موسوعة المطبخ السوري >> بالخطوات المصورة <<

[ام عزيزان]

تبارك الرحمن

وتسلم الايادي

كل طبق احلى من الثاني

وانا من زمان ادور على طريقة اللبن للكبه

بس عنتدي سؤال؟؟

هل تقصدين باللبن هو الحيب او اللبن الحامض مثل الزبادي؟؟

لان المسميات تختلف عندنا

واذا طلع حليب ممكن احط اي نوع من الحليب؟؟

وانا بعد وياهم راح ادخل المظاهره هههههههههههههههههه وانتظر الطبق الاخير شكله روعه

ويعطيج العافيه

[حنين الزمان]

كيف ممكن عمل المرق المذكور وكيفية يتم حفر البطاطا هل بالسكين العادي؟ على السريع بليـــــــــــــــــــــــــــــس وشكراً!!!!!!!!!!!!! أنتظر ردكم ولا تتأخرو علي ، أوكييييييييييييي.

[مـiـى]

أسفة جداً على التأخير
هذا الإسبوع كان حافل ,, فحوصات أطفالي الكتاكيت و تحضيرات ما قبل العيد و الكل بده وقتي
عشان هيك أتأخرت

أنزل الطبخة أول
و بعدها أرد عليكم قبل ما تصير مظاهرة على قولتك وعودة



بسم الله الرحمن الرحيم

الوصفة اليوم مميزة جدا من ناحية السهولة و الشكل الفخم
و هي وصفة مشهورة جدا في حلب ,, بس هي مقتصرة على المحلات
و قليلات من ستات البيوت من يعرف يعملها

أنا اتعلمتها من أمي ست الحبايب
ربي يخليلي ياها
و يا ريت دعوة بظهر الغيب لها يفرج همها و يريح بالها


المهم
طبقنا هو

الكبة المبرومة

خلينا نخش على الطريقة


المرحلة الأولى :

طريقة عمل عجينة الكبة :

المقادير :


نصف كيلو برغل أسمر الخاص بالكبة ( من النوع الناعم )
نصف كيلو لحمة هبرة
2 بصلة كبيرة مقشرة و مقطعة أرباع
ملح , بهار , قرفة

الطريقة :

- ينقع البرغل بالماء البارد مدة 10 إلى 15 دقيقة ثم يصفى جيداً .




- يطحن على ماكينة فرم اللحمة مع البصلة ثلاث مرات .




- ندعك البرغل باليد ( نبلل يدانا بالماء البارد أثناء العجن ) أو على العجانة الكهربائية كتير منيح .




- نضيف اللحمة الهبرة , و أنا أجيبها جاهزة من عند اللحام و بتكون مفرومة و ناعمة مثل المرهم ..

و ندعك حتى نحصل على عجينة متماسكة و طرية .



بهيك تكون العجينة جاهزة

المرحلة الثانية :

- تحضير الحشوة :

المقادير:

نصف كيلو لحم غنم مفروم ناعماً
نصف كيلو لحم غنم مفروم خشناً
فستق حلبي ( كمية كبيرة حسب الذوق )
ملح
بهار مشكل
قرفة


- تحضير الحشوة :


- نقلي اللحم الخشن و نتبله بالبهارات و ندعه حتى يبرد .




- نخلط اللحم الني و المقلي و الفستق حتى نحصل على عجينة متجانسة .




استخدامنا نوعين من اللحمة حتى تبقى الحشوة متماسكة أثناء تقطيع الكبة بعد ما تصير جاهزة

[مـiـى]

- تحضير الوصفة :

- ندهن صينية فرن بالسمنة .

- نمد ورق نايلون على طاولة العمل و نبلله بالماء .



- نفرد قسم من عجينة الكبة على ورق النايلون على شكل مستطيل متوسط الحجم .



- نضع قسم من الحشوة في المنتصف ...بس هون في الصورة صورت لما حطيت أول قسم من الحشوة بس .. المفروض كنت صور لما حطيت الحشوة كلها
طلعوا على الصورة إلي بعدها حتى تفهمواا علي



- ثم نبدأ بلف النايلون من أحد الأطراف فتلتف معها الكبة..



حنلف الكبة بحيث تغطي الحشوة ..بمساعدة ورق النايلون



حنحصل على هذا الشكل



- بعدها نبدأ نملس السطح باليد المبلولة بالماء حتى تتغطى الحشوة و نحصل على شكل اسطواني .



- أخر الشي نسد الأطراف




- بهذه الطريقة نحصل على أول أسطوانة نضعها في الصينية المدهونة بالسمنة ( و مش بالزيت )..

- نكرر العملية و نصف الأسطوانة الثانية ثم الثالثة حتى تنتهي الكمية ..

انتبهي لازم نتركي مسافة بين الإسطوانات كي لا تلتصق كل اسطوانة بالأخرى و هكذا .

- بطرف السكينة الغير حادننرسم خطوطاً مائلة على وجه الكبة المبرومة لنحدد حجم القطع بحيث تغرز السكينة بشكل لطيف .



- نذوب سمنة على نار هادئة ثم ندهن وجه الكبة بالسمنة و نضعها في فرن متوسط , و تسقى الكبة من وقت لأخر بالسمنة حتى لا يجف وجهها و تترك حتى تستوي .

- بعد أن تبرد الكبة شوي تقطع في نفس مكان التحديد , بس انتبهي لأنك إذا قطعت الكبة و هي ساخنة تتفتفت .


- ترتب قطع الكبة في صحن التقديم و تزين حسب الذوق و تقدم مع السلطة أو الفتوش أو اللبن .




على فكرة لازم يكون الفستق أكثر من هيك لحتى يطلع منظرها أحلى ,, بس أولادي ما بيحبوا كتير الفستق و إذا كترته أكتر من هيك رح يتركوا الأكل و يبدوا ينظفوا الحشوة من الفستق


- ملاحظة أخيرة :

لا يغرك كتر الحكي
الكبة هي ما بتأخذ أكثر من نصف ساعة شغل و مع هيك رح تكون ملكة البطاولة وين ما حطيتيها

عن جد أتمنى أن تجربوها و تحكموا بنفسكم


فاصل ثم نواصل

[مـiـى]

من الأمثال السورية


ما بيعلم بحالك إلا الله و جارك


كلام الأسى ما بينتسى


نصحتك ما انتصحت , طبعك ردي غالب
يعني ما قبلت النصيحة مني , و طبعك السيء غلبك




أترككم مع الطبق القادم إن شاء الله

[عبير القدس]

يعطيكي الف عافية على الاكل الزاكي
يا عمي الحلبيات مين أدكم



بس بتعرفي انو انا انصدمت كتيييييييييييييييييييييييييييييييييييير
كنت عم بفكر انو الطبق مو كبة مبرومة كنت عم بفكرها بورمة(حلويات)

[**ام البنات **]

ما بدهاكلام

رووووووووووووووووووعة


تسلم الايادي يا احلى منمن ان شاء الله اجربها

[مـiـى]

مية أهلا و سهلا بهالة

الله يا منمون .... مو معقول الحلاوة يا معدلة إنتي ..... يسلمولي أهل الشام وأهل حلب

.... صراحة بعمل كبة لبنية لكن اللبن طريقته غير .... واكيد طريقتك هي الأطيب ... إنشاء الله أفضى وأسويها ...

يا اللا يا منمون ... أتحفينا كمان وكمان ...

يسلملي الذوق كله هالة حبيبتي
نورتي بردك موضوعي يا قمر
و بوسيلي للصغار المشاغبين






مية أهلا و سهلا وعودة

أنا في انتظارك ... انقطع حبل الصبر عندي
بسرعة منمن

ألف شكر لك حبيبتي على متابعة الموضوع

و يلى شدي حيلك و جربي الكبة مثل ما عودتيني دائماً

منى
في اشاعة قوية ان في مظارهرات راح تنطلق من منتدى لك مطالبة بالطبق الجديد..
ف.. الحقي حالك يا بنت الناس ونزليه

الله عليك يا وعودة شو دماتك خفاف
شكلي لحقت حالي







أهلا و سهلا بحبية قلبي لولو

منمونتي ما ظل عندي صبر يللا وين الطبق

و الله أسفة يا لنلونتي إني خليتكم تستنوا
و لا يهمك
رح عوضلك ياها بمفاجأة بكرة إن شاء الله

انتي بس استنيني







هلا بأحلى شيف رندوشة

انا في انتظارك مليت انا انا

شو بديت المواهب الفنية تظهر

يلا حرام عليك جوعتينا شو هالبرمه الحلوه

أسفة حبيبتي ,, خلاص بطلت هي أخر مرة

بس امثالك كتير حلوه انا كتير بحب الامثال

عن جد ,,
أول مرة حدى عبر الأمثال

شجعتيني كملهم

نورتي يا قمر







شو ست المعدلات و القمرات هون

مية أهلا و سهلا بك يا أم شهد

بعد زمان عنك ,, اشتقنالك

ياعم شو بدنا بالحكي..بنات سوريا معروفين امعدلات بالاكل.
يعطيكي العافية..بس الكبة اللبنية شكلها يميم.

انا عادتآ بكبب الكبة وبشويها بالفرن وبعدين بحطها مع اللبن..ان شاء الله المرة الجاية بجي اجرب طريقتك واسلقهم.

و الله أول مرة أسمع أنهم ممكن ينشوا بالفرن
و كمان أكيد حيكونوا لذيذين

مرة واحدة من رفقاتي الشاميات قالتلي أنها بتقليهم

يلى اختلفت الطرق بس أكيد الطعم متقارب


اشتقنا لمواضيعك أم شهد ,, إن شاء الله ترجعي لنا بالسلامة


توقيعك كتير حلو و مميز ,, الله يخليلك بنوتاتك و يباركلك فيهم

[مـiـى]

مية أهلا و سهلا بأم أحلى بنات

وين الطبق








خلااااااااااااااااااص
















صبري نفذ

















ياااااااااااااااااااااااا ناس

و الله أسفة يا عمري يا أم القمراات
إن شاء الله يكون الطبق عجبك و مستاهل الإنتظاار







هلا أختي white soul :

يسلم ها الايادي حبيبتي منى ما قصرتي والله وانا من معجبات الاكل السوري


جزاكي الف خير حبيبتي

الله يسلمك حبيبتي
و تسلمي على ذوقك و لطفك

و جوزيت بالمثل





مية أهلا و سهلا بزهورة

وصلت متأخرة
ماشاء الله تبارك الله

الله يبارك فيك اختي منى على الأطباق الشهية

نورتي حبيبتي في كل وقت

أحب جدا الأكل السوري
زيادة على أنه طيب و لذيذ فهو خفيف كذلك وسهل التحضير (باستثناء الكبة طبعا )

الأكل السوري لذيذ

بس و الله الكبة مظلومة

لأنها مش كتير صعبة
بس إلها الصيت أنها مش سهلة

على كل الأحوال ,, سعدت جدا بردك يا قلبي
و مية أهلا و سهلا








هلا أختي ام عزيزان

تبارك الرحمن

وتسلم الايادي

كل طبق احلى من الثاني

تسلمي حبيبتي
مشكورة حبيبتي على التشجيع

وانا من زمان ادور على طريقة اللبن للكبه

بس عنتدي سؤال؟؟

هل تقصدين باللبن هو الحيب او اللبن الحامض مثل الزبادي؟؟

لان المسميات تختلف عندنا

واذا طلع حليب ممكن احط اي نوع من الحليب؟؟

حبيبتي هو نفسه اللبن الزبادي

وانا بعد وياهم راح ادخل المظاهره هههههههههههههههههه وانتظر الطبق الاخير شكله روعه

ويعطيج العافيه

مشكورة حبيبتي على الرد و إن شاء الله تجربيها و تعجبك


أنتظر ردك حبيبتي

[lanloon]

ماشاء الله عليكِ ايديكِ يتلفوا بحرير

منمونتي بالصور ايديكِ مبينه نحيفه بس الصراحه على اكلاتك المفروض تكوني سمينه