"عروسات المستقبل تعالوا اقولكم".. جزء ( 12)

[az-butterfly]

السلام عليكم

ازيكم يا احلى بنات

عاملين ايه ؟؟؟؟ كلكم وحشتونى اوى؟؟؟

ازيك يا " نودة " عامله ايه


يارب تكونى بالف خير ...موضوع البرفيوم تحفة جدا وجاااااااااااااامد جزاكى الله خيرا

بجد كنت عايزة اسالك عنهم وانتى قلتى كل حاجة
شاملة بجد...

بس هو ايه فيكتوريا سيكرت...انا مش عارفة عنها حاجة

[7abiba21]

السلام عليكم
ازيك يا هنودة
بجد بجد معرفش اقولك ايه على مجهودك ومواضيعك التحفة دى
انتى ماسبتيش حاجة الا وعرفناها
ده انا كنت جاهلة فى المواضع دى خالص
الله يوفقك يا حبيبتى
ويجعل كل اللى بتعمليه ده فى ميزان حسناتك
بجد بحبك قوى

[noran_87]

تسلميلي يانودي ياقمر
بارك الله فيكي
وعندي سؤال هو ال رياضه بتد في خلال قد ايه من التتابع

[رحاب الرحمن]

ازيك يا هنوده ... بجد انتى ساعدتينى فى حاجات كتير كنت مش عارفاها ربنا يكرمك يا رب ... بس عندى لكى سؤال هو الاسكرب اللى بيتعمل علشان اثار الحبوب اللى فى الكتف بيكون عباره عن ايه وياريت تقوليلى حاجه لازاله اثار حب الشباب ... وياريت لو تعرفى ماركه بارفان رجالى كويس وتكون رائحتها حلوه علشان عاوزه ان شاء الله اجيبها هديه لخطيبى .. وبجد كلنا بنحبك اوى وبنشكرك على مجهودك معانا

[برضه زملكاويه]

شكرا موووووووووووووووووووووت ليكي ولتعبك

وبجد جاوبتيلي علي اساله كتير ممكن اسالها يا سكره

هاطمع واسال سؤال باه

لتفتيح الاماكن الحساسه في ماسك باعمله بيجيب نتيجه وكويس بس باله طويل كده

انا بسال هو ليه اثار جانبيه ولا لا وهو كويس ولا هييجي فتره ومش هيبا فعال بعدها

وهو انبوبة كريم بيتادين+معلقه كبيره عسل نحل+معلقه كبيره زيت زيتون+معلقه صغير ماء ورد

ونحطه في الثلاجه وندهن بيه وبعدها زيت لوز

ايه نصيحتك

احلي سلام

[basbosa.2]

هنوووووووودتى حبيبتى بجددد انتى جااااامده جدااااااااا

ويااااارب نتجوز بقى عشان نطبق الكلام ده الللللللللله.....ههههههههه

[pink_heart]

هنوده القمر عامله ايه
انا عايزة اجيب كريم للعين وفكرت اجرب all about eyes ايه رايك ححس بفرق من استخدامه ولو كويس ياريت ياقمرتقوليلى سعره او الرينج بتاعه

وكنت عايزة اسألك عن الزيوت انا بجيبها من ماركة الكابتن ولا تنصحينى اجيب احسن من العطارة بتاعت فتح الله

[اكابر الحب]

السلام عليكم
بارك الله فيك ياهنوده
وكل البنات اللاتي اضفن المفيد
ماشاء الله موضوع جيد

[سماح عزت]

هنودتى حبيبتى مش هتتخيلى انتى وحشانى اد ايه والله وبجد كلامك عن البرفن جميل جدا ربنا يخليكى للغلابة الى زينا ههههههههههه
ربنا يجزيكى كل خير فعلا موسوووووووووعة
نا يا نودة المفروض انى مش اشيل الزيادات الى حوالين الحواجب ومش اعمل وشى عشان يوم الفرح طب اعمل ايه لما هو ينزل قبل الفرح ب10 ايام اكيد انتى حاسة بيه هيبقى المنظر مش حلو خالص
وكمان انا عمرى ما عملت ضهرى هو فيه شعر بس مش عارفه رايك ايه اعمله يوم الفرح ولا لاه
ويا نودى شعرى انا مش حابه انى استشوره لان ايه الفايدة طالما هيبوظ بعد الغسيل وفى نفس الوقت عوزاه يكون حلو لان هو مش شافه خالص هو لا ناعم ولا خشن زى شعر ناس كتير بيحتاج لما يتغسل يتلف عشان يبقى حلو
ادعولى يا بنات الله يبارك فيكم احسن الواحد حالته صاعبه

[Noura89]

نوده ما شاء الله موضوع البرفن حلو قوى اصل انا مكنتش اعرف حاجه عنهم كنت بكتفى انى اتسلى على حاجة ماما ههههههه
ايه رايك يا نوده فى الطمى المغربى اللى بيعملوه للوجه اصل واحده صاحبتى قالتلى انه حلو وبينور الوش