السلام عليكم ورحمة الله وبركاته
ربي يجزاكي كل خير عزيزتي ام انس وربي يبارك فيكي على موضوعك الاكتر من رائع
حبيت اشارك بطبق بعمله بالعادة لما بكون زايد عندي يخنة
وبصراحة اانا عيلتي ما بحبو الاكل البايت خالص فبضطر تاني يوم غير الاكلة او ضيف مكونات او غير فيها المهم طعم جديد
المقادير
كوب خبز محمر
كوب ارز بشعيرية او ابيض حسب الي البايت عندك (هون كان بشعيرية ما باثر الطعم ع فكرة )
كوب لبن
كوب مرقة دجاج
سن توم
دجاج مسلوق او مكسرات ما بتفرق
ملعقة حمض
ملح حسب الرغبة
الطريقة
يفرش الصحن بالخبز انا بحمره بالفرن صحي اكتر ومن شان تضل الفتة سخنة
يخلط اللبن مع الثوم المهروس والحمض والملح في صحن
ويسكب على الخبز
يوزع الارز على الخبز
يسقى بمرقة الدجاج بعد تسخينها
يوزع الدجاج او المكسرات على الوجه وتقدم الفتة هون كان عندي دبوسين صغار نتفتها ورشيتها ع الوجه طبعا ممكن معاها مكسرات (بس ما قليت المكسرات قلت ما رح وسخ طواية تانية )
وقدمتها مممم شو طيبة وباردة بالصيف
والف هنا وعافية
الروابط المفضلة