ركن الجمال المغربي.. للمغربيات و لكل الاخوات.. الجزء 29

[lalla11]

شفتكوم تتهضرو على الحبوب و الاتار ديالهم و قررت نعطيكم بعض الوصفات المجربة
*بخصوص الوجه احسن قناع هو النشا و ماء الورد نضعهم على نار مهيلة بزاف ونتبهى
ما تخليهش فوق النار بزاف مجرد ثوانى حتى يصير بحال الكريم
و فى اليل استعملى الفازلين مع الخرقوم و انتبهى الخرقوم شريه عواد و طحنه على يدك وخا قاسح
نصيحة ما تشريش الجاهز
ولما تمشى للحمام دى معاك قشور الليمون يابسين و مدقوقين و دهنيهم على جسمك كلو حتى الوجه
ومع المدة ستلاحضين الفرق اكيد
بخصوص الطوابع للى فى الرجل او الظهر استعملى البيكاربونات مع اليمون و ماء الورد
وانشاء الله ما تشوفو شر ابدا
على فكرة انا عضوة جديدة فى هدا المنتدى لاكن قديمة فى عدة منتديات عربية
دمتم سالمين

مرحبا بيك معنا في المنتدي وشكرا بزاف على الوصفات وكنتمى تلقاي لي بغيتي هنا

[alfatina22]

شكرا بزاف اختي الفاتنة الله يخليك تحمليني واحد الشوية غير هو قلتي ليا نسول على الاصل ديالو واش يمكن تقولي ليا سمية المنطقة لي معروفة بيه

الصراحه بزاف الحنوب معروف بيه وحنا كانجيبوه من الصويره

[سعاد المراكشية]

السلام عليكم اخواتي الغاليات توحشتكم بزاف بزاف كنت مسافرة ودبا رجعت

بغيت نسلم عليكم ونقول لكم رمضان مبارك عليكم كاملين الل يدخل علينا وعليكم وعلى الامة الاسلامية كاملة بالصحة والعافية والعتق من النار ءامين يارباو كاين شي سلو وشي شباكية؟؟ اوا يا للاه نستاعدو لرمضان وما نفوتوش هاد الفرصة الاكثر من رائة وللي ما كتجي غير من العام العام يا للاه بغينا نتعاونو يكون هاد العام احسن من الفايت نصاوبو برنامج زوين فيه انشاء الله نتعتقو من النار(تراويح وختم قرءان وصلة رحم وصدقات ودعاء...)

بالنسبة لحبوب للي فظهركم عليكم بااداد مرقد في عصير حامضة من بعد ما تبغيو تخرجو من الحمام يكون اخر ما تدهن به ظهركم وخلو واحد 10 حتى 15 دقيقة وشللوه وحافظو دائما على نظاف ظهركم وبدلو الملابس الداخلية 2
مرات فنهار وغسلو ملابسكم الداخلية بالماءالساخن وصابونة الحجرة

[fattin]

على السلامة دوزي منتدي التعارف

[lalla11]

الصراحه بزاف الحنوب معروف بيه وحنا كانجيبوه من الصويره

شكرا بزاف اختي ربي يخليك انشاء الله غدا نمشي نشريه بغيت نديرو لشعري مع زيت الجرجير وما تعرفي نبغي نغمس منو واحد جوج عضات هههههههههه

[اسلام55]

لبنات ربي اشمان اكرون كتديروا (كريم وااقي من الشمس)
باغا شيء واحد اكون مزيان اكتبوا الثمن
البشرة ديالتي عادية
مبغاش نتقل
و لكن واش عندكم شيء قناع و لا شيحاجا كتبيض الوجه و اليدين ربي اخليكم و اسمحوا ليا
شكرا ليكم

[lalla11]

سلام اختي اسلام55 انا كنستعمل vichy
حيت لبشرة ديالي حساسة وجافة وراه هدا غالي عند مول الماكياج 3600 وعند الغرماسيان 4600 او 5600
المهم راني كنت تقصحت فيه ولكن مندمتش عليه نفعني بزاف كنتمنى لبنات لي لبشرة ديالهم بحالك يفيدوك

[dano]

على السلامة اختي سعاد المراكشية اختي انتوما الكمراكشيات معروفات بالسقلة ديال الحمام واش اختي كتعرفيها كتبيها لينا عافاك
اسلام 55 وجهك ايلا بغيتيه يبياض ديري ليه الفورص شوية الحامض وشوية الحليب باش تخلطي يولي بحال الخليط ما قاصح ما جاري ديريه كل نهار ولكن راه كينشف ويديك ديري كل نهار الحامض عصريه فكفك وديري معلقة ماعمراش ديال السنيدة وحكيهم كايبياضو ويرطابو انا ملي كنتبعها يدي كيولو صفرين ههههههههه

[الاميرة الانيقة]

السلام عليكم البنات اشخباركم توحشتكم بزاااااااااااااااااااااااف

[الاميرة الانيقة]

شفت عضوات جداد جاو من بعدي او سبقوني هههههههههههههههههههههههه

ولكن ماشي مشكل اهلا بهم و مرحبا و الف مرحبا بهم