نودي ايه اخبارك ياقمر اليوم
يارب تكوني تمام
يااحلي نوووووووووووووووووودي
في العالم كله
بحبك موت
للبحث في شبكة لكِ النسائية:
|
نودي ايه اخبارك ياقمر اليوم
يارب تكوني تمام
يااحلي نوووووووووووووووووودي
في العالم كله
بحبك موت
مدام هدى يا بسبوسة انا شوفت شغلها على كمبيوتر عندها وعجبنى بس انتى لازم تروحى وتشوفى بنفسك لان ده اختلاف اذواق
كارفن انا روحت ومش عجبنى واصحابى راحوا ونفس النظام
بس رايى الشخصى انتى روحى شوفى شغل كل حد فيهم اللى يعجبنى ممكن مش يعجبك
طارق الصغير حلو
وليد جى جى ميكب بتاعه تقيل مش بيعملوا حاجات رقيقة
اهلا بيكى يا بنت القطاع والف مليوووووون مبروووووك .. كل حاجة بسيطة وسهلة وفى يوم حتعرفى تجيبى كل حاجات ديه مش حتتعبى خالص ..
بصى ياقمر ديه قائمة بالحاجات الاساسية
حنبتدى بالميكب
اى عروسة تكون محتاجة ::::
فانديشن ( كريم الاساس )
كونسلير . لو عندك هالات سوداء
ماسكرا
كحل الاساسى اسود وفيه الوان مختلفة لو بتحبى الالوان زى تراكوز والابيض والزيتى
بلاشر ( احمر خدود ) اكتر الوان بنستخدمها الروز واللون الخوخى اللى يدى على اورانج
روج هاتى الالوان اللى تحبيها
جلوسات بردو نسقيها مع الوان الروج يعنى مثلا جيبتى روج احمر هاتى جلوس احمر درجة اغمق او افتح من لون الروج عشان لما تحطيهم على بعض يدوكى لون مميز
ايشادو وممكن تجيبى علبة صغيرة فيها الوان الاكتر استخدام
لووس باودر ديه اكتر عشان السهرات او ميكب تقيل
مناكير يعنى هاتى لون فرينش ولون كمان عشان مش حتحطى كتير عشان الصلاة وعشان مش ينشف منك من قلة الاستخدام حاولى متجبيش منه كتير
بالنسبة كريمات
هاتى كريم للوجه ليل ونهار او و مش حتطلعى بالنهار يبقى كفاية كريم ليل عشان يغذى البشرة
كريم مرطب الايد والرجل
كريمات للجسم معطرة عندك بودى شوب ونكتار فيهم كريمات حلوة جدا .. كمتان فبيه اطقم مكونة من برفيوم + اللوشن+ كريم الجسم حلوين
كريم مغذى لتحت العين فيه من لوريال ومن كلينيك حاجات حلوة زى الجل بيرطب وبينعمها عشان يقلل الخطوط وطبعا الهالات
شاور جيل عشان الاستحمام هاتى كذا نوع لان استخدام الشاور بيبقى كتير خاصة ان الاستحمام فى الصيف كتير نوعى بين اروايح
شوية برايحة الفاكهة وشوية بروائح البرفيوم
اللوشن اللى يستخدم بعض الاستحمام بيدى نعومة للجسم عندك لوشن من بودى شوب ومن جرجنز ومن فيتكوريا سيكرت ونفيا واوريفليم
بودرة تلك واحدة من غير عطر عشان تستخدم فى ماسكات للوجه او تحت الابط او منطقة حساسة .. وممكن تجيبى واحدة معطرة تحطيها على جسمك تدى نعومة زى البيبيى وكمان ريحة حلوة
شامبو وكريم للشعر او سيروم او زيت للشعر حسب انتى بتحبى ايه
ياترى كدا قدرنا نرد على سؤالك ؟؟ لو فيه حاجة ناقصكى انا تحت امرك ياقمر
انا مبسوطة بكل الاسئلة اللى حوشتيها وتعالى نمسك سؤال سؤال
بالنسبة قميص النوم الابيض مش حاقولك تلبسيه امتى لانه مش فرض عليكى بليل ولا الصبح ولا بردو حتبقى شاغلة جوزك ساعتها بس عشان اريحك البسى القميص ابيض يليل عادى من غير روب ملهوش لازمةوالصبح البسى القميص بالروب مش لازم تانى يوم الصبح تلبسى حاجة مختلفةة لانه مش عرض ازياء زوجك مش حيلحق يشوف القميص قجاة يلاقى شكل تانى طالع هههههههه
اقلام كحل بصراحة احلى نوع جربته وعجبنى وثابت والوانه تحفة من برجوا فيه عادى وفيه بجليتر خفيف الاثنين ناعمين جدا القلم ب 45 جنيه موجود فى مزايا وفيسيز
الايشادو كريمى فيه علبة يبقى فيها 4 الوان زى برجوا ب 55 جنيه وفيه ماركة فلورمار هى ايطالى بس جميلة اوى 45 جنيه وفيه من ريميل نفس الاسعار
روج سايل قصدك جلوس ولا روج سايل نفسه ؟؟؟؟؟؟؟؟
عامة لو روج سايل انا عجبنى بتاع ماركة ساره ب 35 جنيه وفيه فيكتوريا سيكرت
لو جلوس برجوا حلو اوى وريميل جامد اسعاهم من 70
اوريفليم انا بحبها بس نصيحة بلاش منها ميكب يعنى خدى منها كريمات اللوشن بودرة تلك بس ميكب بحس انه خفيف واوقات كتير مش بتدينى درجة اللون اللى بتتخيليها وصيرة حجمها ومش رخيصة يعنى نفس السعر زودى عليه شوية وهاتى ماركات تانية زى بورجوا وريميل وفلورمار دول اقرب اسعار متوسطة وماركات تحفة عن تجربة
حبيبتى هنوده مرسىىىىىىى ياقمر على ردك واهتمامك..وانا فعلا ناويه انزل على اخر الاسبوع كده والف واشوف........ادعيلى بقى ههههههههههه
هنودة بجد بحس انك موسوعة من المعلومات ... بسم الله ماشاء الله عليكى ...
انا عاوزة اسألك على البودرة المائية .. بصراحة انا لانى مش بحط ميكاب اصلا فمش عارفه لما اشترى ان شاء الله البودرة المائية اشترى انهى درجة ازاى .؟؟؟
هنوده حمد الله ع السلامه ياقمر وربنا يشفيكى يارب وخدى بالك من نفسك الفتره دى انتى اهم من كل حاجه ومستنين مواضعيك الجامده الرائعه اللى بتفيدينى بيها بجد جزاك الله خيرا ممكن بقه تقوليلى تفلصيل مدام هدى يعنى الباكيدج للعروسه ايه وبكام زفاف اصدى وانتى متعرفيش حد عمل عندها قبل كده خالص ولا شغلها اللى شفتيه ع الكمبيوتر بس وممكن بقه رقم التليفون لو سمحتى ومعلش كمان سؤال ازاى اروح ش الاقبال من سيدى جابر من المحطه عشان انا مش من اليكس معلش طولت عليكى بس عشان واثقه فيكى وفى زوقك وميؤسى ياقمر
نودى كمان سؤال ما انتى الخبيره بتاعتنا بقه استحملى انا المفروض البس ايه بعد كتب الكتاب لخطيبى اللى هيبقى جوزو الحمد لله بعد سنتين خطوبه وحجاب وشراب ومعصم وتقفيل اخر حاجه كان صعبان عليه والله انا دلوقتى عامله فستان وكتب الكتاب ف البيت بس اكيد مش هفضل بالفستان طول السهره وخصوصا انه ناوى يسهر للفجر هههههههههههه محروم ياعينى المفروض البس لبس بيت لما اغير الفستان يعنى ترنج مثلا ولا بنطلون وبادى ولا ايه مش عارفه محتاره ممكن تساعدينى ياقمر
ياترى كدا قدرنا نرد على سؤالك ؟؟ لو فيه حاجة ناقصكى انا تحت امرك ياقمر
يسلموووووو يا عسل عن جد عاجزة عن الشكر
ربنا يسعدك ويهنيكي يارب
سلام هنودة أنا قريت موضوعك من أول ...مشاء الله تحفة و تفاعل العضوات رائع جدا ...1 ممممكن تبعتيلي الروابط ( كل الروابط من بداية الموضوع ) ألي كنت تبعتيها للعضوات بتاعت الميك اب و و و....2.كنت عايز اسال سؤال ...أنا اشتريت ماكينة براون لأنو في منتديات كثيرة بتمدح المكينة دي و حلاوتها ....في جواها كيس يحتوي على سائل هلامي هو مكتوب عشان التبريد و يستعمل في تخفيف الم النزع .بس معرفتش ازاي استعمل ...اذا كان عندك فكرة لو سمحت جاوبيني مشكورة مسبقا....بنااااااااااات بلييييييييييييييز لي تعرف الطريقة تشرحلي ..و جزاكن الله عني خيرا ..هند أتمنى الموضوع يستمر و تتحفونا أكثر ...زواجي ف منتصف شهر يوليو أدعولي
الروابط المفضلة