسب منى كنت هتجوزها فبلاش بقى تقولى بحبك والكلام ده

أدهم:شوفى يا منى انا عمرى ما بحب احلف ابدا..لكن والله العظيم انا حبيتك فعلا
وخصوصا بعد كتب كتابنا وانا بلبسك الدبله حسيت انك مراتى من زمان اوى
وانى شوفتك كتير وواخد عليكى ...

منى :طب وانا مسألتش نفسك انا بحبك ولا لاء
أدهم :انا مش صغير يا منى ومش مراهق انا عرف انك لسه بتاخدى عليا
وبعد كلامك ده اتأكدت انك لسه محبتنيش ويكفينى انك وافقتى على جوازنا
ده فى حد ذاته حاجه كبيرة عندى

منى:ومين قالك انى وافقت
أدهم وشه تغير وقام وقف :بتقولى ايه ...انتى لو موافقتيش يبقى جوازنا باطل
قوليلى دلوقتى حالا انتى وافقتى ولا لاء
منى ارتبكت جدا وخافت لامها تسمع:لالا انا وافقة طبعا
أدهم :طب كلامك ده معناه ايه

منى:معناه انى ..بص انا معرفكش ولا اعرف عنك حاجه تخلينى احبك
ادهم قعد جنبها وبص فى عنيها بثقه:اوعدك انى اخاليكى تحبينى
توالت زيارات أدهم ل منى علشان ياخدوا على بعض لكن كل مره كان بيحس منها بصدود
_________________________
أمى :تعالى يا حبيبتى .....مش أبوكى سأل على العريس ولقاهم ناس كويسين ومبسوطين اوى
:بجد.....مبسوطين ازاى يعنى بيضحكوا كتير

أمى:بت انتى انا مبهزرش ..أظن كده مالكيش حجه
:طبعا ماليش حجه طالما اهله بيضحكوا على طول هرفض ليه

أمى:طب استنى بقى اناديلك ابوكى علشان تعرفى تتريقى كويس
:لا ابوس ايدك يا ست الكل اقعدى انا اسفه بلاش ابويا انتى عارفه انه مضطهضنى
أمى:ها قولتى ايه
:طب يا ماما يا حبيبتى يرضيكى اتجوز واحد معرفش عنه حاجه طب اوافق ازاى
دى تبقى موافقه على ميه بيضه

أمى:خلاص لما يجى تانى اقعدى معاه زى ما انتى عايزة واتكلمى معاه براحتك
:هو ابويا هيسيبنى افتح بؤى ما انتى عارفه وبعدين انتى ايه اللى عرفك انه هيجى تانى
مش جايز لما شافنى هرب بجلده

أمى:لا يا حبيبتى ده كل يوم يتصل بأبوكى وبالنسبه لموضوع انك عاوزه تتعرفى عليه ده
مالكيش دعوه سيبيها عليا انا هخاليكى تتكلمى معاه براحتك المهم تطلعى بنتيجه وتخلصينا

:طب ممكن بس تأجليها شويه مش فاضيه اليومين دول
أمى :خلاص يا حبيبتى ابوكى اتصل بيه وحدد معاه معاد

:يادى النيله فى ايه يا جودعان هو انا هوى سراب شبح محدش شايفنى
أمى:هو كان عاوز يجيب معاه ابوه وامه وقاله بالمره نقرأ الفاتحه

بس أبوكى قاله لا تعالى لوحدك المره دى
ولو حصل قبول ابقى هاتهم المره اللى بعدها

الله يخرب بيتك يا سامح) والمحروس جاى أمتى
أمى: يوم الجمعه
الله ..كملت يعنى كده كده هتشوفه)

[omrody2005]

بصراااااحه بعد رد فعل مني تجاه سامح بعد اللي عملوة فيها هو واخته


ورد فعلها تجاة أدهم

متناقض وبصراحه أنا زعلانه منها قوووووووووووووي