تجمع احن امهات لأحلى بيبهات مواليد شوال وذو القعدة وذو الحجة 1431 -14 - أم عــــــلي

[doaa hamdy]

السلام عليكم
كنوزه وصافي وثريا منورييييييييييين

كنوزه المسقعه حلوه اوي تسلم اديكي نفس طريقتي تقريبا بس انا مش بحط بطاطس بحط فلفل اخضر مع الباذجان

[ام حبيبهm]

السلام عليكم ورحمه الله وبركاته
مساء الخيرات على قمرات التجمع
دودو وثريا منورين ياقمرات
دودو اخبار رهف ايه الوقتى ربنا يطمنك عليها ياقلبى
ثريا الف سلامه على قمراتك ياعمرى ربنا يشفيهم ويعافيهم
طمنينا عنهم دايما حبيبتى
صافى وحشتينى موووووووووووت ياقلبى ربنا يكملك على خير
حبيبتى ومتقلقيش حبيبتى باذن الله مافى اكتئاب ولا حاجه ربنا
يقومك بالسلامه ويهديلك على امين يارب العالمين
ههههه لا حبيبتى طلعت فشله البيروت نزلت عليه وانا فى
المستشفى مع حبيبه شكلها كده نزلت من كتر التعب اللى تعبه
يومها بس الحمد لله ظهرى اتحسن كتير لما نزلت.
اميره ازى لونه اخبارها ايه الف سلامه على مامتك ياقلبى اول ما
ترجعى طمنينا عليها على طوووووووووووول
كنزى تسلم ايدك بس انا اول مره اعرف ان بيتحط فيها بطاطس
والف سلامه على بودى خالى بالك عليه ومعنتيش تسبيه على السرير
تانى لوحده
ام ليا كيفك ياعمرى وكفيها عروستنا القموره ليا ربنا يهديهالك ياقلبى
واخبار البيبى اللى جوه ايه ربنا يطمنك عليه يــــــــــــارب
ساره حبيبتى كيفك وكيفو خالد وكيك فى الحمل يارب تكونى بخير
وربنا يكملك على خير ياقلبى

ام ريوضى وام السنابل وجيجى ومستبشره وبريتى وجنى وكل
الغائبات يالا تعالوا طمنونا عليكوا وحشتوووووووووووونا جدا

معلش يابنات لو كنت نسيت حد انا منعوسه جدا وماصدت
نيمت حبيبه وجيت جرى اسلم عليكوا
يالا بى تصبحوا على خير مواااااااااه ليكوا كلكوا
يااحلى صحبه ســــــــــــــــلام

[أم ليا]

السلام عليكم

اخباركم ايه يا بنات أنا الحمد لله بخير

وليا الحمد لله كويسة طلعلها ضرس وواجعها شوية

[أم عبد الرحمن3122010]

صباح الخير حبيباتى
ربنا يكرمكم رفعتو معنوياتى
انا الحمد لله بخير وبودى كويس
اخباركم واخبار الكتاكيت اية

[safylife]

سلام عليكم ثريا ودودو وكنزى و ام حبيبة و ام ليا وحشتونى


كنزى تسلم ايدك على المسقعه و الله نفسي فيها بس الحموضة مبهدلانى بسبب الحمل و باخد ادوية مركزة علشان تهدى شوية المسائل ان شاء الله لما اولد هعيش حياتى مع المسقعه و الطعمية و البصارة و العدس و الكشرى و كل الحاجات اللذيذة الللى محرومة منها ( انا جعانة على فكرة ههههههههههههه )

دودو ازيك عاملة ايه و رهوفه عملت ايه فى اعادة الكشف يارب تكونى اتطمنتى عليها

ام حبوبة تسلمى ياحبيبتى ربنا يخليكى ويسمع منك يارب و تكون ايام سهلة و منسية يارب و عقبال عندك باذن الله وانتى قايمة بالسلامة و جايبة اخ او اخت لحبوب القمر

ام ليا كيفك فالحمل و سلامتها ليا عقبال ضرس العقل ههههههههههه وتبقى عروس

ثريا ازيك وازى بنوتاتك يارب تكونوا بخير

ام ريوضى وجيجى وام السنابل و بريتى فينكم

[doaa hamdy]

مساء الخير يا بطوطات
ام حبيبه انتي وحشاني جداااااااا طمنيننا علي حبوبه اخبارها ايه دلوقتي ربنا يحميها ويحفظها

ام ليا ازيك وازي ليا مبروك عليها الضرس عقبال باقي الطقم هههههه

صافي سلامتك من الحموضه متفكرنيش دي كانت اسوأ حاجه في الحمل كانت بتقومني من النوم من كتر الوجع ربنا يعينك ويقومك بالسلامه اخبار لولي ايه والبنوته استقريتي علي اسم ولا لسه

كنوزه ازيك يا حبيبتي عامله ايه انتي وبودي

باقي البنات فينكم طمنوننا عليكم

[doaa hamdy]

اخبار رهف الحمد لله بقت احسن بس لسه شويه كحه زرشح
الدكتور كتبلها علي دوا بيرفع المناعه اسمه مولون وكتبلها حديد وفيتامين سي
وقالي محتاجه حقنه ديفارول دي عباره عن فيتامين د
لانها معندهاش غير سنونتين ولسه مش بتمشي بس هيا بتمشي سانده علي الكراسي بس انا متردده اديهالها ولا لا انتم ايه رأيكم

[ام حبيبهm]

السلام عليكم ورحمه الله وبركاته
دودو وصافى وام ليا منوريـــــــــــــــــــــــن جدا

صافى ربنا يخليكى حبيبتى يارب على دعوتك الجميله
لو سمحتى ابعتيلى رقمك على الخاص علشان عايزه اكلمك

دودو الف سلامه علي رهوفه اديتها كالسيوم بس وبلاش مموضوع
الحقنه دى حبيبه عندها سنه و3 شهور ومافيش عندها غير سنونتين
تحت وسنونتين فوق الدكتور قالى كل يوم اديها 5 سم كالسيوم وصفار بيضه
واقعدها فى الشمس نصف ساعه الصبح او قبل المغرب
ربنا يطمنك عليها حبيبتى

باقى البنات يالا ادخلوا طمنونا عليكوا

[أم عبد الرحمن3122010]

مساكم فل يا بنات
انا الحمد لله ومعنوياتى كتير مرتفعة ربنا يديمها نعمة
نضفت الشقة وخلصت الغسيل فحسيت براحة بال جداااااااااااااااا
بجد بحس براحة اوى والدنيا حوليا نضيفة

ودلوقتى بشوى بطاطا

[Oum Lina et Lilia]

سلاااااااااااااام الله عليكن

كيفكم كلكم؟
انا الحمد لله بخير

البنوتات صارو احسن هلا
تسلمن على السؤال ياغوالي

لساتنا داخلين من برة
تعرفن في الويك اند الواحد بيخرج و ينسى شوية تعب الاسبوع


حبيبتي دعاء
ماتخافي من فيتامين د
تعرفي هنا عشان مافيش شمس كثير لان اشعة الشمس فيها قيتامين د يساعد على امتصاص العظام للكالسيوم فبيدوهم فيتامين د على شكل قطرات
4قطرات كل يوم لحد مايوصلو سن 18 شهر
وبعدها حقن لشرب كل 3 شهور اذا كانو لسه محتاجين له



اما بالنسبة للمشي فلا تخافي و لا تجزعي
فلي مش طبيعي هو عدم المشي بعد 18 شهر الى غاية سنتين
واظنها رهف لسه صغيرة