الامهات بتلبسي اولادك ايه؟؟؟؟؟؟؟؟؟؟؟؟؟؟؟؟

[أم جورى]

بالنسبة للاخوات اللى عاوزين ينزلوا الصور

احفظى الصورةعلى الجهاز

افتحى برنامج الرسام

اختارى من قايمة edit اختارى paste from

افتحيها واختارى الصورة من المكان اللى انتى حافظاها فيه

وبعدين اضغطى على صورة القلم واختارى من قايمة image

strech skew

هيظهرلك مربع اختارى الرقم اللى فوق 50 واللى تحت 40 أو العكس وبعد كدة

سيف اس وسيفى الصورة بعد التعديل

وحمليها على اى مركز تحميل

مش عارفة باة الطريقة دى صعبة ولا ايه انا بنزل الصور بالطريقة دى

[salmadodo]

السلام عليكم ورحمة الله وبركاته
ازيكم يا امهات علي فكرة لبس اولادكم كله حلو وعاجبني جدا فعلا لبس الاطفال بيجنن
واللي عاجبني اكتر كلامكم مع بعض وان شاء الله لما اجيب لبس يويو حبقي اوريهلكم مع ان اللبس اللي باجيبوا يا اما المقاس صغير يدوب ينفع اليومين دول يا اما كبييير واتكسف البسهوله
علي فكرة انا ماشية في ال28 سنة بس ةالله معنستشا مروة بس اتاخرت في الحمل شوية

[مروة ابراهيم]

اهلا يا ام يحيى اسمه جميل يا عم احنا بنهزر و احنا فى ايدنا حاجه ربنا يباركلك فيه و يارب نشوفك على طول و نتمتع بذوقك فى اللبس

[مروة ابراهيم]

شكرا يا ام جورى انت مش بتيجى معانا ليه مستنينك تفرجينا عامله ايه فى الاوكازيون

[أم جورى]

ميرسى يا مروة يا جميلة

أنا كنت بروح أور كيدز علطول بصراحة بس أول مرة أروح سيسم

المحل هايل فعلا وعامل خصومات 30 و40 % على الماركات

يعنى جبت 2 تي شيرت حلوين أوى فى حدود حاجة و40 وحاجة 50

واحد بولو واحد مقفول عادى

وكمان بنتاكور جيجلز ب80

وجبت بيجامات بيت لحلا وجوجو تحفةةةةةةةةةةةةةةةةة

والأسعار جميلة أوى ما شاء الله وكمان جبت سالوبيتات داخلية قطن لجوجو جميلة

جدا ب12ماركة الصياد

[مروة ابراهيم]

انا بجيب سالوبيتات الصياد دى للشتا تحفه طبيعا فعلا ب 12 و حاجه جيجلز انا جربتها شيك و خامتها هايله بس عشان انا فى بورسعيد و بقالى كتير ما روحتش مثر فمش عارفه المحلات اللى بتقولى عاليها

[أم جورى]

فعلا ماركة الصياد هايلة غسيل ولبس زى ما بيقولوا

المحل ده فى مصطفى النحاس فى مدينة نصر بس هايل

السالوبيت الشتوى ده بكم طبعا

عاوزة اسأل انا كنت بلبس بنتى واحد كت وواحد كم انتوا بتعملوا كدة برضه

[om belal]

و بعد طوووووول انتظار لبس عييد بلال فقط و حصريااا علي لك :] هو من مذر كيير

[مروة ابراهيم]

اوووووووه ايه الشياكه دى عمرك ما خيبتى ظنى ما شاء الله يتهنى بيهم

[مروة ابراهيم]

ام جورى كل اللبس ده امتى فى اى فصل انا ولادى دلوقت من غير فانلات خالص