السلام عليكم ورحمة الله وبركاته
أختى الغاليه ده أول سؤال ليه هنا وأرجو من الله إنك تهتمى بيه لأنه مهم جدابالنسبه ليه وفى الداي جزاك الله خير الجزاء على مجهودك
أنا حامل فى الشهر التامن كل يوم 15 فى الشهر أتم الشهر يعنى هبدأ التاسع يوم 16 يونيو إن شاء الله تعالى
كنت قبل الحمل ده والحمد لله إتعرضت لإجهاضين قبل الشهر التالت وكان السبب تخثر الدم إحتجت إنى أخذ الهيبارين وأنا باخده كالكسان 20 حقنه يوم ويوم حسب تعليمات الدكتور أنا فى النقطه دى مش هكدب عليكى لعبت فى جرعة الكالكسان كتير إزاى ؟
يعنى بدأت مع نفسى الاول اخدها يوم ويوم لما كان لازم تكون كل يوم ومشيت الامور بأمر الله تعالى تمام والمشيمه تمام ولما خلاها الدكتور يوم ويوم خلتها كل يومين أو تلاته المهم كان الكلام ده من الشهر السادس وحتى الان الامور ولله الفضل تماااااااااام جدا عملت أشعه ثلاثيه لما إحتاج الدكتور ليها لان الميه كتير شويه الدوره الدمويه والمشيمه والكله والمثانه والقلب ممتازين ولله الحمد يعنى كلللل الامور مستقره جدا الحمد لله
دلوقتى فيه حاجه هو بيقولى مجرد ما تكملى أسبوع فى التاسع هولدك طب ليه يا دكتوره تفتكرى..... أنا شايفه إن ده مش منطقى خالص كل الامور طبيعيه يبقى ليه أطلعه قبل أوانه ب 3 أسابيع مش كده بردو غلط أنا قلت إنه عايز يولدنى قيصرى وخلاص لانه شايف إن علامات الطبيعى ممكن تكونم قويه ولا إيه أنا محتاره جدا فى النقطه دى هو كمان بيقولى الرئه مكتمله وتمام طيب إزاى وأنا فى التامن ممكن يكون كلامه ده صح ؟ حتى لو كده مش حق إبنى يكمل التسع شهور فى بطنى ولا إيه أنا مش عارفه وكل الى يشوفنى يفتكرنى معديه التاسع والكلام ده من الشهر السابع يمكن حجمه مثلا ؟ مش عارفه أرجو منك الإفاده للضروره ربنا يكرمك وألف شكر ليكى ......
الروابط المفضلة