ال menuانهاردة ايييييييييييييييييييييييييه

[bent masr]

بصوا يا جماعة فى كيكة الزبادى بالشيرة لقيتها فى الملف بتاع الكيكات شكلها حلو وخفيفة
بس ممكن اعرف ايه الشيرة دى
اللى هو السيرب
ولو هو اسقى الكيكه باد ايه كدة يعنى كوبايه مثلا

الكيكة دى اسمها الباباز و طعمها رووووووووووووووووعة و خفيفة جدا جدا لأنها بدون أى دسم
أيوة يا غوغو هو السيرب أو الشربات
المقادير المكتوبة فى الوصفة بتعمل صينية مقاس 28 و دى بتاخد كوباية و نص شربات( 1 و نص ميه + 1 و نص سكر و نص ليمونة)

[abeerbebo]

هههههههههههههههه يا سلام يا نيمو على توارد الخواطر دا احنا الاتنين دخلنا دلؤتى علشان ام على

[bent masr]

المنيو انهاردة ستيك بس عاوزة طريقة البيبر صوص حدش يعرفهههههههههههههههههههههههههههههههههههههه

انت تأمر يا جميل
بصى يا ستى
تشوحى اللحمة فى طاسة لحد ما تاخد لون كويس,تشيليها من الطاسة.
فى نفس الطاسة,حطى شوية فلفل أسود مجروش..........مجروش مش مطحون,يعنى خشن شوية و تقلبى سنة و بعدين تحطى كريمة سايلة و تقلبى بشويش و بمعلقة خشب تطلعى كل فتافيت اللحمة اللى فى الطاسة(الموضوع ده اسمه de-greasing)و ترجعى اللحمة تانى و تقلبى بشويش لحد ما تستوى

و أحسن لو استعملتى لحمة فيليه عشان تستوى بسرعة

[أم جورى]

يا نيمو يا جااااااااااااااااااااااااااااااامد ما يجيبها الا بنات مصر

[bent masr]

احم احم
أحرجتينى يا جوجو
أى خدمة يا جميلة
بس أنا فعلا الطبخ عندى مزااااااااااااااااااااااااااااج ع الآخر

[bent masr]

مين يا حلوين يا شطورين هاتقولى على طريقة حلو أعتقد ان فروحة اللى كانت قالت عليها............كريم شانتيه بيتعمل مع كريم كراميل و كلام من ده؟؟؟؟؟؟؟؟؟؟؟؟؟؟؟؟

[أم جورى]

مبروك يا بيرو بالهنا والشفا

ننوسة

انا ليا عودة بكرة ان شاء الله لأكلك بالتفصيل شكل أكلك جااااااااااااااااامد

بس قوليلى ازاى الصلصة دى هى طماطم يعنى وبتضيفى لبن ولا ايه مش

فاهمة قصدك

بنوتة

الطريقة بتاعة فرح باكت كريم كاراميل وباكت كريم شانتيه وكوباية لبن

وتضربيهم بالمضرب وتعملى راق بسكوت سادة وراق من الخليط ده

وتحطيه فى التلاجة 3 ساعات وتزينينه يالصوص بتاع الكراميل

أو تغمسى البسكوت فى ميا مدوبة فيها نسكافيه وتعملى نفس الخطوات

[n3omy]

السلام عليكم حبيبتي n3omy
بصراحه انا مريت بتجارب كتير هابطه للكيك الي ان توصلت للحل واحببت ان افيدك به

اولا اذا كنت هتعملي الكيك اسفنجيه فاتبعي الخطوات الاتيه
طبعا المقادير انت عرفاها(10 بيضات او 8 او 6 حسب المتاح +ملعقه صغيره فانليا+كوب سكر مطحون +كوب دقيق مضاف اليه ملعقه كبيره بيكنج بودر (ونص ملعقه صغيره بيكربونات الصودا وممكن تستغني عنها بس طالما عندك حطي منها ياقمر) بس كدا
الطريقه الصحيحه
تجيبي اناء وتضعي البيض شرط ان يكون البيض في درجه حراره الغرفه يعني لو كان في التلاجه طلعيه
هتضربي البيض مع الفانيليا بالمضرب الكهربي مده قليله
الي ان يمتزج
ثم تضعي كوب السكر المطحون وتضربي من غير زهق اضربي الي ان تحسي اك حصلت علي عجينه الكيك وانك مش محتاجه الدقيق
شفت هتضربي لحد اييييييييه؟
لحد مايصبح خليط البيض والسكر كريمي والصبر مفتاح الفرج متستعجليش وكل حاجه هتبئي كويسه
ثم تضعي الدقيق المضاف اليه البيكنج بودر وبيكربونات الصودا شويه شويه وتقلبي براحه عشان الهوا اللي تعبتي فيه ده ميخرجش
اتفقنا كدا
تجيبي الصنيه دهنيها زيت وترشي شويه دقيق بسيطه
ثم تقربي ايدك من الصنيه اوي وتصبي العجين بتاع الكيك ببطئ شديد

ملحوظه مهمه((((اول متيجي تضربي ابيض مع السكر تكوني مجهزه الفرن ومولعاها اتفقنا كدا ياقمر))
لما تبئي صنيه الكيك جاهزه تضعي الصنيه في الفرن علي درجه 180
ولا تفتحي عليها ابدا قبل 20 دقيقه
هتلاقيه ان شاء استوت من تحت
شغلي الشوايه بس اوع تمشي من جنبها لان الشوايه بتحمر الوجه علي وجه
واختبري النضج بسكين
فاذا لم يخرج شئ مع طرف السكين
فاطفئي الفرن وافتح باب الفرن واتركي الصنيه بداخله والباب مفتوح
ثم بعد قليل اخرجيها من الفرن
واحصلي علي احلي كيك مرتفع
ووداها لهبوط الكيك
وده الدليل


اما لو عاوزه تعملي كيك عادي
فاليكي الطريقه لتحصلي ان شاء الله علي كيك مرتفع ايضا



اولا مقادير الكيك
(1ونصف كوب دقيق منخول مضاف اليه 1ونصف ملعقه بيكنج بودر+تلاث ارباع كوب سكر عادي بس انا طحنته عشان مايتعبنيش+نصف كوب زيت او زبد+تلت ارباع كوب لبن+4 بيضه +ملعقه صغيره فانيليا)


الطريقه تضربي البيض شويه مع الفانيليا ثم تضعي السكر ثم الزيت ثم اللبن في الخلاط او المضرب الكهربي
ثم تضعي الدقيق المضاف اليه الفانيليا
وتدهني صنيه زيت وترشيها بقليل من الدقيق وتضعي الكيك وتقربي ايدك من الصنيه وتصبي العجين بهدوءوتضعيه بفرن درجه حرارته 180 ولا تفتحي عليه قبل 20 دقيقه اذا محتاج تشغلي الشويه لتحمري وجه الكيك واذا م شمحتاج يبئي تقفلي كمان عشر دقايق وطبعا بتختبري النضج بالسكينه
كدا تبئي خلصتي من الكيك
تفتحي باب الفرن عليه شويه ثم تخرجيه يبرد ولو مستعجله تضعيه في التلاجه شويه لحد ماتعملي التزيين

انتظر تطبيقك وتوريني ياقلبي
احلي كيكه من ايدك الحلوين
يارب اكون قدرت افيدك

ام رفيدة
تسلملي ايدك علي ردك وعلي كيكتك اللذيذة ..انتي اللي شاطرة علشان كدة حاجتك حلوة
ان شاء الله هجرب الاسفنجية في اقرب وقت
بس هي من غير زيت ولاسمن..؟؟
والبيض كام بالضبط .؟؟مش مقادير الحلو لازم تبقي دقيقة قوي علي حد علمي

ام جوري
صراحة اخاف اعملها تاني ..صعبت علية وهي بتترمي هدخل النار كدة
لما اعمل حلو وينجح يمكن يمكن مش اوعدك اعملها تاني
المنيو النهاردة
كوسة بالباشميل ورز بالشعرية وسلطة

[ghofran2009]

ايوة يا بنوتة انا عملت طريقة فرح الكريم كراميل مع الشانتية وطلع جميل بصراحة
راق بسكوت وراق من الخليط وبعدين راق بسكوت تانى وراق من الخليط
جميل بصراحة ودسم
فروحة دى جميلة

[UM FARIDA]

عملت امبارح تورتة بسكوت ومن كتر الفجع كلناها كلها
عبارة عن بسكوت ماري سادة ولبن ونقعد نسقي البسكوت في اللبن ونرص في الصينية لحد نص الصنية وبعدين نكون مجهزين كاستر شكولاتة طبعا معروف ومكتوب على العلبة طريقته بنزود بس عليه معلقة كاكو علشان يبقى شكولاتة
ونكمل تسقية البسكوت ونحط في الصينية
ولما نخلص نخلي حوالي سم ونص فاضين ونجهز كريمة عبارة عن حتة زبدة و سكر بودرة و كاكو وبيضتين واضربي بقى لحد مايبانلو اصحاب علشان البيض يستوي ومتنسوش الفنيليا
وبعدين سيبوها في التلاجة ساعتين وكلو بقى وخلصوها زينا