.......ورشه مفرش الاناناسات ......(ورشة مميزة جدا)

[رومة]

مفرش رائع وانشاء الله اشترك معكم ويكون ده اول اعمالي في المنتدي وربنا يديك الزوج الصالح والصحه والعافيه وما هو نوع الخيط الجيد للمفرش

تنورينا مها وان شا الله ميكنش اخر اعمالك
احسن خيط طبعا القطن المصرى بيستحمل ونتيجته حلوه جدا

ماشاء الله
الشرح ررررررررررررررررررررررررررررررررائع
تسلم ايديكى
وربنا يرزقك كل اللى تتمنيه
وجزاك الله كل خير

آميين يارب العالمن واياكى

ماشاء الله
الورشة
رووووووووووووووووعة
والشرح رائع
سلمت يداكِ

نورتينى يا جبال فينك من زمان

المفرش حلو كتييييييييييييييير
وشرحك جميل جدا وواضح تسلم ايدك ويارب تحققي كل ما تتمنيه
وانا راح اكون متابعة معك وان شاء الله بس افضى ابتدي فيه
الله يكون بعونك ويجازيكي خير

اآميين يارب
نورتى حبيبتى وربنا يقدرنى واعمل اى حاجه مفيده ليكم

حد يقولى افضل نوع خيط قطن ممكن اجيبه لعمل مفرش

وبرافو عليكى يا لؤلؤه شغلك جميل

بصى يا ام حسين انا الخيط اللى بعمل بيه هو اللى كانت منزلاه فارولا بتاع كفر الدوار اللى بيكون شله وممكن ينفع حلوان هيكون حلو اوى بردو

ما شاء الله تباارك الله

جدعه يااارووومه...............وقد المظااهرااات......بارك الله فيكي

سلمت يداااكي على الشرح الاكثر من رااائع

الله يوفق الجمييع ياارب

يا اهلا بامونه
شوفتى يا ريت كل المظاهرات تجيب نتيجه سريعه كده
ربنا يسترها ان شاء الله ونخلص على خير ونشوف مظاهره تانيه

رومه شوفى تطبيقى
ويالا بقى عايزين نكمل

يا ظالمنى شغلك رووعه ولونه حلو هو دا خيط حرير..... حلو بردو
وحلو الحماس دا عايزين نفضل كده لاخر الورشه
يللا طبقى السطور الجديده عشان نكمل

انا اشتغلت الجزء اللى عملتيه وطلع تحفه
بس موبايلى مريض شويه
بكره اخلى حسين ولا بهاء ولا خالد
اولادى
حد يصوره واوريه لك
يلا الحقينا بالباقى عشان الحماس عالاخر

سلامه موبايلك يا ام حسين انا كمان موبايلى كان تعبان شويه ورحت صلحته
ربنا يخليلك ولادك يارب وتفرحى بيهم ويجعلهم بارين بيكى

بسم الله ماشاء الله عليكي
بجد ولااروع من كده
اول مره ي عمري علي النت اشوف ورشه بالاهتمام والاخلاص والاتقان ده في الشرح
داانا كده باتعلم منك والله يارومه ياقمر
بجد الشرح بسم الله ماشاء الله اكتر من واضح ومكسب لاي واحده فينا انها تشارك في الورشه
والله متهيألي لو مابتعرفش تمسك ابره حاتعرف تعمل المفرش
ربنا يبارك فيكي وفي مجهودك ويحميكي ويرزقك كل اللي تتمنيه يارب

العفو يا ماما دا انتى استاذتى وفوق رأسى وياما اتعملنا على ايديكى حجات كتير
وانا اللى يشرفنى ان دأ رأيك فيا ومكسبى بجد ان بقضى وقتى هنا معاكم فى صحبه خير وعمل مفيد وبتعلم منكم
نورتينا وربنا يفرحك ويكرمك على دعواتك ليا ومنتحرمش منك ابدأ

[رومة]

السلام عليكم
رومة المفرش يجنن والشرح يجنن اكثر
عن جد حلو كثير شرحك
انا تتبعت النقشة الى السطر 25
وكل شئ واضح بس بعدها انتظر شرحك
لان بصراحة الباترون لو كبرته تكون خطوط الرسم غير واضحة
فاحتاج شرحك الحلو
الله يوفقج وينولج الي ببالج

برافو يا فاتن عليكى ما شاء الله
انا نزلت جزء جديد يللا طبقيه عشان بعده هندخل فى الجزء التانى من المفرش
وكل واحد هشتغل لوحده ونتقابل فى الجزء التالت ان شاء الله
المفرش سهل وبأذن الله يخلص بسرعه
وشكرا كتير على دعواتك

ربي يبارك بك يارومة المفرش حلو والشرح روعة
ان شاء الله بشتغل معاكم
بس المشكلة كاميرتي عطلانة
المهم متابعة معكم

ايه حكايه الكاميرات كل الناس كاميراتها عطلانه انا الكاميرابتعت الموبايل اللى
بصور بيها كل حاجه كانت عطلانه والحمد لله صلحتها النهارده
منورانا حتى لو مشاهده فقط

رومه انا بدات المفرش بخيط صوف قلت اطبقه ولما اجيب خيط قطن اعمله تانى لانى حابه انى اشتغل معاكى المفرش وما كنتش متصورش انه سهل جدا وده طبعا بفضل شرحك الاكثر من رائع منتظره باقى شرحك جزاكى الله كل خير

شطوره يا أمل وانتوا والله اللى بتحلو كل حاجه والحمد لله انى قدرت ولو افيد باى حاجه صغنونه .......هو المفرش سهل ومكنتش زيك فاكراه كده
يللا ورينا شغلك عشان نكمل

رومة انا تركت الشغل اللي كنت بشتغل فيه وبدأت المفرش لانه كثير عاجبني ووصلت للسطر 25 الله يوفقك يا رب وشرحك كثير حلو وواضح

ما شاء الله عليكى وبجد مش عارفه أقللك ايه
حلو جدا انكم اشتغلتوا سطور اكتر من اللى اتشرحت
كده هنكمل الجزء التانى من المفرش بسرعه ان شاء الله

رومه شرحك اكثر من رائع وصلت للسطر 25 بس في انتظار ابني عشان ينزل الصوره منتظرين باقي الشرح

ما شاء الله فرحتونى على الاخر
يللا نكمل حبيبتى ممكن نخلص المفرش فى اسبوع

بصراحة الله يعطيكي العافية

موضوع متعوب عليه كتير وجهد واضح

الله يجزيكي الخير

واياكى حبيبتى ..........نورتينا

انا كمان يارومه اشتغلت حتى سطر 25
يلا يا قمر انتى فين

برافو يا ام حسين ......يللا اعملى السطور الجديده عشان نكمل

mafrash ra'e3 &explane raw3a thank u roma

شكرا ليكى يا امل منوره

ما شاء الله شرح وافي كافي تسلمي يا اغلى روما

شاوى يا قمر فينك مش باينه وحشتينا .......طمنينا عليكى

[رومة]

الله يبارك لك ويبارك فيكى
من كتر البساطه
حاسه انك تعبتى قوى
عموما هذا من فضل ربى
الله يديم عليكى فضله
ويذيدك منه

مفيش تعب ولا حاجه يا ام حسين
انتو حسستونى انى عملت حاجه كبيره مش لدرجادى وبعدين انا تحت امركم فاى حاجه طالما فمقدرتى واعرف اعملها
كفايه دعواتكم الحلوه دى هلاقي زيها فين تانى

فى انتظارك رومه وانتظار بقى الشرح وترجعى بالف سلامه
والف سلامه على موبايلك ويتصلح
ههههههههههه

الحمد لله ياقمر الكاميرا اتظبطت ويللا خلصى السطور الجديده عشان نكمل

وأياكى .......نورتى

نورس فينك من زمان
ايه الغيبه الطويله دى

تسلمي يا رومة على الشرح الجميل والواضح شكررررررررررررررررررررررررررررررررررررررا

يللا يا شموسه (مينفعش أقللك يا قمر ....ههههههههههه)
كملى الجزء الجديد

جزاكى الله كل خير تعبناكى معانا

أبدأ والله مفيش تعب
انا مبسوطه معاكم وبيكم

بسم الله ما شاء الله

الله يقويكي

شغل وشرح في غاية الروعه تسلم ايدك

في اانتظار باقي الشرح

شكرا حببتى وتابعى معانا باقى الشرح

[ياظالمنى]

انا خلصت الواجب بتاعى

الخيط الى عمله بيه يا رومه ده خيط صيادين البكره250 جرام وفيه لمعه بسيطه

[رومة]

انا خلصت الواجب بتاعى

الخيط الى عمله بيه يا رومه ده خيط صيادين البكره250 جرام وفيه لمعه بسيطه

ما شاء الله عليكى شغلك مظبوط على الاخر
تمام

يللا يا بنات فينكم عشان نكمل
كله يدى التمام هنا

[ام حسين المصرية]

الصوره بتنزل كبيره قوى

]

http://up.arab-x.com/Dec09/fHS35685.jpg

[ام حسين المصرية]

ودا للى عملته امس

http://www.4nw.net/upfiles/kfL19706.jpg

[خيرزاد]

يارب يرزقك بالزوج الصالح ومنه
يارب يرزق بالزريه الصالحه
ويحقق لك كل امالك
يارومه ياقمر
ويعطينى زوجه ابن شطوره زيك بصراحه مفيش احلا من دعوه ام حسينربنايبارك فيكمتابعه معاكى ان شاء الله

[فوقية عبد الباق]

ما شاء الله ذووق راقى وشرح واضح جزاك الله خير

[رومة]

ما شاء الله
تسلم ايديكى ام حسين

خيرزاد

نورتينا واهلا بيكى فى الورشه
ربنا يكرمكوا يارب على دعواتكم الحلوه
تقبل الله منا ومنكم

فوقية عبد الباق

اهلا بكى معانا