الحقوني .. النمل يغزو بيتي .. مالحل ؟؟

[Dr Sophy]

السلام عليكم

النمل عزيزتى يجلبه الحلو
و يبعده المالح

عليك بوضع الملح و النظافه دوريا

[أم الغاليه]

مالك إلا الكركم

[أم الغاليه]

الكركم الكركم طريقة مؤكده جربيها وراح تدعي لي والله عن تجربه ..

[غرووور طفله]

وانا مثلك تعبت من النمل دوم امسح الأرضيه وانظف ومن اخلص ألقاه يتمشى

راح اجرب الفلفل الأسود

لكن حتى في الحمام وانتو بكرامه القاه كيف اتخلص منه ما اعرف

ففكرت ان اجيب شركة مبيدات

[غرووور طفله]

وربي يالغلا وانتي ماحلفتيني اني مجربه الفلفل الاسود المطحووووووون وانه وحده بوحده الحمدلله خف بكثير لكن لاتنسين تسمين لاحطيتيه ,,,,

كيف احط الفلفل الأسود المطحون مافهمت وين احطه ؟

[ام احمدواريج]

الله يعينك وتتخلصى من النمل
انا استعملت بف باف والله حلو
بس رشيتة بجوار الحوائط على الارض وفى الاماكن الا وجدت النمل يسير فيها
واستمريت 3 ايام وراء بعض فوجدت نتيجة حلوة

[رودي لنس]

حبيبتي يقولون انا سمعت ان عشان النمل من جنود اللهة تكلمينهم وتحذرينهم تقولين اخرج من بيتي ثلاث مرات وكل مرة الين يخرج والله يعينك ويفكك منهم ...
سبحان الله وبحمده سبحان الله الغظيم

[امسمسه]

اقراي اية النمل ورش البيت بماء زمزم دائما بااستمرار ومع الزمن يروح ممكن تكون عين والله يعينك عليه انا عن تجربه بقولك

[الورد الاحمرر]

كلنا نعاني من الصراصير والنمل في البيت ودفعتي فلوس وايد حتى تتخلصين من منهم وانا وحده منكم كل 6 اشهر زوجي يجيب شركة ترش البيت وتدفعين مبلغ من 500 واكثر حسب حجم البيت والشركه ومرات بعد شهر او شهرين لابد انه يطلع ليكي صرصور يجيري في المطبخ او في الصاله وخاصه الصغار وشوفي القهر الي يطلع فيكي وتجبين البف باف وترشين وحالتك حاله وبعد تطلع ليكي مشكله اذا عندك اطفال وعندهم الصدر والله المستعان بس بهذا المنتج الي اكثر من رائع بتنتهين من هذه المشكال ولفتره طويله ولاريحة ولاشئ وعن تجربه شخصيه انا شفت هذا المنتج عند اهلي وسالت زوجة اخوي عنه فقالت لي انه روعه ومجربته على الصراصير وعلى السماسيم في البيت (والسمسايم الي مايعرف عنها هي النمل الكبير الي لونه اسود ويوم يقرص الله لايرويكي الالم ) وعاد انا من النوع الي اكره الصراصير وبعد اخاف على عيالي وخاصه ولد الصغير من النمل وبصراحة ماصدقت زوجة اخوي يوم خبرتني عن مفعوله لاني كل مانزلت السوق وحصلت منتج اشتريه واجربه وللاسف ماينفع معايا وخاصه لشقتي الي عند اهل زوجي الي احصل فيها كل مره نوع من الصراصير وخاصه ان شقتي في الديره اهل زوجي كل الي حولينها جبال فلازم تطلع هذه الاشياء المهم اخذت هذا المنتج ونزلت برعا بيت اهلي عندهم في الحديقة نمل الي يكون سريع مره ( النمل المجنون)وجبت من هذا المنتج وحطيت منه على بيت النمل وعلى المسار الي يسير فيه النمل وكان بن مره كثيف واول ماتكونيين بجنبه على طول يلزق فيكي هذا النوع من النمل بعد ساعه رجعت وماشاءالله حصلته خف عن قبل رجعت اليوم الثاني وتفاجاة بكومت النمل الميت والمكان الي يتجمع فيه النمل عند بيتهم لونه اسود فعجبني بصراحة فقلت لازم اوفر منه واعرضه للي يعانون من هذا المشكله وخاصه وقت الصيف تتكاثر هذه الاشياء....المهم بعد ماعرضت ليكم تجربتي مع هذا الجل السحري بكتب ليكم نبذه عنه في السطور التاليه .....

الوصف:-

جل بتركيبه جديده سهله الاستعمال فعال جدا غير سام وامن على البشر يقضي على الحشرات الزاحفه وخاصه الصراصير والنمل الصغير داخل المنازل.

طريقة الاستخدام :-
1-اخرج المكبس والاسطوانه المعبئة بالجل.
2-ادخل المكبس المرفق داخل الاسطوانه.
3-افتح سدادة الاسطوانه واضغط ببطئ من الخلف.

اماكن الاستخدام :-
يستخدم في كافة الاماكن دون استثناء.
للصراصير:-ضع 2 نقطه في معظم الزوايا واماكن اختباء الصراصير ضع اكثر في المناطق الحساسة كالمطابخ والحمامات وقرب سلة المهملات وداخل خزائن المطبخ خلف غاز الطبخ والتمديدات الصحية.

للنمل:- ضع نقطة لكل متر مربع في اماكن مرور النمل.

[ســومــا]

أول شي أختي لازم تحذرين النمل وتنذرينهم 3 أيام قبل الإقدام على أي خطوة
بصوت عالي ومسموع وكأنك تكلمين أحد هدديهم إن أذا ماطلعوا خلال 3 أيام إنك راح تسممينهم وأثناء ذلك قربي منهم و انفخي عليهم
وكل مامريتي من جنبهم تعوذي بالله منهم وإطلبي من الله ووكليه أن يكفيكي شرهم بحولة وقوتة

فرغي المطبخ من الأكل تماما والأدوات يعني عزلي المطبخ وحطي اغراضك بكراتين وإغلقيها كويس وإنقليها مكان ثاني بعيد عن المطبخ أو برى البيت عند أهلك مثلا
نظفي المطبخ بالكلوركس وامسحي الطاولات والدواليب من جوى وبرى

إقرأي سورة البقرة كل ليلة لأن إحتمال كبير يكون صايبكم حسد أو عين وهذا سبب من أسباب تواجد النمل في البيت وحافظوا على أذكار الصباح والمساء والرقية الشرعية

ضعي ورق جرايد داخل دواليب المطبخ وانثري عليها بف باف لون العلبة أحمر فعال جداً على النمل جربتة قبل شهر كان النمل منتشر عندي والحمد لله إختفى لكن عليكي كل 3 أيام تغيري البودرة

حاولي توصلين للأماكن صعبة الوصول في المطبخ لعلك تجدين الجحر اللي يطلع منة وإنذريهم إنك راح تغلقينة بعد 3 ايام وبعدها حطي على الجحر بف باف إغلقية بالجبس

بالنسبة للكمون والفلفل الأسود والخل كلهم جربتهم ولا نفع معاي أي شي غير البف باف
إذا مانفع لازم تستخدمي مبيد خاص بالنمل من مكان متخصص لمحاربة الحشرات وعادة تكون أسعارها غاليه لكن عليكي بتجربتها

وإذا مانفع كل ذلك ماعندك غير تجيبي شركة مكافحة الحشرات وهما راح يساعدوكم

وخبرينا اش يصير معاكي