ورشه عمل يوم بيوم معاكي ننظف المنزل &( امال رفقي )&

[جني43]

الحمد لله تم تنظيف البوتاجاز بالكامل ومش هاتصدقوا ازاي؟؟؟؟؟؟؟؟؟؟؟

فكيت مسامير البوتاجاز كلها واخذت السطح علي الحمام وفتحت الماء الساخن علي الاخر وباستخدام السلك الالومنيوم والصابون السائل واشتغلت عليه لقيته راجع كأني لسه شاريته

والباب الخاص به والفرن المهم ان البوتاجاز صار جديد لانج والحمد لله وكمان نظفت التلاجة وغسلتها وصارت هايلة وكل يوم اعمل حاجة وشكرا علي النصائح الغالية والموضوع الممتاز

[tur alnoras]

السلام عليكم
اللهم يا رافع السماء بلا عمد ليس لنا منجي الا انت ولا فارج للهم الا انت فرج كرب زوجك وكرب كل مهموم واكتب لنا ولجميع المسلمين الخير في الدنيا والاخرة
ااااااااااااااااااااااااااااااااااااااااااامين
انا النهاردة بغسل واللة المستعان علشان انا عندي هاف متك
وانا عندي فكرة بدل رش الفوط
في الشطفة الاخيرة تكون بالديتول ولا اية والف هنا عليكي التمرات

[jana.asmaa]

يا نهار ابيض مين يستغني عن مدام امال انتي اسمك المنقذه ربنا يخليكي لنا

[امال رفقي]

السلام عليكم

ياللي بتسمعي الكلام وبتغيري من نفسك علشان تكوني شاطره زيينا
انا فرحانه جدا انكم شطار
انا الجمعه والسبت عندنا اجازه رسميه
طبعا اهم شي غسل الغسيل
ووضع مشمع تحسبا لاي امطار
زي اللي مطرت عندنا اليوم

طبعا ممكن ترويق علي الماشي

كريم كراميل او كستر

شويه مواعين وانتي لابسه الجوانتي واوعي تستخسري في نفسك الجوانتي
هيفرق معاكي كتير في النظافه والاكتئاب
اوعي

لاتنسي يااموره السفنجه لازم تكوني شايلاها نظيفه
انا باشطفها بشويه ديتول وماء في الجردل
وباعلقها علي مسمار وراء باب المطبخ
انا عندي الاتنين
لاواحده بتمسحي بيهتا البلاط والتانيه لتجفيف السراميك

[jana.asmaa]

ربنا يخليكي ويفرج كربك انتي وزوجك وييسر لكو كل عسير والمسلمين اجمعين

[امال رفقي]

السلام عليكم ورحمه الله وبركاته


ان شاء الله خطه العمل اليوم

قومي خدي دش دافيء
فطار خفيف
كوب نسكافيه
اي فيتامين بعد نص ساعه من الفطار يعطيك قوه دفع طوال النهار

تطبيق الغسيل وتوزيعه علي الدواليب
عمل ان شاء الله مكرونه بالباشميل او الطبيخ اللي انتي عايزاه
ملوخيه
غسل المواعين في اخر المطاف وانت في المطبخ
واول باول كل حاجه هنستعملها من التوابل هنرجعها مكانها
غسل حوض الوجه والتواليت باضع صابون وشويه كلور وباتركهم مده نص ساعه فبا الدعك بالفرشه المخصصه لذلك
تطبيق البطانيه بطريقه تجعل منظر السرير مبهج

كل فتره انا باشمس المراتب الاسفنج

نشر الدفعه التانيه من الغسيل

يلا توكلنا علي الله ولا قوه الا بالله

[امال رفقي]

السلام عليكم
باصبح علي الجميع والمشرفين والمشرفات
طبعا انا اموله

هنتفق علي حاجه علشان التكرار يعلم الشطار
صلينا الحمد لله الضحي
فطار خفيف
وسمعنا اول ماصحينا قران
انا دلوقت مولعه التليفزيون وانا في المطبخ
البسي الجوانتي ايووووه انت شاطره
هنشطب خفيف خفيف الكوبايات طبعا متفقين مفيش ابدا مواعين تتركم لان الصراصير الوحشه بتحب الفضلات والصيف ربنا يرحمنا حررررررررررررر
خطه العمل
غسل الغسيل انا كل يومين باغسل علشان مايتكومش عليا والصيف بيحب الحموم والتغير للملابس
اكلاتك بتكون خفيه في السعرات الحراريه يعني
بلاش الطبيخ المسبك
الدمعه او الصلصه خفيفه

نفضي السرير بفوطه كبيره وتغير اكياس المخده
ولمسه سريعه في حجره الاولاد
وهنمسح بالصابون ومعاه شويه فنيك العاشر بيقضي علي النمل في الصيدليات
وطبقي البطانيه
اهم حاجه ترويق سريع الفرشه والحاجه اللي علي التسريحه بطريقه منظمه
شغلي المروحه وانت بتروقي علشان الجو حر

تنظيف الحمامات من سراميك وتواليت والغساله اغسلي الغطاء بتاع الاوتوما تيك

انا اليوم مكرونه وبجانبها بطاطس مسلوقه وتتحمر
وممكن لو عندك بانيه فراخ او تونه او لحمه مفرومه
انا بقولك علي البدائل
لو عند بلاكونه الاسجاده اغسليها
علشان لو هتفكري تسافري لزياره الاقارب في شم النسيم بيكون البيت تاركاه نظيف
مايمنعش بعد ماتخلصي خالص المطبخ رشه من 0000
في قاعده التلاجه والبوتوجاز تحسبا لاي زوار من الصراصير

ممكن لو انت بعد ماتريحي تعملي فطيره مشلتته
تتعشوا بيها بجانب العسل الابيض
وبالهنا والشفا

[امال رفقي]

طبعا هوصيكي
وانت بتشتغلي وتنظفي باكون لابسه بنطلون قطن
وكذللك بلوزه كات قطن
بتكوني اكثر حركه ومتتحريش
انا الحمد لله خلصت حجرتي وحجره المعيشه
وبالمكنسه من بجانب السري علشان التراب الخفيف

[^ ضحى ^]

مشالله عليكي
ربنا يعطيكي الصحه والعافيه يا قمر

[أمـ أسامه]

ما شاء الله ما هذا النشاط
يعني هذه الواجبات لمن هي فقط في البيت وليس لديها اي عمل صح


وماذا بالنسبة للتي لها عمل حتعمل كل العمل في يومي العطلة

على العموم موضوع جد رائع الله يعطيكم الصحة والعافيه
وبالعطلة ابدا معاكم ان شاء الله