*·~-.¸¸,.-~*' (ملف طلبات والمساعدات في ركن الحفلات والهدايا )'*·~-.¸¸,.-~*'

[Rana363]

هدايـــا وتوزيعات الحفــــل

[ليانو]

يااااااااااااااااااااااربي ماشاء الله عليكي يا رنو كفيتي ووفيتي مشكوره ياعيوني والله انك ماقصرتي على اهتمامك
اول شي بالنسبه للصور اللي بعد الزينه بعلبة لاالمراعي ماطلعت
ورابط البطاقات ماطلعت الا بطاقه وحده
دحين خليني اقلك اش كنت ناويه اسوي هي حفلة اطفال مابين ال10 و3 سنين وفيه ممكن بعض بنات متوسط وثانوي بحكم انهم اقارب بالنسبه للاطباق والصحون الورقيه انا ناويه اجيب نفس الاطقم اللي عرضتيها بس حستغني يمكن عن الكاسات واكتفي باني اجيب عصيرات صغيره بمصاصها..
والزينه اللي عرضتيها مررررررره عجبتني وان شاء الله حسويها..
اما المسابقات بعد اذنك حاخذ منها اللي مناسب لسن الاطفال (وعشان كذا انا طلبت مهرجين للاطفال حتى يلعبو الاطفال ) وفي مسابقتين ممكن حظيفها وابغى رايك فيها
* الاولى لعبة الكراسي والدوران حوليها طبعا قديييييمه بس لهذا اليوم تحسي الاطفال يتحمسو عليها
* الثانيه نحضر اصبع روج -حمره- + قطعة قماش لربط العين + طفلتين من الموجودين
نربط عين واحده من المتسابقات ونجعلها تمسك بالروج وتحاول وضعه بالشكل الصحيح على زميلتها
وان شاء الله حتكون في زفه للناجحه لانها حفلة نجاح وافضل تكون في البدايه لان ما اظن بنتي تروق ويبقى شعرها مرتب للاخير
واعييييد اشكرك على تفاعلك معاي

[ليانو]

وماادري اذا عندك فكرة فين ممكن الاقي زي توزيعات الهدايا اللي عرضتيها - لاني ماحقدر اسويها -

[Rana363]

ليانو بالنسبه للصور ظاهره كلها عندي اعملي اظهار الصوره بزر الماوس الايمن على الصور ممكن تظهر
اذا لا حاولي مره تانيه يمكن عندك مشكله مع المتصفح بيكون بطىء عندك محتاج وقت علشان تظهر الصور


اللعاب ظريفه جدا واي شىء حتعمليه في تلك الليله راح يكون جميل حتى لو الالعاب قديمه لان جو المرح هو الي راح يكون سائد وانا عرضت عليك مجموعه من اللعاب وانتي اختارى مايناسب حفلتك



انا معاك ان الزفه تكون في البدايه انا عارفه ان كل الاطفال بعد اللعب يتبهدلوا وشعرهم ينكش وحيصيروا في الصور حالاتهم حاله احسن صوريهم قبل البهدله



العلب حبيبتى تنباع في محلات اللعاب في الرياض تنباع عند محلات الغامدي في السويلم ويبيعها فاضيه ويبيعها معبئه

في جده ماني متأكده فين بس دوري عليها في محلات الجمله الالعاب في باب مكه ( انا من زمان مارحت هناك بحكم اني عايشه في الرياض )

لان السويلم زى باب مكه كلهم جمله العاب اكيد تلاقي عندهم


لكن اذا ماوجدت العلب في باب مكه في محلات تبيع اكياس هدايا ظريفه بشكل رسومات للاطفال ممكن تعبيها بالهدايا


وانا انصحك انك تروحي جمله اللعاب في باب مكه اكيد راح تلاقي شغلات عديده هناك تناسب حفلتك راح تلاقي الصحون والمناديل والسفر تبع الحفلات وكمان راح تاخذيها بسعر ارخص


ربنا يفرحك ببنتك ويسعدها ويعوض صبرى خير ويرزقنى ببنوته اعمل لها كل سنه حفله

[shash]

السلام عليكم ورحمة الله وبركاته
انا مشتركه لي يومين بس والصراحه عجبتني جدا مواضيييعكم ونقاشاتكم..
..ووودي بفكره جديده ازين فيها دفتر التحضير هو فايل اشتريت بني واورنج ساده ودي ازينه بشي بسيط وحلو..
واشكركم
لووول والله ادري ماسار طلب والله اني حايسه ومشرفتي شديده بكتب شكلي شعر فيها

[شذىالعطور]

وعليكم السلام ورحمة الله وبركاته

اهلا ً بكِ اختى معنا

إن شاء الله فى ركن الافكار والاشغال اليدوية ستجدى افكار كثيرة

فإلى هناك

[دعوة للتفاؤل]

اهلا بيكي في ركن الاشغال

لو ياريت تحددي انت طليك ايه بالضبط علشان نقدر نساعدك اكتر

لو عايزه رسم او اشغال يدويه

[shash]

والله انا حدرس طول الترم فالازم يشمل يدوي ورسم واذا امكن اليدوي بعيد عن الاشغال اللي فيها خرز ونول واشكر لك اهتمامك

[ليانو]

الله يخليكي يارب
وان شاء الله طبعا لازم اتوجه لباب مكه اولا قبل ما اتلقف واروح مكان ثاني يصفعني بالاسعار،، وماعندك فكره السويلم من فين يجيبها من جده..ههههههه زودتها شوي ها،، لان في محلات جمله في الخاسكيه نسالهم فين تنباع هذي الحاجه بره يقولون لنا زباينا من جده والدمام
وان شاء الله الله يعوضك بالذريه الصالحه زي ماعوضني ولله الحمد بعد 6سنين من دون اطفال
وانا دحين عندي بنتين وولد
الله يكرمك ويكرم اختي وكل من طلب الذيه الصالحه
ياااااااااااااااااااااااااااارب

[Rana363]

ماشاء الله ربنا يخليهم لك
ويرزقنى ويرزق اختك وكل محرومه يارب

والله ماعندي فكره من فين يجوبوها في جده