ملف شامل لاشهر الطبخات العراقيه ....يم يم { ملف متجدد }

[dudi]

janooon

مشكورة حبيبتي على مشاعرك الجميلة ودعواتك الثمينة وانا محتاجتها جدا هذه الفترة وان شاء الله نرجع لبلنا من يتحرر ونلتقي هناك مثل لماتنا القديمة امييين
وحبيبتي اضيفي اكلاتك للملف حتى لو تكون مكررة بعض الاحيان تكون المقادير غير والبهارات غير ومشكورة مقدما اما كريمة الخفق السائلة هي كريمة طبخ تباع في السوبر ماركت


شوق بغداد
حبيبتي الغالية مشكورة على سؤالك دوما مشتاقة لك وانا صارلي فترة مداخلة بسبب الظروف دامر بفترة كابة
وان شاء الله اكتب لك طريقة الحلاوة بس ادللي ومشكورة على مرورك حبيبتي



ريحة هلي
حبيبتي انت خفيفة على قلبنا واهلا وسهلا بيج بيناتنا بين خواتج
مشكورة على المرور

[dudi]

حلاوة الطحين الاصلية العراقية

المقادير:
3 كوب طحين اسمر (نمرة 2)
كوب زبد او سمنة
هيل مطحون
الشيرة (القطر)
كوب ونصف سكر+ 3 اكواب ماء + زعفران و ماء ورد + هيل مطحون حسب الرغبة ورشة ليمون باودر
للتزيين انصاف لوز مقلية بالسمنة

الطريقه:
نقوم بعمل القطر بالطريقة المعروفة (تذويب السكر على نار هادئة ومن ثم اضافة بقية المواد) الى ان تتماسك قليلا وتترك جانبا الى ان تبرد.
نذوب الزبدة او السمنة على النار (الكمية حسب الرغبة ) في قدر لايلتصق ونقلب حبات اللوز الى ان تتحمص ومن ثم نرفع الحبات جانبا للتزيين ومن ثم يضاف الى السمنة التي قمت بتحميص حبات اللوز بها الطحين الاسمر على دفعات مع التحريك المستمر بالملعقة الخشبية على نار هادئة جدا حتى يتحمر مع اضافة الهيل المطحون والى ان (تتعب يديك )وتفوح الرائحة اللذيذة والتي تذكرك بالعصرية وكعدات الشاي في العراق (بس خذي حذرك لاتفكرين كثير وتنحرق الحلاوة في ايديك الحلوة
نرفع القدر عن النار بعد ان تحمر الطحين ووصل الى اللون المحبب لديك نبدا بأضافة القطر المعمول سابقا (البارد)
ويحبذ ان يساعدك احدهم لأضافة القطر لانك ستقومين بمهمة الخلط (انا استخدم الخفاقة السلكية اليدوية لكي لايتكتل الطحين عند اضافة القطر) .
وبعد ان يكتمل القطر المضاف او الى ان تشاهدي ان الحلاوة بدات تتماسك ترفع من جديد على نار متوسطة وتحرك لدقائق حتى تتماسك جيدا .
ومن ثم توضع في صينية او صحن مستوي ويساوى وجهها بظهر الملعقة الخشبية وبعد ان تبرد تزين بحبات اللوز .

[ريحة هلي]

السلام عليكم
شلونكم عزيزاتي ان شاء الله تكونون بالف خير وعافيه.
عزيزتي الاخت دودي , بصراحه ما اعرف شكول غير بس الله يبارك بيج وبعائلتج والله يرفع عنكم كل هم وغم.لانه عزيزتي متخيلين شكد فادتني وصفاتج اللي تخبل خصوصا وانه اني كلشي ما اعرف اطبخ وبعيده عن امي واهلي , وبالصدفه فتحت هذا الموقع في رمضان وشفت ملفج الحلو وظليت ادعيلج كلما اسوي فد اكله وتطلع طيبه.فقبلاتي الج وتحياتي.
وادعو من الله القدير انه نرجع كلنا لبلدنا سالمين وغانمين ونتشاوف هناك ان شاء الله
بالمناسبه, اكو وحده من الخوات هنا ساكنه في بريطانيا ؟؟
تحياتي للكل.

[شوق بغداد]

هالو حبيبتي دودي شلونج عيني ام ليث الله يبعد عنج الكابة وتتحسن ظروفج والله ترى احنا كلنا دنمر بهالحالة من ورا اللي ييصير بالعراق وخوفنا على اهالينا بس شنسوي بعد الله كريم ان شاء الله تفرج علينا والله يبرد قلوبنا امين حبيبتي اني اشكرج هواية على حلاوة الطحين جربتها كلش تخبل بس ترى فعلا رادت تحترق لمن خليتيني افكر بايام العراق وقعدات العصاري الله ينطيج العافية ويفرح قلبج ويارب ينلم شملنا احنا واهالينا عن قريب ان شاء الله ولا تخلين الملف يروح بعيد دايما خليه بالصفحة الاولى والله يوفقج

[دوم مشغولة]

انا ابغي الرز الاخضر اللي فيه الشبت والباقلا وينه في اي صفحة ؟؟

[قلب العشاق]

ممكن طريقة الكبسة العراقيه - كباب عراقي -ومشاوي تكون مجربة ومضمونه

[فاطمـــــة]

تسلم الاياااااااااااااااااااادي

[dudi]

ريحة هلي
مشكورة حبيبتي على مرورك وكلامك الجميل اللي يبرد الكلب



شوق بغداد
حبيبة كلبي مشكورة على دعواتك والله يجمعنا كلنا بالخير ان شاء الله في اقرب وقت وترجع لماتنا مثل كبل امييييين ويتحرر العراق ويرجع لاهلة



دوم مشغولة
ان شاء الله اوافيج بالطبخة في اقرب وقت لانه هسة مشغولة



قلب العشاق

ان شاء الله قريبا


بطة
مشكورة على المرور

[sunshine71]

http://forum.hawaaworld.com/showthread.php?t=830593


الدولمة العراقية الذيذة
شلونكم عينى واللة مشتاقة للعراق وكركوك بلاخص

[sunshine71]

البريانى العراقي لخاطر عيون كل العرقيين


http://forum.hawaaworld.com/showthread.php?t=618917