* دورة كاملة في التربية وطرق التعامل مع الطفل 5 أسابيع *

[a&a]

اليوم الثالث من الاسبوع الثالث
اليوم جلست مع اولادي وقلت لهم قصه..وبعد ماخلصت قال ولدي انا باقول قصه قلت يالله
فقام يحكي حكايه عمري ما سمعتها
(كان فيه ثعبان وصرصور وسلحفاه...دخلو في جحر في البر...وجتهم حيه تزوجها الثعبان ...بعدين جات صرصوره مؤمنه..والصرصور الاول كافر فما يصلح يتزوجون...بعدين الحيه صارت شريره وتحولت إلى (سوسييغ-بالفرنسي-) قلتله وش هذي ؟قال :يعني ساحره بالعربي..بعدين سحرت زوجها الثعبان وصار ارنب وينطط وراح تسابق مع السلحفاه...وبعدين السلحفاه انكسر ظهرها وصارت عريانه وانسحبت من السباق...بعدين الساحره حولت الارنب لصرصور طيب وتزوج الصرصوره المؤمنه وبعدين الساحره صارت طيبه ورجعت للسلحفاه ظهرها المكسور...ورجعت هي حيه طيبه...وتوته توته انتهت الحتوته)
والله اني كذا صار فيني...تعجبت من اسلوبه في القصه
بعدين اخته اخذت الدور...وقالت قصه بس عاديه بس مدحتهم كلهم وشجعتهم...وقلتلهم : مشاء الله اثاريكم تعرفون تقولون قصص وانا ما ادري...لازم كل يوم تحكون لي حكايه(والله يعيني على الانصات)

[متفائلة في زمن اليأس]

بارك الله فيك أختي الحبيبة بدر على النصيحة الثمينة ..ومبروووووووك على زوجك التخرج .

أنا إنتهيت من الأسبوع الرابع ..أنا الآن في الأسبوع الأخير ..لم أقم بالإبعاد حتى الآن ..ولكنني كنت أهدده به ..وإضطريت أنني أطبقه في الأسبوع الرابع لمرة واحدة فقط .

إيمان أتمنى لك وقتا طيبا مع الأهل ...

[إيمان علي]

أختي أميرة، من بداية اللعب قومي بالكلام مع أطفالك أن الفائز والخسران سواء في اللعب، لأنه فقط لقضاء وقت جميل، وكافئي الاثنين حتى يشعرا بالمساواة فلا يغضب الآخر إن خسر.
أم مودي بخير


ما شاء الله أم عبدالله، جميل.. فعلاً ما فعلته يعزز ثقة الطفل بنفسه ويجعله يفكر قبل أن يقدم وهذا لنفسه وليس حتى يرضيك
وشكلهم خلص أولادك تعلموا أنك تلعبي معهم كل يوم بما أنهم بيسألوا وإن شاء الله هذا دافع لك حتى ما تتكاسلي أبداً
أم عبدالله، ضحكتني قصة ابنك بشكل هههههههههههههههه

الحمد لله يا سراب، بما أنك لم تحتاجي إلى الكرسي معناه أنهم عم يتصرفوا أولادك مثل ما بتحبي
وإن شاء الله لما أعود إلى بيتي أصدر باقي الشهادات





أشكرك متفائلة

[فلسطينية]

السلام عليكم
كيفكم ان شاء الله تكونوا جميعا بالف خير
ايمان كيفك اشتقتلك كتير
واسفة جدا لنقطاعي وزعلانة كتير بنفس الوقت لانه النت عندي مفصول
بس يرجع راح ارجع الكم من اول وجديد ان شاء الله
ما نسيت اي شي من الدورة ولا زلت مستمرة فيها رغم اني ما بعرف ايش في الاسابيع الباقية
انا دخلت اليوم من عند وحدة صاحبتي علشان اعتذر منكم
واحكيلكم اني مشتاقة الكم كتييييييييييييير
خالص تحياتي للجميع

[a&a]

السلام عليكم
يالله صار لي اربعه ايام ما كتبت
بس كنت مضغوووووطه اليومين اللي راحو وقلت بدل ما اجلس عالنت ساعه اجلس مع اولادي عشر دقائق...
ماني كاتبه الايام اللي فاتت...لانها يبغالها وقت..لكن لا تخافو ما ضيعت ولا يوم ...وإن فكرت اضيع اللي عندي مايفوتوها ...صارويطالبو بحقوقهم اليوميه
امس كان عندي ضيوف..وكنت جالسه اسوي حلى ..وتدخلت الأيدي العامله(اولادي) وكل واحد يقول باسوي..قلت خلاص انا راح اغمس الكيك في الحليب(لانها صعبه عليهم) وعبدالله يغمسه في جوز الهند...وعهد تصفهم بالصحن...والحمدلله كل واحد اخذ دوره بانتظام
بس صعبه اني ما اوجه...لكن حاولت اني اوجه بس بطريقه ثانيه..مثلا تخربت الكيكه على ولدي وهو يغمسها..اقله معليش انا عارفه انك ما تقصد..حاول مره ثانيه راح تزبط إن شاء الله
والبنت كنت امدح طريقتها في صف الحلى في الصحن..
والحمدلله انبسطنا وحسيتهم يحاولو يزبطو شغلهم باتقان

[a&a]

فيه ملاحظات حبيت اضيفها قبل لا اتعود عليها وانساها بعدين
لاحظت هذي الدوره...اثرت على اولادي كثييييير..بالأخص عبدالله
بنتي ماشاء الله عليها شخصيتها انا راضيه عنها...لكن الولد عندي شخصيته اضعف من اخته ومتردد شويه...ويعني ماعنده ثقه بنفسه كثير ..لكن الحين حاسته احسن ولله الحمد...
مثلا وهو يحل الرياضيات جلست اقله ماشاء الله شكلك عبقرينو..بسرعه تعرف الجواب
صار اي شي يسويه او يحفظه...يجي يقول شفتي كيف انا عبقرينو
والبنت عندها هواية الرسم ماشاء الله...صارت تجيب الرسمه تقول شفتي ياماما كيف انا فنانه..شكلي باطلع رسامه...او تقول شوفي الواني كيف حلوه ومتناسبه...نفس الكلام اللي اقوله
والشئ اللي امدحه ...احسهم يركزون عليه في المرات اللي بعدها
من تجاربي مع ولدي
الاسبوع الماضي كان يوم الجمعه اخر يوم بالنسبه للمدرسه الكنديه...وعنده السبت مدرسه عربيه
وكان عندي فراغ لمدة ساعه وبعدها كنت راح انشغل...ناديت ولدي اذاكرله رفض وقال يبغى يلعب برا مع الاولاد لانه جالس يسمع اصواتهم ...قلتله ذاكر واطلع ...واصر والح..المهم قلت له : طيب اطلع وانا بعد كذا ماراح اذاكر لك لأني الحين بس فاضيه..وروح بكره بدون ما تحل الواجبات و الاستاذه راح تخاصمك...وانت مسؤل عن نفسك وبكيفك(هو مذاكر بس صار له اسبوع يعني يبغاله مراجعه)
في الصباح قبل لا يروح المدرسه فتحت النوته...لقيت في املاء وفيه حفظ ايات وفيه اشياء متلتله...(طبعا ماعطاني قلبي) ورحت مليته بسرعه والباقي طنشته...بس الحمدلله كان حافظ
المهم اليوم اللي بعده كان ويك اند فصحيت الصباح ولقيت كتبه على الارض ما قلت شئ
واليوم اللي بعده صحيت وجاء يقول لي: ياماما انا خلصت واجبات العربيه!!!
انا قلتله ممتاز...بس ما توقعت انه يعني اتمها كلها
امس جيت اراجعله...الا ماشاء الله حافظ وحال الواجب...ومدحته وحظنته وبوست فيه...وقلت ماشاء الله ماصدق ولدي صار يعتمد على نفسه ويحل الواجب بدون ما اقله ..شفت كيف الحين مرتاح وماعندك واجبات...الحين تقدر تلعب برا الىىىىىى المغرب
يا كثر هرجي...بس انا فرحانه بالتغيرات وحبيت اعطيكم تجاربي...وسلامتكم

[a&a]

اليوم الاول من الاسبوع الرابع(امس)
امس جلسنا نلعب بتركيبات..هي مو زي المكعبات العاديه ...لا...هي عباره عن مثلثات ومربعات ويسوي الواحد فيها اشكال...وتعالي شوفي اولادي كيف قامو يتخيلون..مثلا سوا عبدالله شكل وقلت : ايش يشبه هذا الشكل؟ -تقريبا خماسي وفوقه مربعين-
عهد : هذا حيوان المربعين الصغار رجلينه والمربع الكبيرجسمه والزاويه الي في المربع فمه
عبدالله: لا هذي سياره المربعين كفارات واللي فوق الجسم
انا: تخيلته وجه حيوان والمربعين الصغار اذانهم
فسبحان الله اعجبني مره خيالهم وجلست اقلهم ماشاء الله كيف تتخيلون كذا...وتعالي شوفي الابداعات بعدهالكلام
والسلام

[إيمان علي]

وعليكم السلام فلسطينية.. الحمد لله أنك بخير، هذا أهم شيء، ونحن أيضاً اشتقنا إليك، وإن شاء الله تتحسن حالة النت لديك وتعودي إلينا بالأخبار



ما شاء الله يا أم عبدالله، والله وأنا أيضاً أسعدتني التغيرات على ابنك الله يحميه ويزيده ثقة وهمة

[إيمان علي]

يا أخواتي، مين خلصت الدورة كلها وما عملت لها شهادة.. معلش جاي من السفر مش شايفة شي

[سراب الليل]

الحمد لله على السلامة امونة كيفك وكيف الاهل ما طولتي مو كانها زيارتك قصيرة شوي















انا تخرجت يا ابلا بس ما عطيتيني شهادة