وااااااااااااااو عليكم أيه الحاجات الحلوه ديه
بنت مصر انا عندى طريقه مخصوصه للسبانخ بتبقى حلوه و مفيده ان شاء الله
بعملها بحمص الأكل لو تعرفيه بكون نقاعاه قبلها بكام ساعه فى ميه و بعدين أحمر بصله و أحط عصير الطماطم وو يتسبكوا شويه و أحط الحمص بعد تصفيته و اسيبه لحد ما يستوى
بالنسبه للسبانخ انا بشتريها طازه بتكون تحفه و تغسليها كويس و تقطعيها صغير بما فيها السيقان و الجذور و بالذات الجذور بتاعتها بتدى طعم هايل و مفيده جدا (طبعا محتاجه غسيل جامد و تنظيف) و معاهم حزمة كسبره خضراء و شبت و أحطهم على الطماطم و الحمص يا خدوا غلوه واحده و أطفى عليها . طبعا الطماطم بيبقى محطوط عليها الملح و الفلفل و البهارات و الكسبره الناشفه و أى توايل تحبيها و تشوفى انها هتضيف نكهه حلوه و بالهان و الشفا
عملت النهارده لحمه محمرة بالخضار مع رز حبه و حبه و فاصوليا خضراء
اللحمه و الرز كانوا تحفه الحمد لله و عجبوهم اوى
قطعت اللحمه شرائح رفيعه طويله شوحتها فى قليل من زيت العباد و الزيتون و حطيت عليها كل اللى عندى من توابل ههههههه (فلفل بهارات حبهان قرفه جنزبيل زعتر ليمون مطحون قرنفل كسبة ناشفه مستكه ورق لورا ) قلبتهم و حطيت عليهم معلقتين خل و شويه ميه و سبتها تستوى و أضيف الميه شويه شويه لحد ما تكمل سواها على الأخر و تشرب كل الميه اللى فى الصينيه
قطعت فلفل أخضر رومى و بصل شرائح جوليان على رأى الأخوه الأعزاء ههههههه
فى طاسه تيفال شوحتهم فى قليل من الزيت تشويحه على السريع كده و بعدين ضفتهم على اللحمه فى الصينيه و حطيت كسبره ناشفه و حبهان و عصرت ليمونه كامله و قلبتهم
و قدمتهم مع الرز و اللى كان محطوط عليه حبهان و قرفه و بالهنا و الشفا
الروابط المفضلة