بنات المنصورة برجاء الدخول

[looooza]

ايه يابت ياجومانا كنتى فين امبارح

[jomana8090]

واللة يا حنونة انتى بتفهمى
ما دة اللى انا قاعدة اقولة من الصبح

انا كنت متابعة معاها خطوة بخطوة
فضلت ماسكة مراية ف ايدى وكل ما تخلص حاجة ابص اشوف هى عملت اية
وخلصت لهم علبة الجليتر على أيدى ودراعى
وعدلت لها حاجات كانت عملاها لى
هى حتى لما لاقتنى متابعة بدأت تشتغل بحماس معاية

وبعدين اكتشفت حاجة تانية
هى سألتنى انتى خطوبتك فين انا كانت خطوبتى ف مارشال
اللى اكتشفتة انهم بسألوكى كدة علشان يحددوا شغلهم هايبقى اية
يعنى لو عروستين راحين خطوبة
واحدة ف البيت والتانية ف مرشال مثلا
بيهتموا اكتر باللى عاملة ف مكان وكدة
بس بصراحة هما طلعونى من هناك زى القمر
(مع انى قمر طبعا من غير حاجة)ههههههههههههه
وبيعملوا رسومات على الضوافر
بس نصيحة يا بنات محدش يركب ضوااااافر دى مشكلة
انا الحمد للة كانت ضوافرى كبيرة وكمنتش محتاجة تركيب
انا لاقيتهم بيلصقوا الضوافر بلصق امير
ودة مش بيتشال غير انك تنقعى ايدك ف مية سخنة علشان اللصق يسيح
وف الغالب مش بيسيح وبيأثر على الضوافر بعد كدة

نصيحة طولوا ضوافركم شوية علشان شكلها ف اليوم دة وبلاش لللللللصق
ويا بنات خلوا بالكم وانتوا بترشوا البرفان يوم الفرح والخطوبة مترشوش بطريقة مباشرة ع الفستان
واحدة صاحبتى بعد ما خلصوا لها الميك اب وشعرها وكل حاجة وخلاص ماشية علشان الزفة وكدة
ورشت برفان على الفستان الابيض واتحولت كل رشة برفان لعلامة زرقا
خلوا باااااااااااالكم


عملتى اية يا مها؟
روحتى حاجة من اللى قولت لك عليهم امبارح؟؟؟؟؟؟؟؟؟؟؟
معرفش انتى وهالة اختفيتوا فجأة

[kind_heart2008]

اولا ميرسي ياحنونه على الرد

جومانا انا موجوده على طول انتي اللي فين ومش اون لاين ليه؟؟؟؟؟؟؟

[jomana8090]

يا بنتى ما انا اون لاين وانتى مش قدامى

[kind_heart2008]

انا اون لاين اهو ياجومانا في ايه

[alfarhaa]

يااه يا بنات وحشتنى المنصورة جدا نفسى اركب طيارة حالا و انزل على المنصورة اسلم على ماما و بابا و اخواتى وحشونى اوى بس عموما كلها شهر و نص و اجى المنصورة انا حاليا فى مكة مع زوجى
بس بما ان ماشاء الله عندكم خبرة كويسة انا كان نفسى افرد شعرى عند كوافير بس طبعا اللى تفرد تكون واحدة ست لانى محجبة
نفسى جدا افرد شعرى و يكون بجد حلو لانى جربت و فردته قبل كده و لا كان حاجه حصلت و الكوافيرة طلعت لى اعذار ماتدخلش الدماغ اصلا
ونفسى برضه اقص شعرى قصة تكون لايقة على خصوصا انا وشى طويل و برضة لازم اللى تقص لى لازم تكون ست معلش هتعبكم معايا بس انا هنا بعيد و مش عارفه اسال حد و على ما انزل و اسال هاخد فترة طويلة اوىخصوصا انا اجازتى شهر و نص فعايزه افرد شعرى اول ما انزل و بعدين اصبغه قبل ما ارجع علشان اريح الشعر شوية بين الاتنين
مستنية ردوودكم اخواتى...............
كيند هارت
و جومانه
و قمر المنصورة

[jomana8090]

واللة انا مبسوطة اوى اننا قدرنا نجمع كل العدد دة من المنصورة
بالنسبة ليكى يا alfarhaa
يا رب تيجى بالسلامة وتبقى وسط كل حبايبك واخواتك واهلك الغربة فعلا وحشة اوى
مش عارفة بالنسبة لموضوع الفرد دة بس انا اعرف انة بيضر الشعر اوى اوى وعلى المدى الطويل كمان
حاولى تعملى لة حمامات كريم وزيت دايما على اد ما تقدرى
أما لو انتى مصرة برضة على الفرد

انا بصراحة مجربتوش ومعرفش حد عملة قبل كدة
بس جونتنياس فية قسم للمحجبات
يعنى كلة بنات
سواء شعر او سشوار او صبغة
انا بصراحة بنصحك بأنك تروحى هناك
بس يا ريت تخلى موضوع الفرد دة اخر حل ممكن تلجأى لية

[kind_heart2008]

انا برده حبيبتي رايي من راي جومانا
شيلي حكاية الفرد ده من دماغك خالص لانه هيضر شعرك وهيعدمه
الافضل حمامات كريم وزيت وتداومي باستمرار
او راجعي موضوع الاخت توتي هتلاقيه في المواضيع المتثبتة
وشوفي اسماء الشامبوهات والسيرم وحمامات الكريم اللي بتنصح بيها

[قمر المنصورة]

يارب ياALFARHAA ترجعي لينا بألف سلامه يارب وشدي حيلك في الرجيم قد ما تقدري علشان تبقي زي القمر باذن الله شوفي يا قمره فرد الشعر خطر جدا جدا في كيماويات كتييييييييييييييير اوى وده في حد زاته خطر جدا لو شعرك محتاجه على طول تفرديه أحسن حاجه دلوقتي نزلت مكواة شعر استعمالها سهل جدا لينا يعني في البيت اسمها براوين بورسلين دى موجوده دلوقتي وسهل انك تيجيبيها من السعوديه اكيد هتلاقيها في كل فروع قذاذ هيه مكوة ضغط فيها من الداخل جانبين من البورسلين بتضغطي على الشعر بيها بتفرد الشعر جدا جدا انا لسه متجوزتش بس ناويه أجيبها علشان انت عارفه بقى لازم العروسه يبقى عندها الحاجات دى انا الحمد لله شعري حلو بس خفيف جدا بس لازم تبقى موجوده وكمان السيشوار القوى اوى بتاع الكوافير ده كمان إدعولي ربنا يكمللي على خير ويارب يفرحكم كلكم.

[سييندريلا]

مبروك يا بنات المنصورة

والله وبقالنا توبيك لوحدنا

ربنا يتمم الزواج السعيد على خير

وعقبالى يااارب