بيت حرائر ونصر الشام يااااارب عن قريب حياكم اتفضلوا 188

[دينه]

اليوم كنت عبفكر بهالشغله وانتي الله يعينك كتره وبنتين وشغل بيت الله يقويكي
كنت عبفكر ليه بنضل بنفكر شو بدنا ناكل ونطبخ كل يوم والله شي بملل خخخخخخخخ
وهاتي ياجلي حتى لو الطبخه سهله شي بمللللللللل انا بضم صوتي لصوتك خخخخخخخخخخ
ماتعملي شيشبرك بده شغل للكتره وبده جمبه شي الا اذا حماتك ساعدتك فيه
اعملي اكلات الفرن اسهل شي اليوم قلي عامله خلطه رهيبه خخخخخخخخ اول بعمله بهي الخضار والطريقه حبوه كتير صحه وهنا

[لالي الحلوة]

مساء الخير

اية الحمدلله على سلامتكن ياقلبي والله يبهدل اللي كان السبب بهالشنططة من مكان لمكان

كيفكن يابنات ام ماهر ماعم تدخل ؟؟
خايفة عليها وعالبنات من الروايح

يالله مبارح 400قتيل الله يهد قواه يارب

اليوم عاملة اسكالوب دجاج وبطاطا وبيتنجان مقلي مع صلطة وحمض وتوم نعمة كريم الحمدلله

[دينه]

اهلين لالي كيفك وكيف الوحام
من يومين دخلت او 3 نسيت
الله يطمنا عليها شي بخوف الله يههههههههههههده
كيف طريقتك بالسكالوب صحه وهناا بحبه انا

[لالي الحلوة]

على قلبك يارب

ان شاء الله تدخل اليوم لنطمن عليها وعالبنات

باخد فيليه دجاج للحام وبخليه يدقهن مزبوط وبغسلهن وبتبلهن بحط بالخلاط بندورة وفليفلة خضرا وفليفلة حدة وتوم وبصل ومعلقة زيت مازولا وفليفلة حمرا مطحونة وبهارات وملح وفلفل
طبعا من الليل بيكون اطيب بكتير ازا تبلتيه وتاني يوم بغمسو بالطحين والبيض والبقسماط وبقليه كتييييير طيب

[دينه]

تسلم ايدك جديده عليه شغلة الفليلفله والبندوره ان شاءالله بعمله ومعك حق التتبيلات من الليل اطيب
انا بدقه على ايدي كتير سهل بس بين كيسين نايلون حطيهم وبهي متل المطرقه ههههه خاصه باللحوم والدجاج
كنت بدي اعمل اكلة حلو بعدين بطلت

[حفيدة النبي]

كيفكم صبايا اشتقتلكم

[حفيدة النبي]

شهيتوني السكالوب هههههههه
انا كمان بدقو بالبيت وبتبلو بس من غير بندورة اليوم عملت كبة رهيبة اشتهيتكم والله

[ياسمين شامي]

مسا الخير يا بنات
من نص ساعة تقريبا بدينا السنة الجديدة

شو اخباركم
و الله يا دينة اشتغلت بهالاكل متل الشطار ههههه
و ساعتدتني حماتي
ما عملت شي معه ,, بس تبولة ,,

...
كتير بحب السكالوب لازم جربه ولا مرة عملته ,, صحتين لالي ,,
بلش الوحام او لسا,,,,

[دينه]

سلام لاحلى سوريات باحلى بيت سوري
ولاحلى العربيات اللي بنوروا البيت
ان شاءالله هالسنه تكون سنه حلوه عالكل
ونقدر ننسى السنه الماضيه ومانتذكر الا احلى ايام مع بعضنا ومع الاحبه

[دينه]

حفيده طلعت ريحة الكبه ممممممم ههههههههه مية صحه وهنا على قلبكم تشتهيكي العافيه
كتير مشتهيتها بس لابخاطر ولابجربها مابعرف ليه
ياسمينو يخليلي الشطار انا مااحلاهم ههههههه صحه وهنا
شي بحير مبارح زاد عندي فيليه سمك وخضار عملت معه بسطرما وحطيت عليها حمض وتوم
اليوم ان شاءالله بدي اعمل مفركة الكوسا وسلطه