حملة انقص وزنك مع ريم ( لاتطوفكم ياصبايا عجيبه )

[ريم المنتدى]

بنات اعذروني كل يوم بجاوب شويه انا تعبانه نفسيا بليييييييييز ادعوا ان الله يشرح صدري ويحقق مرادي

اشوفكم على خير يمكن ارجع بعد شوي بس اريح

باي
ريم

[لوليتا 2000]

ربي اشرح قلب ريم المنتدى

وحقق مرادها

وخخف عنها همها

وصبرها على ما امتحنتها به

أنك قادر على كل شئ

اللهم آآآآمين

[samrlovesayd]

اللة يفرج عنكى همك وكربك ويشرح لكى صدرك فيما يحبة ويرضاة اللهم امين

[نسرين البحرينية]

الله يفرج همج ويشرح صدرج ويحقق مرادج ويسلمج من كل شر
آمين يا رب العالمين

[rimi]

السلام عليكم..
===================================
المعلومات الشخصيه
______________
الوزن: 68
الطول: 161
فصيلة الدم: O+
أمراض: لايوجد ولله الحمد
الأطباق المفضلة: الآيس كريم وخلطات المايونيز والطحينة والسلطات... وغيره
الأطباق الغير مفضلة: الملوخية والتين ولحم الخروف والجمل
العمر: 20
=============================
النظام الغذائي
_________
الفطور
-------
1- شريحتين توست مع جبنه بلديه بيضه أو موزوريلا فريش(لكن بحدود) مع طماطم وخيار وعصير أناناس
2- بيضه مع توسته وحده وطماطم وخيار وعصير أناناس
(ممكن بدل التوست - إذا ما وجد ربع- رغيف خبز عادي)

الضحى
-------
1- نص ثمره أناناس طازجة
2- ثلاث حبات تين طازج أو مجفف
(أو ممكن بدالهم كرز أو 3 خوخات أو مشمش أو عنب أخضر وممكن موز وبطيخ)

الغدا
-----
1- لحم مشوي أو بالفرن مع خضار سوتيه وصحن سلطه بس بدون ليمون
أو خل
2- سمكه مشوية مع سلطه خضرا
3- سلطه سيزر بالدجاج مع شوربه بروكلي
4- معكرونا سباجتي بالطماطم مع سلطه
5- كوب رز مع مرق خضار وسلطه
6- ثلاث حبات محشي كوسا أو ثمان حبات ورق عنب وسلطه
(على فكره محشي الباذنجان ممنوع(
7- بامية بالزيت أو مرق بامية بدون لحم مع كوب رز

العصر
-------
1- ثلاث حبات جوز أو حفنه من الحب الأبيض(لب القرع(
2- نصف ثمره أناناس

العشا
-----
1- خشاف( تين ومشمش وقراصيا) بس طبق صغير جدا
2- عجه بالسبانخ مع سلطه
3- سلطه الأرضي شوكي مع الخس والجرجير والجبنه البلدية
4- سلطه سيزر بالدجاج مع عصير أناناس
5- سلطه يونانية(خضار- خيار طماط بصل خس- مع جبن فيتا مع قليل من زيت الزيتون(
=====================================
وأنا أقوووووووووول ليه المنتدى منووووووووووور....!!!!!!!

الحمدلله على رجعتك ريم ..
جعلها آخر أحزانك يارب..
و ربي يشرح لك صدرك ويفرج همك..
وينلام اللي يلومك على حالتك..
طمنينا عليك ؟؟ واذا انتي حاسه انك تعبانه اعتذري للبنات ولا تضغطين على نفسك اهم شي صحتك..
وفي أي وقت احتجتينا بس أشري بصبعك كم ريم عندنا احنا؟؟؟

حبيت اليوم أدخل حتى أزيد من همتي في المتابعة وإليكم الاحداث للاسبوع الماضي ..

أولا : بصراحه تلخبط نومي زي الاخت ((اخت اخوها)) وسويت مثل مانصحتيها إني آكل وجبة الغدا أول ما اقوم .. وفي العشا آكل وجبة الفطور.. ما كنت ألتزم بنفس الوجبات اللي حطيتيها لي لكن كنت اشوف اللي طابخته امي وعليه ابني الوجبة .. وكنت ما اخلط البروتينات بالنشويات.. ولا تخافين غالب هالوجبات كانت مثل الوجبات اللي عطيتيني اياها ..
ثانيا : كنت أمشي كل يوم لمدة ساعة كاملة..
ثالثا : كنت مخططة اني اشوف وزني كل سبت أول ما اقوم.. بس من الحماس أول ما قمت الجمعه رحت للميزان................ وكانت المفاجأة................


صرت اصعد وانزل واصعد وانزل واصعد وانزل من على الميزان حتى اتأكد.....

الميزان عطاني 3 اجابات ألا وهي الآتي...
إما اني ما نقصت أي كيلو ...
أو نقصت 300 غرام بس ... <<<وهذا الغالب
أو نقصت 500 غرام بس ...
بصراحه انصدمت كثيييييييييييييييييييير خاصة اني من النوع اللي أحب النتايج السريعة ومن الصدمة ما مشيت
ساعة يوم الجمعة... اكتفيت بالمشي اللي مشيته وانا اتسوق بالهايبر ماركت مع انه ما كان كثير ولا كان سريع كنت كاني امشي على بيض ...

اليوم مسكت نفسي وقلت اذا مانحفت الحين متى بنحف ؟؟
وما فوت المشي ساعة<<< مو زي أمس
وبعدها جلست وقعدت اتذكر الغلط اللي سويته لحتى طلعت النتيجة مخيبه للآمال
وراجعت الجدول...

قلت أكيد ان السبب اني ما احدد كمية الأكل
لاني آكل لحد ما أشبع

ان شاء الله من بكره بصير احدد الكميه واخطط قبل ما آكل

ومغسي بوكو

[نسرين البحرينية]

ريمي لا يصيدج احباط
أنا ما بين عندي النزول في الوزن الا بعد مرور الاسبوع الاول

[ورده بريدة]

اسفه يا ريم المنتدى انا مفكره بالشيء لاكن ماعرف لاني ماصارلي اسبوع وانا في المنتدى
قولي وشلون وما يصير خاطرج الا طيب

[ورده بريدة]

ياوحيده اهلها انا الحمدلله عندي 3 اخوان و4 اخوات
وانا من القصيم والمدرسه عادي يعني على حسب مزاجي
وانا اقول انتي من السعاعه كم الى الساعه كم تتمين صاحيه

[ورده بريدة]

يا ريم المنتدى ردي علي قولي شنو الرجيم الي اسويه
ووشلون اتكلم مع وحيده اهلها بالرسايل الخاصه

[غسق الليل]

السلام عليكم ورحمة الله وبركاته .

كيف الحال للجميع وكيف حالك ياريم ربي يسعدك ويشرح صدرك غاليتي أقراءي المعوذات ..

أنا قررة أن لا أمر هنا ولا أدش اذا ما أنقص وزني وأول اسبوع كانت تهل علينا حفلات التخرج والاعراس وبيت أهلي المهم بعدها قمت أنسحب من الريجيم ثم رجعت من جديد
والان أنقصت ثلاثة كيلوات ولله الحمد ومشكورة ياريم هذه اذا مانسيتيني ؟ لاني صار زمان وما دخلت .. لك ودي ..
كان وزني قلت لك 60 او 59
والأن ~~ 57 وشويه والحين أنا في الدوره أسبوع القادم أكمل ..