هــــــــــــــــــــاى
حنان انا على فكره زعلانه منك اوى علشان انا قولتلك على مشكلتى وانتى اهملتيها متشـــــــكره اوى
للبحث في شبكة لكِ النسائية:
|
هــــــــــــــــــــاى
حنان انا على فكره زعلانه منك اوى علشان انا قولتلك على مشكلتى وانتى اهملتيها متشـــــــكره اوى
مشكوره اختي حنان على إهتمامك بالموضوع وماقصرتي حبيبتي
انوره الحـلوه ما قصرتي ياعسل بس بسأللك سوأل زغنوووووووون مره
اش هيا الاشياء الحلوه اللي تقولي عليها عند العطار
ادينا نبذه صغيره عنها00 معليش تعبتك معاي
يلا ياجماعه فين الهمه كل واحده تقولنا على وصفات الجمال بتاعتها عشان الكل يستفيد
مش معقول هنقلب الصفحه اسئله واستفسارات المفرو بعد ماتقولوا على خلاطاتكم تسألوا
وعموما انا هبدا::
انا بستخدم لتنظيف وتفتيح وجهي نص ليمونه فقط لمدة ربع ساعه
اما جسمي ليمون وجليسرين فقط
اما ركبتي لسه لم اجد لها حل ؟؟
وبستخدم صابونة دوف او ديتول روعه
بسم الله الرحمن الرحيم
السلام عليكم ورحمة الله وبركاته
ازيكم ياجماعه عاملين ايه وحشتونى كلكم بس انا مش لا قيه اى اخبار عايزه اسمع حد عمل حاجه ويقولنا على النتيجه
اما بالنسبه لاختى الجميله روبى ايه ياجميل بقى بزمتك انا مهتمتش مش انا قولتلك ان كل مشكله لها حل بس صدقينى كل الموضوع انى مرتبه افكارى ومكنتش عايزه انسى حاجه عشان افدكم اكتر عامة بصى ياحبيبتى
اول حاجه بالنسبه للخشونه انا اتحلت معايا بالسنفره والله ان جسمى ما شاء الله اصبح ناعم جدا وخاصة الركبه والكوعين والاماكن اللى بتضايقنا كلنا . اما بالنسبه للمسام الواسعه
انقعى نعناع اخضر فى خل التفاح لمدة يوم كامل وبعدين صفيه وزوديه بماء ورد وانا كنت بعانى من المسام الواسعه فى وجهى وجاب معايا نتيجه كويسه .
اما بالنسبه للشعر اللى بيطلع تحت الجلد عليك بعد الحلاوه بدهان المكان بزيت الزيتون ومع الوقت المشكله هتختفى وكمان الشعر هيختفى مع الوقت واستعدى يلجميل عشان موضوعى الجاى هيكون عن التخلص من الشعر الزائد واتمنى انى اكون افدتك.
اما الاخت السكره رحوبه اشكرك على مجهودك معانا واتمنى ان الكل يستفيد واللى عنده اى مشكله يطرحها انا مشاركه بالركن ده مخصوص عشان افيد اخواتى بكل ما عندى من خبره ...ولكم منى جميعا
بسم الله الرحمن الرحيم
السلام عليكم ورحمة الله وبركاته
النهارده ان شاء الله هنقول وصفات نتخلص بها من الشعر الزائد والى الابد ان شاء الله بس احب انبه على اخواتى ان الموضوع مش من اول مره ولكن ان شاء الله هتكون النتيجه مرضيه وبعد كام مره هيختفى
1- اعشاب السعد طبعا بتيجى من عند العطار
لكل كوب ماء معلقة اعشاب السعد ونتركها تغلى شويه وهنحضر منها نوعين هنصفى الماء بتاع الاعشاب ونركنه على جنب وناخد الاعشاب طبعا بعد ما تبرد ونحطها على اى كريم بشره بنستعمله ونقلبه كويس او على فازلين بس انا بفضل الكريم عشان ميكونش دهنى .
دلوقتى اصبح عندنا لسيون السعد اللى هو الماء اللى اتغلى فيه السعد وعندنا كريم السعد
الطريقه*** بعد عمل الحلاوه ندهن باللسيون ونسيبه اكبر وقت ممكن وبالليل ندهن من الكريم او العكس ونصبح نغسله الصبح او ادهنى باللسيون لحد ما ينتهى وببعدين استعملى الكريم .لحد الشعر الجديد مايبدا يطلع تستنى لحد ماينفع يتعمل تانى ويتشال الشعر وبعدين كررى الموضوع الى ان ينتهى الى الابد وترتاحى
المره الجايه هنكلم على وصفه تانيه لازالة الشعر وكل واحده تستعمل اللى يناسبها مستنيه اى سؤال متخافوش انا مبزهقش من الاسئله بالعكس .
بسم الله الرحمن الرحيم السلام عليكم ورحمة الله وبركاته
انا اسمى s198 يعنى s اول حرف من اسم ابنى والرقم ده رقم السياره
يعنى يعنيلى كثيرصح
وحتى لايعنينى فاموضوعك يعنينى احب اشوف بنات مصر ليهم دور كبير فى كل شيئ
والله الواحد فخور بك
بسم الله الرحمن الرحيم
السلام عليكم ورحمة الله وبركاته
حبيبت والله انى اشكرك كتير خلتينى احس انى بعمل حاجه كويسه ربنا لا يحرمنى منكم جميعا
صدقينى انا حبيت افيد بنات بلدى ولا ابغى جزاء ولا شكورا.والله انه خالص لوجه الله تعالى فربنا هيحاسبنا يوم القيامه اذا تعلمنا شئ ولم نعلمه لاحد وربنا يعلمنا ما ينفعنا وينفعنا بما تعلمنا اللهم امين
بحبكم فى الله
حنان ازيك ممكن نكون أصدقاء مش عارفة ليه حبيتكبس عايزة أسألك سؤال انا من طنطاممكن أالاقى كريم العروسة عندنا وينفع على الوجه ؟
بسم الله الرحمن الرحيم
السلام عليكم ورحمة الله وبركاته (اللهم ما اغفر لى ولكم والمسلين اجمعين )
الاخت الحبيبه الباحثه عن .....مرحب واهلا بك فى الركن المصرى واهلا ببنات طنطا والله وحشنى السيد البدوى
اعرفك ياختاه اننى سعيده بك جدا ويشرفنى صادقتك وانا من القاهره. بالنسبه لكريم العروسه اكيد هتلاقيه عندك بس يكون عند عطار كبير واعرفك ان اخوات فى الامارات والسعوديه وجدوه هناك بالرغم انه منتج مصرى والله يوفقك ولو لم تجديه قوليلى واشوف طريقه ارسله لك وربنا يوفقك لما يحبه ويرضاه .
حنووون ما شاء الله ايه الموضوع الحلو ده
بنات مصر عاملين جو حلو اوي في المنتدى في ركن الساحة وركن الجمال كمان
عموما ان شاء الله اجرب وصفاتك واحدة واحدة وربنا يستر وهاجرب الاول اعمل الليفة المغربية وعندي لكم وصفة كريم حلوة اوي بيرطب وينعم وبرضو مش مكلف وهو عبارة عن:
علبة كريم جليسوليد الحمراء المعدنية
ملعقة زيت لوز
قطرات عصير ليمون
طبعا نخلطهم مع بعض وونجرب نستعمله على الايد والكوع واي مكان في الجسم هتلاحظوا الفرق نعومة وبياض ونداوة ولا بشرة بيبي صغنتوت
سلامي وتحياتي لكل بنات مصر بالمنتدى ولكل البنات من كل الدنيا
الروابط المفضلة