للمثلجات سحرها .. وللعصائر مذاقها.... ... أسبوع السوربيـــه

[د.سوسن]

ييييييييييييي علي انا قلت بد اشارك في السوربيه
و للاسف لفيت البلد على فراولة
و لقيت الحمدلله و عملت سوربيه
راح تسالو وين المشكلة
المشكلة ان سونة سيقتني و عملت بالفراولة
و انا استخدمت كمان ماء الورد
طبعا المقادير مختلفة و ال نكهة
بس و الله هو هلآ في الفريرز
يعني صرت عاملاه
بس يخلص راح احط صوره
و اسفة يا سونة و الله ما شفت تبعك غير هلآ
هو صح مقاديري و طريقتي غير
بس قلت انوى برضه
و يسلمو ايديك و ايدين قلب زوجي
بيشهواااااااا

حبيبتي ياااااااااااااااا انجل
هلأ معقول انا ازعل لانك عامله سوربيه فراوله؟
يا قمر معزتك كبيره كتير و صدقيني الوصفه مش مطوبه باسمي هههههههه
انا بانتظار السوربيه من تحت دياتك
و اكيد رح يطلع اجمل و اطيب

[د.سوسن]

الدكتوره سوسن الله يسلم هالديات يا اموووره اشى بشهىىىىىىىىىىىى حبيبتى
الله يعطيكى الف صحه وعافيه ويخليلك بنوتك حبيبتى

الله يسلمك و يخليكي يا احلى تغريد
و الله يسعدك على الدعوات الحلوه و يجزيكي كل الخير

[د.سوسن]

سوسن حسب توقعي ممكن اقولك السبب

علشان اصبع جنى مش ظاهر في الصورة يمكن

انا هيك خطر في بالي ... نستنى رد وعود .... نحن في انتظارك يا غالية

ممكن
بانتظار وعود باخبر اليقين

السلام عليكم صبايا

ما شاء الله عنكم ... مبدعات في كل مكان

سوسنتي الحلوة

سوربيه شهي ولذيذ ... تسلم الايادي ... قيد التجربة ان شاء الله

..

الله يسلمك و يخليكي ام اللول
شكرا للطفك

[(راما)]

صحة ،
و شكراً أنكم عرفتوني على الطرق الشيقو اللذيذة خصوصًا من سوسن،

ام ليانه أنتي من غزة ؟؟؟ براد كاظم لا يعلى عليه!!!!!!!!!
بس المشكلة أنه مع الحصار برده صعمه اتغير مش عارفة ليش،
بالنسبة للبراد رح أبقى أعملة و أنزل صوره مع الطرق الاسبوع الجاي "خبرة في الموضوع"
خصوصًا أن الصيف و البحر و دايمًا بنعملة و بنوخده معانا على البحر،
أسامي جديدة علي؟؟
بس بالمرة شو هو السلاش، السوربيه و عرفناه!!!!!1
و يا ريت يا سوسن تنزليلنا طريقه سوربيه القهوة لأني من عشاق القهوة
ريتو صحة

[lone~ly]

شو سوسن يعنىمو عارفه
ان اصبع سوسن اطيب من السوربيه
سوسن فيها شى لو عملت انا كمان فراوله وممكن قهوه بعد اذنك

راما شكلهم الغزازوه كترانين
شو صايرله كاظم شكله عامل تقنييييين بالمواد

ام اللول هيك مفتكره
وانا طريقتى بنحط مكون زياده
تعى اقولك سر
اعملت اتصالات خصوصو اجيب الطريقه لانى كنت نسياها متلك خخخخ

راما بانتظار برادك

[(راما)]

و الله ممكن لونلي و احنا الغزازوة من زمان بالمنتدى!!!!!!!!!!
بس المشاركات قليلة

[د.سوسن]

شو سوسن يعنىمو عارفه
ان اصبع سوسن اطيب من السوربيه
سوسن فيها شى لو عملت انا كمان فراوله وممكن قهوه بعد اذنك

[/center]

مش قلتلكم مخي ماخد اجازه هههههههههه

لونلي يا عسل
معقول عم تسأليني؟؟؟؟ ولوووووووووو
كل السوربيه على حسابك

[إنجــــــــي]

مرحباااااااااااا يا حلويييييييين

الله يسعدك يا سونة
و الله تنكدت بعد ما كنت فرحانة عحالي
و عاملة سوربيه
اصلي قعدت يومين ادور على فراولة فريش
بتعرفي هلآ موسمها اخره صار
بس يللا حصل خير ان شاء الله
يسلمو ايدك السوربيه تبعك بيشهي
النوع الاول كتير مميز و غريب
ان شاء الله اجربه

و الان مع طريقتي لسوربيه الفراولة

اتفضلوا يا صبايا
وعود هدا اهداء خاص الك يا قمر
و لكل الحلوييييييين

سوربيه الفراولة
المقادير :

نص كيلو فراولة ( بالتقدير)
اقل من علبة سبرايت او سفن اب ( انا استخدمت اللايت)
2- 3 ملاعق ماء ورد او حسب الرغبة
لان لازم يبين في الطعم
بس كمان مش لازم يكون كتير
طبعا ن السبرايت محلى بالمحلى الصناعي
ما احتجت غير 2 ملقة صغيرة سكر
خاصة ان كانت الفراولة حمراء و مستوية

الطريقة تضعي في الخلاط الفراولة
و تخلطيها جيدا حتى تصبح بيوريه
ثم نضيف السبرايت و نخلط حتى التمازج
ثم نضيف ماء الورد و نخلط
نضعه في قالب في الفريزر بيحتاج بضع ساعات
مش اقل من 6 ساعات
في اول ساعتين كنت كل نصف ساعة احرك السوربيه حتى لا يفصل
و حتى يبقى متجانس
ثم يقدم بالاكواب الخاصة
مع احلى كرزةو مروحة فراولة ههههههههههه
واليكم الصور
اتمنى ان يعجبكم

[د.سوسن]

روووووووووووووعه يا انجل
تسلم دياتك يا عسل
كتير عجبتني الطريقه
رح اجربها قريب
يعطيكي الف عافيه يا قمر

[وعود الخير]

هممممممممممم و الله يا وعود شكله مخي ماخد اجازه

كان الله في عونك بصراحة مع شوية هالشوب المخ ساح...

علشان اصبع جنى مش ظاهر في الصورة يمكن

برافوووووووووووووووو يا ام اللول وهيك صار من نصيبك
اصبع جنو بيعطي طعم تاني لاي طبق....

على فكره انا بعمل سوربيه قهوه (كان تخصصي في امتحانات الصيف)

يمممممي
اي شيء فيه قهوة.... أموووووووووووت فيه
وشوفيني ... قصدي اسمعيني
عم باغني انا بانتظارك مليت ... وحطيت كل الصحون اللي في البيت
وقعدت اقول ايمتى سونة تحن عليَ وتفوت.. بصحن سوربيه قهوة
خلاص احسن الصبابا طفشوا مني...