السلام عليكم
مشكوره اختي على كرمك وان شاءالله تجزين خير
هذا مخطط البيت الدورالارضي فقط لان الي فوق غرف النوم
والبيت تقريبا اضائته سبوت لايت
ويارب تفهمين عليه لاني حاولت اوضح على قد ماقدرت
اللون الاحمر عباره عن النوافذ والباب الزجاجي
والاقواس عباره عن صاله مفتوحه للمر الداخلي
الممر البراني مغلق يعني البيت كله مغلق
نحن عائله مكونه من انا وزوجي و3 اطفال باعمار 10 سنوات _9 سنوات_5 سنوات
طبعا مع وجود الشغاله
والمطلوب ان شاءالله
_غرفه للضيوف.
_غرفة مكتب وتلفزيون وقعده لي ولزوجي فقط
وبتكون قعدتنا فيها ومفكرين نسويها بالغرفه الي مساتحتها 4.20 في 8 متر
وفيها نافذه تطل على الممر البراني لانه البيت من قبل ماكان مغلق مثل ماذكرت
ونحن سكرناه
_نفكر نحط قعدة اليهال بالممرر الي فيه باب زجاجي لانه واسع .
_مجلس النساء محتاره فيه
_اما مجلس الرجال بنتركه بدون فرش لان زوجي يفكر يسويه بروحه
_اللون الحائط المناسب لكل غرفه
انا ذكرت لك افكاري بس انا مو مقتنعه فيها واحس البيت ترتيبه غريب
اذا كنت انا اوكي ممكن مانغير الاماكن واذا انا ترتيبي غريب ان شاءالله تلقين لي حل
اخترنا الارضيه تبع البيت كالتالي
جرانيت مايل للاصفر لامع لكل من مجلس النساءالي مساحته هي (8 في 6)
والممر الداخلي والصاله الداخليه الي مساحتها(4.20في 5.20) مع الغرفه الي مساحتها
(4.20 في 8)
تقريبا اللون مثل هذا
والصوره مب لي بس اهي صوره تقريبيه لدرجة اللون
اما الغرفه الي على يسار الدرج اخترنا لها سيراميك بشكل باركيه باللون البيج
تقريبا مثل هاللون لكن معمول بطريقة مثلثات
وهذي طريقة وضعه
اما الممر البراني والمدخل اخترنا الارضيه سيراميك باللون الاصفر
تقريبا شبيه لهذا اللون ولكن شكله يوحي بانه من الجلد
وياليت اختي تساعديني بالوان الصبغ لاني انا اقترحت اللون الاصفر الفاتح
لو انا غلط ياليت تعطيني الوان مناسبه للحائط
وجزاك الله خير وان شاءالله لك مني الدعاءبالتوفيق
ويارب يكون كل شي مفهوم وقدرت اوصل الي ابيه
تحيتي
نور@القلوب
الروابط المفضلة