اليوم الرابع , اليوم هو السبت وابونا سافر., ورنا بكيت عشان سافر sid sid , المهم ناديت على سهيل وقلت له شوفوا ايش راح نلعب اليوم , جري هو واخته على الغرفة , وشوية رنا جاتني وقالت : راح نلعب سيارات وشوارع مع بعض , قلت في نفسي اخيرا اتفقوا على لعبة , وسالتني ؟: انت لما حتلعبي معنا راح تطلعي اصوات ؟ قلت اصوات ايش ؟ قالت : عننننننننننننننننننننن عنننننننننننننننننن اصوات السيارات قلت لها : ايوة انه راح نلعب مع بعض قالت مثل سهيل وتفحطي وكل شيء قلت : ايوة , قامت نطت وباستني وقالت انت احلى ماما , المهم لما خلصوا ترتيب اللعب نادوني ورحت , اليوم قلت لهم فين راح اجلس دلوني على محلي , انا فوجئت بالكم الهائل من السيارات اللي عند سهيل تنفع نفتح بها معارض سيارات ...
خلوني حرامي واسوي حوادث ويجروا وراي يمسكوني والله سويت كل اللي يجي على بالكم من تفحيط ونط على السيارات مثل الافلام , حتى مسكوني بس هربت صارت رنا تقول كركبت الالعاب ياماما وسهيل عجبوا الجنان وصار يزيد تخريب اصلا الدنيا زحمة ولازم الحرامي يهرب.
وشوية قلبنا اللعب وعملنا معرض سيارات عن جد ورتبنا السيارات واشترينا سيارة وبكرة راح نسافر بها .
هذا اللي صار معي اليوم وبعدين اهلي شرفوا عندي , هذا مالدي .
بس قالوا بكرة موعد اللعب في العصر .
الروابط المفضلة