من جديد كان لنا لقاء مع غاليتين
وإجاباتهما على الأسئلة كالآتي :
-------------------------------------
1- ماهو منتدى لكِ في نظرك ...؟؟
الشخصية الأولى :
صفحتي الرئيسية
يعني باختصار كدا بعشقه بأهله وناسه
الشخصية الثانية :
منتدى لكِــ بيتي الثاني وحياتي التي أعيشها بالفعل
2- موقف حصل في طفولتك وما راح تنسيه ...؟؟
الشخصية الأولى :
كنت طفلة شقية جدا , جدا , جدا رغم إن شكلي لايدل أبدا على شقاوتي يعني تشوفوني تقولوا ملاك سبحان من صور , تشوفوا عمايلي
تجيلكم صدمة العمر
كنت مرة معزومة عند ناس
ودخلت للحمام أكتشفه( كنت مغرمة اكتشافات ) وتسلقت مواسير الصرف الصحي وكان عندهم رف عالي عليه منظفات قوية حارقة طيرتها كلها عليا بس الحمد لله جت سليمة ومحصلش خساير لإني كان ممكن اتحرق بسبب قوتها
مرة تانية كانت عزومة كبيرة وطبعا مش هقعد ساكته دخلت على مخزن البيت الرئيسي وكنت قصيرة مش عارفة اشغل النور لقيت كبريت ولعت ورميت بالمخزن وتخيلوا انتم الباقي لما مسكت النار بالمخزن
وخرجت والبراءة في عيني وكملت لعب ولما اكتشفوا
طبعا انا بعيدة عن الشبهات لأن البنت الصغنونة دي مستحيل تتصرف كدا وسألوا الكل الا أنا ودي نصيحة علشان لاتنخدعوا في الأطفال البريئة الشكل
الشخصية الثانية :
بصراحة لي
مواقف كتير وأخاف أحكيها أبقى حكاية المنتدى
هههههه
خلينا في شيء بسيط
كان مرة أنا وأولاد قرايب لي بنلعب أمام محل والدي
وده كان عمرنا 6 ،7 سنوات تقريبا
فإذا بفجأة نجد حمار مسرع أمامنا ففيه طفلة حلوة كده من الأطفال الواقفين اتسمرت مكانها من شدة دهشتها متعرفوش إيه حصلها الكل كان خايف أصل الحمار يدهسها ويقولولها :تعالي تعالي
هي فجأة لقيناها نايمة علي الأرض ومن دهشت الحمار خاف يدوووس عليها هههههههههههههههه وبس .،،،
3- أفضل مسلسل كرتوني عندك ؟ مع ذكر الأسباب ؟
الشخصية الأولى :
كعبول الكلب الأكول يتبع عبقرينو المخترع المشهور
كنت بتابعه علشان أكتشف مغامرات كعبول مع عبقرينو
توم وجيري طبعا علشان أقتبس مغامرات وأنفذها
بنك بانثر الفار الوردي كنت بموت فيه بس اسمع صوت المقدمة اجري عليه
سالي بطيبتها وهدوئها بما اني بنت طبعا كنت بتشد لها
وبزعل على احداثها مع الشريرة مانشن
الشخصية الثانية :
أحب جداً توم وجيري وده كان شيء أساسي كل يوم واحنا صغار وكمان المحقق كونان بس ده وأنا كبيرة أموت فيه
وأفكاره الخطيرة
4- كيف تصفي شخصيتك في سطر واحــد ...؟؟
الشخصية الأولى :
هادئة جدا ( مفاجأة ) - ودودة أحب الناس وأتمنى لهم الخير بحلم أكتر من اللازم
كتومة _ دموعي قريبة جدا - أفكر كمان أكثر من اللازم يعني نازلة تفكير في كل حاجة ليل نهار - أحب اسعد الأطفال جدا ( ضحكة من طفل = الدنيا )
الشخصية الثانية :
أحب بدون تفكير وأكره بتفكير عميق
،طيبة لأقصى حد ده الي شيفاه في نفسي ممكن يكون غيري شايف شيء تاني ...
الشخصيتان الخفيتان ،، هما ؟
1.القارئة & تيوليب
2. صاحبة البيت & الورد الأحمر
3. عهد الأماني & نسمة حياتي
4.*جنة الاماني* &ghdghoda
5.* سمسمية & أم زهور الربيع
:
:
:
:
:
التركيز مهم جداً قبل الاختيار
الروابط المفضلة