اختي العزيزة، اثرت فيه كلماتك لانها خارجة من قلبك بصدق
اختي انا حاسة وفاهمة اللي بتحكي فيه لانه من الطبيعي اي وحدة تتزوج واحد عند اطفال مسبقا لا بد تتعرض لهيك نوع من المشاكل وغيرها، قصتك فيها تشابه كبير مع قصة والدتي الله يعطيها الصحة ويبارك في عمرها ويجزيها كل خير عن تربية اخواني الايتام، امي عانت نفس مشاكلك لمن عرفو اخواني انو امي مو هي امهم الحقيقية وتفسيد رفاق السوء والمحترمين من العائلة الكريمة حوالينا وبصدق كيف لمن تحكي اني بعاملهم متل ولادي لانو احنا هيك تربينا ماما بتعاملهم متلنا تمام ويمكن احسن بعض المرات، اختي بالنسبة لمشاكل المراهقة عند الشباب عانينا منها كتير بس احنا كانت مشكلتنا اكبر انه بدت مشاكل المراهقة عند اخواني بعد فترة بسيطة من وفاة والدي الله يرحمه ويكتبله الجنة فكان الوضع أصعب بكتير وما بوصفلك اديه كانت المعانة خاصة لمن يتفسد عقلهم من برة وعلى قولة : هاي مو امك شو دخلها فيك وهاي مو اختك من امك وهيك. وعدم وجود اب فاقم المشاكل بسبب انه الولاد تمردو كتير، لكن بحب ابشرك انه مع الصبر والدعاء والتفهم الحمد لله مرت هالمرحلة على خير وهلأ اخواني شباب اقتربو من عمر الزواج وكل واحد فيهم خط خطواته بقوة في الحياة العملية وما شاء الله عنهم اخلاقهم وتعاملهم معنا ومع ماما الله يحفظها. وبالنسبة لبنتك الصغيرة لمن عرفت انهم مو اخوانها من امها ذكرتني بموقف بكاني: وقت كان عمري 5 سنين وسمعت وحده من الجارات عم تحكي لماما هيك شي عن اختي الكبيرة اللي بحبها كتير، وانصدمت وبكيت وحكيت لماما : يعني (...) مو اختي؟ وفهمتني امي انه هي اختي بس انه هي ما انجبتها بس ربتها وبهدوء تجاوزت المرحلة وهلأ ما بحكيلك اديه بحب اخواتي واخواني كلهم، طبعا بفضل الله ثم بفضل امي الله يعطيها الصحة اللي زرعت المحبة بيناتنا.
الخلاصة اختي : الله يقويكي وبالصبر والدعاء مشاكلك رح تمر بسلام بس الواضح انك عصبية والعصبية بتخسرك صحتك وصحتك اهم شي منشان الولاد ومنشان بناتك وحتى لو ما طلع فيه خير بالولاد احتسبي اجرك عند ربنا.
الروابط المفضلة