السلام عليكم
كيف حالكم ياحبيبات توا
كيتي
الله يجزاك خير علي دعواتك وبارك الله فيك
ملكة بنقابي
كيف صحتك اليوم ان شاء الله احسن
ممكن طريقة البرياني الباكستاني
ابريكه
ياسموحه اليوم مع الصيام حالي متبهدل لكن الحمدلله قدرت نصيم
ربي يسهلي ونكمل باقي الشهر يارب دعواتك ياسمحه
بالنسبه للبرياني هذا باذن الله في سفرتي يوميا علي خاطر شيخ الجامع
خودي طاجين تيفال حطي فيه زيت بصله وحده قصيها جوانح
وابشري فصين الي 3 ثوم وزنجبيل أخضر وخلي البصل لن يحمر كويس
وملعقه كبيره بهارات البرياني والدجاج وحركي كويس وبعدين تكوني بشرتي طماطمه خضراء وتحطيها بعد ماالدجاج يحمر كويس في بهاراته أأني نزيد من عندي
شوي كركم بيش يجي لون الرز أصفر وملح وخليهم وغطي الطاجين بعد شوي حطي بطاطا مربعات وكان تبيه حار قصي فلفل أخضر صغير صغير
والرز تكوني غسلتيه كويس ونقعتيه في ميه مصقعه قبل ماتبدي في صالصه الدجاج
وحطي علي النار وخليه يطيب نص طياب
بعد ماطاب الرز والدجاج خودي طنجره كبيره شوي وحطي فيها زيت
وابدي صفي الرز بـــ صفي القلي وحطي اول طبقه رز وتاني طبقه صالصه ودجاج
وطبقه رز وطبقه صالصه دجاج لحد ماتكملي كل الرز والصالصه
وحطي فوطه قبل ماتحطي مغطه الطنجره
وعلي عليها علي رقم 7 كان غازك ارقام بعد ربع ساعه شوفيه كان لقيتي بخار طلع وطي الغاز لرقم 4 وخليه يطيب علي راحته وان شاءلله مش حايطول في الطياب بعد مايطيب نزليه من علي النار خلطي كله مع بعضه ومعه سلاطه وصحيحه وهني ان شاءلله
تعرفي الطريقه طويله لكن سااااااااااهل اني لما جارتي الباكستانيه علمتني قلت ايه ماطول حبالها هدا كله بنديريه لكن توا بدي عندي ساهل
جربيه وادعيلي
بنوض نصلي الفجر
لا اله الا الله
..
..
الروابط المفضلة