تعالوا نفيد ونستفيد ( 2 ) ملف متجدد

[lolo2ty]

هى دى اسعار الدار اللى انت قولت عليه قبل التوحيد والنور؟؟؟

[nashwa1]

ايوه يا قمر هى دى اسعاره وعنده كتالوجات حلوه جدا وبيعمل اى حاجه والفينش هايل

[lolo2ty]

ميرسى يا نوشا يا قمر حليتيلى مشكلة فظيعة ربنا يخليكى يا جميلة

[nashwa1]

انتى تأمرى يا لولو ولو عاوزه تعرفى اى حاجه انا فى الخدمه يا جميل

[nashwa1]

http://www.lakii.com/vb/showthread.php?t=574373

اتفضلوا كالعاده وربنا ما يقطع لنا عاده

[noga76]

محدش يعرف مكان لمكاتب لأوض الأطفال و سعره كويس ؟ علي فكره يا نشوي كاريزما بدأ الأوفرز النهارده انا عجبتني عندهم الكيكه ب 10 جم بالبندق و الفواكه و كمان الأسماك و اللحمه و لبس الاطفال

[nashwa1]

انا رايحه يا نوجا النهارده ان شاء الله كاريزما
شوفى الشركه اللى البنات كانوا بيتكلموا عليها من زمان انها بتعمل كل حاجه واسعارهم حلوه
اعتقد بيبو هى اللى كانت بتتكلم عليها

[lolo2ty]

نوشا رحت امبارح الدار وفعلا اسعاره زي ماقلتى بس الراجل فاهم انى حاشترى الستاير من عنده المهم اعد يحسبلى حاحتاج كام متر ويعملى مقايسة وملحقتش اكمل عشان البشاوات كانوا خارجين من تدريب السباحة وافتكروا التويلت وانا فى عز الاندماج فى المقايسة فأول ماجالوا تليفون مشيت بس حاروحلوا تانى انشاء الله
برنت شوب بقى مالقتووووش خالص.. شكلى كدة حاروح اللى فى الخليفة المأمون عشان عارفة مكانه بس المهم اعرف الائى ركنة

[nashwa1]

ليه يا لؤلؤتى بس ده برنت شوب قريب جدا من الدار
بعد ما تخلصى الدار تكملى نتلاقى التوحيد والنور تدخلى من جنبه تمشى شويه هتلاقى محل البان اسمه الامين جنبه فى سلالم تطلعى تلاقى برنت شوب وجنبه محل موبيليا وتحت محل اسمه الوكاله بتاع اقمشه برضه

[nashwa1]

على فكره انا قلتله انى هجيب قماش وافصل عندكم قالى مفيش مشكله