اخطائي مع طفلي الاول وتصحيحها مع طفلي الثانيツ】شعار مشاركة قيمة 【ツ

[angel7575]

حلو كتير الموضوع انا لسة رح اسير ام بس استفدت من مشاركاتكم كتير يسلمووووو

[om belal]

انا من اخطائي مع بلال النظام الزياده عن اللزوم بمعني ان لازم ينام في سريره و كده طبعا حتستغربه بس ولله النظام حلو اوي طبعا و مرييح كدا في البيت اما لما بسافر او اروح اي حته وبلال يكون عايز ينام مثلا ولله بتبهدل لان استحاله يرضي ينام في اي حته غيييييييييير في السرير بتاعه فقط ف ان شاء الله نويه مع البابس انس اعوده ان هو ينام في اي حته ان شاء الله ده الانا فكراه حاليا و كل مفتكر حاجه ان شاء الله حدخل اكتبها
موضوع حلو اويييييييييييي ربنا يجزيكي كل خير و يجعله في ميزان حسناتك ان شاء الله

[ام توتة 2008]

ام بلال
انا برضه خطئى شبههك
بس مش فى النوم
المشكلة فى الاكل
انا زودتها اوووى
لازم تاكل خضار ومتاكلش حاجة فيها سكريات
عشان متتعودش ع الطعم الحلو وترفض الخضار
ومش بديها اى حاجة من برة
ومنتجات الالبان كلها لما تكمل سنة
والنتيجة
انها مش بترضى تاكل اى حاجة حلوة
ومش بترضى تاكل الحاجات المعمولة باللبن
ولا تاكل حاجة برة
هتقولولى ده حلو
بس برضه معاناه
يعنى مش قابله الالبان خااااااااالص
ومهما حاولت اديها كاسترد مهلبية الحاجات دى
مفيش
وطبعا لما بديها لبن ابو شكولاته ده كانى بديها خل
ويوم الاجازة ده يا اما اخرج شايله معايا علبه مكرونة
وعلبه خيار
ونفرش بقى برة عشان اكلها ههههههه
يا اما متاكلش طووووول اليوم وده اللى غالبا بيحصل
مترضاش تاخد اى حاجة معمولة برة
ومبتاخدش اى البان غير الجبنة النستو لانها مالحة طبعا


التصحيح بقى اذا ربنا رزقنى ان شاءالله بيبى تانى
هوازن فى الاكل من الاول
يعنى وجبة حلو
مع وجبة حادق
ومفيش مانع لو حبة كاسترد
وهديله اكل من برة على الاقل يكون عنده مناعه
توتة لو جاعت جداا واضطرت تاكل من برة يوم الاجازة
لااااااااازم ترجع كل اللى كلته وتبهدل الدنيا

[ام سيف2007]

السلام عليكم ورحمة الله وبركاته

حبيبتي ام سيف موضوعك وزنه ذهب وان شاء الله كل امهات لك يستفيدوا منه ويكون صدقة جارية لك (:

طبعا في اخطاء كثيرة تجنبتها مع ابني التاني بس في اخطاء جديدة دائما خخخخخ


انا كنت اهرس طعام انوسي كثير حتى تعود على كل شيء ناعم وغلبني لحتى تقبل ياكل اكلنا العادي شفتي الدلع

مع ويسو قلت مستحيا اكرر نفس الغلط

هذا الي تذكرته الان وان شاء الله اعود مرة تانية


الله يخليلك سيف وعمر يجعلهم ذرية طيبة

حبيبتي ام انس واسيل شكرا يا عسل على تشجيعك
فعلا سمعت ان الموضوع ده (الاكل المهروس لفترة طويلة)يعمل صعوبة عي البلع
ربنا يبارك لك في اولادك وطبعا مفيش حد ما بيخطاش المهم عدم تكرار الخطأ
في انتظار عودتك حبيبتي

[ام سيف2007]

يا سبحان الله
شوفى الدنيا صغيرة ازاى هههه
ان اداخلة اقرا خبراتك
لقيتك بتتكلمى عنى
هههههه
ربنا يهدي لك ابنك
موضوع قيم ربنا يجعله فى ميزان حسناتك

انا لسه مش عندى بيبى تانى
بس فى اخطاء كتير مش ناوية اكررها ان شاء الله
هرجع لك تانى

ام توتة يا عسل نورتي الموضوع والله
شوفتي نصايحك مهمة ازاي
ربنا يبارك لك في توتة وتجيبي لها اخ بسرعة بقى
مستنياك حبيبتي

[ام سيف2007]

الخطأ الخامس

عندما تم ابني سيف سنة و5 شهور قررت تعليمه علي البوتي

وطبعا امي ربنا يبارك فيها كانت بتقول اني كده اتاخرت جدا وبالفعل بدات معاه

اول يوم عمل 17 مرة على نفسه ومرتين في البوتي

تاني يوم 20 مرة على نفسه و5 في البوتي

والله يا اخوات الارقام دي مش تقريبية دي حقيقية لاني كنت اعد البنطلونات قبل ما اغسلها لان انا ابني بيشرب كمية مياه كبيرة جدا لدرجة شكينا ان عنده السكر لكن الحمد لله طلع سليم الحمد لله

طبعا ياست بعد 4 ايام ولبسته البامبرز مرة تانية لكن كل يوم كنت اخليه يستخدم البوتي اول ما يصحى واحيانا يطلب يعقد عليها كانها لعبة وكان هدفي انه مينساش الموضوع

عندما تم سنة و11 شهر و15 يوم بدات تدريبة مرة اخرى والحمد لله

اول يوم عمل مرتين فقط على نفسه والباقي في البوتي

تاني يوم مرة واحدة فقط على نفسه

تالت يوم لم يعمل على نفسه ولا مرة الحمد لله

ومن يومها منتظم الحمد لله وكنت اشج

عه بلصق نجوم بتلمع وتنور وكان بينبسط بيها اوي ويدخل يعمل حمام حتى لو مش عاوز عشان يلزقها على حائط الغرفة

طريقة تفادي هذا الخطأ مع ابني عمر

قررت اني اعوده تماما على سن السنتين لانه الوقت اللي بيكون بدا يفهم فيه

لكن من عمر سنة و6 شهور ان شاء الله هبدأ افهمه ازاى يقعد على البوتي عشان ما يرفضش يقعد عليها لما يتم سنتين

وممكن اخليه يعمل فيها كل يوم الصبح لان الطفل مثل الكبار اول ما يصحى بعمل بي بي الله يكرمكم

[ام توتة 2008]

ام سيف انا بدات امبارح اعود توتة ع البوتى
هى سنة وخمس شهور
رايك
الم الدور ولا ايه
انا ما صدقت اخد الخطوة دى
بس انا مش هشيلها البامبرز
بس تتعود ع القعدة مش اكتر

[om belal]

ام توته شوفي سبحان الله كل ما انوي اني اجرب مع بلال ولاون انا اصلا مقتنعه ان مش قبل السنتيين بس كل شويه اقول حجرب اقرا حاجه ان احسن حاجه بعد السنتيين انا حستخيير الصراحه بس شكلي مش حجرب ولا اعود غيير بعد ما يكمل سنتيين ان شاء الله اصلا انا مستصعبه جدا جدا الموضوع ده و شيله همه اويييييييييي

[ام سيف2007]

حلو كتير الموضوع انا لسة رح اسير ام بس استفدت من مشاركاتكم كتير يسلمووووو

انتي الاحلى حبيبتي
فرحت جدا انك استفدت
ربنا يرزقك الذرية الصالحة

[ام سيف2007]

انا من اخطائي مع بلال النظام الزياده عن اللزوم بمعني ان لازم ينام في سريره و كده طبعا حتستغربه بس ولله النظام حلو اوي طبعا و مرييح كدا في البيت اما لما بسافر او اروح اي حته وبلال يكون عايز ينام مثلا ولله بتبهدل لان استحاله يرضي ينام في اي حته غيييييييييير في السرير بتاعه فقط ف ان شاء الله نويه مع البابس انس اعوده ان هو ينام في اي حته ان شاء الله ده الانا فكراه حاليا و كل مفتكر حاجه ان شاء الله حدخل اكتبها
موضوع حلو اويييييييييييي ربنا يجزيكي كل خير و يجعله في ميزان حسناتك ان شاء الله

اهلاااااااااااااااااااااا ام بلال حبيبتي
فعلا الطفل لما يتعود على شئ صعب يغيره
والله عمر كان زي بلال كده والحمد لله لحقته بدري وعودته ينام في اي مكان صحيح نومه بيكون مستقر اكثر في سريره بس احيانا الواحد بيضطر
لاني سافرت بيه عمرة وهو عنده 5 شهور كنت احط كرسيين فوتيه قدام بعض كانهم سرير وانيمه عليهم عشان ما يتعودش ينام جنبي
برافو عليك انك اتعلمتي كمان ان شاء الله البابي الجاي عوديه ينام في الاصوات عشان مايتعبكيش
ردك نورني واسعدني جدا يا عسل
بوسيلي بلال كتير