بنات قريت قصه وحبيت انقلها لكم
اليوم سأكتب لكم قصه حملي والحمد لله على هذه النعمه التي الى الان
لم استوعب انها حقيقه لكن اعراض الحمل هي من تجعلني
اصدق خبر كهذا ...
قبل البدا من اراد ان يعرف معاناتي قبل الحمل لا عليه سوى ان يكتب في محرك البحث هند ام احمد ويرى موضوعاتي انا صاحبه الموضوع
لم اصدق انني انا من كتب هذه المواضيع احسست ان الاحزان تجعل الشخص يكتب خواطر وهو لا يعلم واعتاد الاعضاءعلى موضوعات
هند اللتي تدور دائما حول فلك واحد ....
نبدا الان ::
كنت أرغب في الذهاب الى المستشفى لان الدوره الشهريه لم تنزل
رغم اني اخذ حبوب الدفاستون وتركته لي عشر ايام
فاستغربت فعلا قلت تصير عندي اذ ان مره اخذت
من قبل حبوب برملت ان وماتنزل الدوره
من التكيس
المهم هذه المره بالذات صارت لي اعراض كثيره لكن كنت ابدا ما احط في بالي حمل ... ما أبغى احطم نفسي واشفيها
من الاعراض الي جاتني غثيان وكنت اقول من المعده مو غريب هالامر
حبوب كثيره بوجهي وتعالجت عنها رغم انها مازلت موجوده والدكتور يقولي حب شباب ...!!
تغير لون صدري قلت يمكن لان ضعفت وفعلا نزل وزني
ما ارغب بزوجي قلت يمكن لان الدوره قربت ..
ذاك اليوم وفي نفس الليله يعني الصبح بروح المستشفى
كنت بذلت مجهود نظفت شقتي ومشيت كثير مع خواتي وعلى السير
قلت يمكن تخف المعده الا وتنزل افرازات مائل لونها للون الدوره او البني
طلعت وكلي حزن وقلت لزوجي شكلي جات الدوره وقلت له عن الافرازات
قال مو مشكله نروح المستشفى رحنا
وهنا بدأت القصه الحقيقيه اسأل الله ان يرزق بفرحها كل ام انحرمت من هذا الحلم ... دخلت المستشفى قلت للدكتوره تركت الحبوب ومانزلت الدوره
طبعا في هذا الشهر هي كانت متابعه حالتي قالت زين يمكن يكون حمل
قلت يادكتوره ....!!!
قالت بسوي بس تصوير قبل التحليل
وسوت تصوير ويطلع
كيس صغير اول مره في عمري اسمع كيس حمل دائما بس رحم ومبايض والحمد لله متكيسين بعد...
نمى للتو مرحله تفائل عندي وقلت شنهو قالت كيس صغير وبطانه الرحم ممتازه وروحي سوي تحليل دم هالحين
واروح ركض زين ماطاح الي في بطني
احس بصرخ بقول كل الي بالمستشفى ترى احتمال حمل شافت كيس
المهم اخذو الدم وكلمت زوجي
قلت له كيت وكيت بس ما ابغى اخذ نتيجه التحليل دائما يحطموني ويقولون نجتف ... يعني مافيه
قال انتظري وحسيت بدايه فرح عنده بس يبغى بعد هو يتأكد
صرت اروح واجي بالمستشفى واعصابي متوتره
مو قادره اجلس على الكرسي ياربي متى تطلع النتيجه ..!!
اجي وأقول لهم متى تطلع النتيجه كنت مسويته التحليل الصبح بدري
يقولي بتطلع الساعه 12 او خمس العصر
(( والله بدون مبالغه وما اكذب عليكم يوم كنت احلل دم وماكان في حمل
نصف ساعه وتطلع ويوم هالمره الى 12 او 5 قهروني ))
دقيت على زوجي واعطيت الدكتوره رقم شقتي عشان تبلغني بالخبر
جاني زوجي وطلعت معه قلت لها اقرب صيدليه الله يعافيك ابغى تحليل الحمل قال انتظري
قلت شنهو مابقى فيني حيل اشتراه لي وقالي مو مايطلع حمل
وتتأزمين خلك طبيعيه قلت ان شاء الله
وقبل لا انزل قال اذا طلع شيئ بلغيني
نزلت وتوضيت وصليت ركعتين دعيت فيهم
ربي يارب يكون حمل وافرح فيه
واذا مو حمل دعيت ربي يثبتني ويرزقني في الشهور الجايه
وسويت تحليل البول (( الله يكرمهم )) وطلع
عاد هالمره مو نازله كثير اشوقكم انتو عارفين خطين
اول مره في حياتي على كثر ماسويت تحليل يطلع لي خطين
صرت انقز من الفرح واحس الدنيا مو مكفيتني ...
دقيت على زوجي وبلغته وقال اشوي اشوي على عمرك
انتبهي لحالك ولا تعلمين احد ... قلت له خواتي
كلمت وحده صرت ادق عليها الى ان جلستها وقلت لها وهي مو مصدقه
وتقول ليتك جنبي ...
سكرت منها وصليت ركعتين شكر لله
الحمد لله على هذه النعمه
جات الساعه 12 وكلمتني الدكتوره حامل والحمد لله
وهالشهر خير وانتبهي لا تأخذي علاجات ولا تسوي ولا تفعلي
سكرت منها وكلمني زوجي بعد ربع ساعه يقولي حامل قلت له دريت قبلك
وهو المسكين الي رايح المختبر بنفسه
كلمت خواتي وقصتهم قصه
الي كلمتها الصبح زاد عندها القولون (( هذا وانا مفرحتها ))
والثانيه اكلمها وتسجد سجود شكر وانا اكلمها من الفرح
والثالثه مو مصدقه وتقول كأني انا الحامل وهاذي
بالذات حلمت فيني في نفس الشهر اني حامل وجبت ولد عشان كذا كانت حريصه ودائما تسألني ..
والرابعه تقول جسمها يرتجف
والخامسه اختفى صوتها فلانه فلانه وينك
جالسه تبكي .... وامي طبعا نزلت دمعتها
الحمد لله بلغني هاليوم ومثل ماقلت لكم قبل والله مانزلت مني دمعه
ماني داريه ليه الى الان كل ما حسيت ببكي من الفرح قلت لنفسي
شبعت قبل لا احمل يكفي والحمد لله ...
ماكنت اسوي جديد في نفس الشهر الي حملت فيه
سواء ان انا وزوجي قرأ علينا شيخ لانه خفت يكون بهم اهل زوجي
عين لان ثلاثه من اخوانه ما انجبو واحنا منهم وبس واحد اللي انجب
طبعا وقريت الرقيه الشرعيه والاستغفار والحمد لله الله اكرمنا
أأكد على الاستغفار انا كتبت سيد الاستغفار في ورقه وعلقتها على المرايه
حقتي واحاول ما انساه رغم كذا مرت على ايام ونسيته
كذلك الدعاء قبل الجماع ..
وبعد شربت عصير الربيع اناناس قريت في النت انه يقوي المبايض
اما الاشياء الثانيه من كلوميد وابر تفجير للبويضه كلها مستخدمتها قبل
وماصار حمل لكن هالمره يمكن مع قرأت الشيخ علينا خير
ربي اكرمنا ولله الحمد
كتبت بواسطة maya2009
النجم الفضي
أعضاء قرؤوا هذا الموضوع: 0
الروابط المفضلة