كتبت بواسطة
abeerbebo
ماما ربنا يخليكى لينا ويجعلك زخرا لبناتك ويجعلك دايما نبراس ينور حياتهم بنصايحك الجميلة وردودك اللى من القلب زى مابئولك على طول
وربنا ما يحرم ركنك هنا منك ويبئى على طول منور بحضورك فيه
امى حمدالله على سلامتك
وشكرا على نصيحتك واالله والله صبرتنى جامد
أبنتى الحبيبه عبير
اشكرك على دعائك و اللهم اشفى كل مريض
امى طمعانة بئة منك فى ارشادات نعملها علشان ندعو ازواجنا للطريق الصح
يعنى زى ما شرحت لحضرتك فى موضوع فى سبيل الله انا ساعات ببئى زنانة مع زوجى وبالح عليه علشان يصلى ويقرا وكدة وحضرتك نهيتينى عن الاسلوب دا واللى فعلا كان رايك صح فيه
طب يا ريت تدينى ارشادات اعملها معاه او طرق معينة استخدمها بحيث ما يفرش منى ويعند زى ما حضرتك عارفة
وربنا يكرمك ويزيدك من الايمان اللهم امين
زى ما سبق قلت لك ان الهدايه من عند الله وبعدين انا عايزاكى تشوفى ايه صفات الخير عنده
يعنى اذا كان : رجل عطوف يحبك ويحب اولاده ولايبخل عليكم
رجل كريم يعطف على الفقراء ويخرج الزكاه والصدقات
رجل يصل رحمه
لايشرب ما حرم الله ولا يعمل الفواحش
رجل غير بذئ اللسان يسب ويلعن طول الوقت
هل هو يصلى الفروض ويترك السنن
اذا توفرت فيه هذه الصفات اذن هو رجل صالح ولكن قليل فى الطاعات
وهذا يكون عادة عن كسل وليس عدم ايمان
هو شايف انه بيصلى الفرض و بيشقى لكسب عيشه والانفاق عليكم و رعايتكم
وهذا يكفى
ان الزياده فى الطاعات دى متروكه للشخص عندما يحس انه راغب فيها مش بالعافيه وانتى مش حتكونى احن عليه من نفسه
ابدا ابدا ما تقعدى توجهيهه لان التعود على الطاعات مش بالاجبار
طبعا هذا يتوقف على طريقة تربيته والحياه التى كانت قبل الزواج وماعلمه له اهله ومارسخ فى عقله عن العبادات
نقطه اخرى اذا كان يعمل طوال اليوم فهو يكون منهك القوى ويدوب بيصلى الفرض فلا تضغطى عليه لانه لن يستجيب لك
امتى تعملى حاجه او تخدى موقف لما يكون شره اكتر من خيره
ولكن مدام خيره غالب فأصبرى و ادعى كما قلت لك وكونى له زوجه وفيه - ام لأولاده - صديقه مخلصه -
حبيبه وسكن فى فراشه - امينه على سره
ومع الايام سوف يكبر فى السن ويعرف انه هو المحتاج الى الله والله غنى عن عبادته
علميه بالتصرفات وليس بالارشادات
لا تقولى له صلى ولكن قولى لابنك وخدى ولادك وقومى للصلاه
خلى الصلاه دى تصلح من كل شئ فيك حتى يقول فى نفسه والله دى العباده بتحسن الاخلاق والتصرفات
ولا تمنعى نفسك عنه لان ده ضد الدين فهو ليس كافر انما عاصى وربنا قادرعلى هدايته فى اى لحظه
اجعليه يشارك فى دفن الموتى لاقدر الله اذا توفى احد من الاقارب او الجيران
فان زيارة المقابر و صلاة الجنازه عظه وعبره
هو بيحبك؟
سؤال غريب لكن ممكن تسأليه مره كده وانت فى ساعه خاصه وان توصلى له بطريق غير مباشر انه لوبيحبك فأن الله بجعل زوجة الدنيا هى زوجة الاخره لو فيه حب بين الزوجين
اغرسى فى اولادك طاعة الله من الصغر لان التقوى مثل النبته تبدء صغيره ثم تنموا
وليكونوا اولادا صالحين يدعون لك
على فكره فيه رجال بيصلوا الفروض والنوافل و و و ولكن تخرج الكلمه من فمه كرصاصه تقتل من يقف امامها
نمى الحاجات الحلوه فى زوجك واصبرى وادعى وربك مجيب ان شاء الله
دعاء الزوجة الصالحة ..من اروع ما وجدت من ادعية
اللهم وفق بيني وبين زوجي واجمع بيننا على خير ..اللهم اجعلني قرة عين لزوجي واجعله قرة عين لي واسعدنا مع بعضنا واجمع بيننا على خير ..اللهم اجعلني لزوجي كما يحب واجعله لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي زوجي واجعلنا من اهل بيت صالحين..
اللهم اقر عيني بهداية زوجي وصلاحه وتقواه..اللهم اقر عيني بالذريه الصالحه التي تدخل السعاده الى قلوبنا وارزقنا برها..واكرر الدعاء الى الله باسمائه الحسنى التي تحمل معاني الرحمه والرأفه والود
* اللهم اني اسئلك باسمك الحبيب الكافي ان تكفيني كل اموري مع زوجي مما يشوش خاطري ويسهر ناظري ..
اللهم الف بين قلبي وقلبه كما الفت بين قلوب عبادك .. اللهم سخره لي كما سخرت البحر لموسى ..
والحمدالله والصلاة على نبينا محمد صلى الله عليه وسلم ..
الروابط المفضلة