احلي مشرفه رواد
باذن الله رح نطبق القوانين ونعجبوك
اسعدني مرورك جدا
وربي يشفيلك اوخيك وتفرحو بي شفاءه عاجلا غير اجل
للبحث في شبكة لكِ النسائية:
|
احلي مشرفه رواد
باذن الله رح نطبق القوانين ونعجبوك
اسعدني مرورك جدا
وربي يشفيلك اوخيك وتفرحو بي شفاءه عاجلا غير اجل
آخر مرة عدل بواسطة ابريكه : 01-10-2009 في 10:42 PM
[/CENTER]
احلي فرفوره عارفه بو رديم زيه مايش صلصه
واني كتبتلك الليمون لانك قلتي اللحم عندكم يطول ما يطيب فاقترحت عليك الليمون
وانتي ما رح تكثريه لين يطلعلك حامض
جربيه ومارح تندمي ومارح تخلينه
وعلي فكره
اني مرات نكثر في الميه هلبه وفيها كل البهارات امتاعه
ونخليها تغلي لين نحس اللحم دار طعمه في الميه خلاص
ناخذها ونخلي للحم شوي
والمرقه اللي خذيتها ندير بيها الرز يطلع ما نحكيلك
واي استفسار ادللي
ما يشدك غير لسانك
[/CENTER]
الله يعطيكى الصحه والعافيه
تسلم الايادى
تفضلي حبيبتي اي استفسار احنا حاضرين
[/CENTER]
هذه طريقه المبطن بالفرن تطبيق للغاليه كيتي في رمضان
بالنسبة للمبطن ... تكون كيمته طايبة و مدايرة دبايرك كلها فيه اللي انتي تبيها و تجي للبطاطا و قصيها بالشكل اللي تبيه و احشيها و سكريها كويس و بعدها لغمس المبطنة في البيض و حطي الجهة اللي باين منها الحشو في الخبزة المرحية .... يعني ما تحطيش المبطنة كلها في الخبزة .... جهة الحشو بس
و تاخدي نص طاسة الشاهي تعبيها زيت و لو طاجينك كبير زيديها شوية المهم مش هلبة و ادهني الطاجين بالزيت اللي صبتيه و ستفي فيه المبطن
و افتحي الكوشة من لوطة بس و خليها على نار متوسطة و خليها تحمى كويس و حطي الطاجين و خليه لين تسمعي البطاطا بدت تشكشك ... مرة مرة شوفيها من لوطه لين توصل التحمير اللي تبيه و لما تتحمر كويس من لوطة ... اقلبي المبطنات باش يتحمرو من الجهة الثانية بنفس الطريقة و بعد ما يطيب يا اما ستفيه و قدميه و الا ديريله الصلصة متاعه و قدميه
و بالهنا ان شاء الله
[/CENTER]
هذه الشباكيه للغاليه شااااااااااااااانتيل
بالنسبة لمقادير الشباكية الجزائرية
كوب زبدة
ملعقة كبيرة سكر عادي
ملعقة صغيرووووووون خميرة بيرة ما تكتريش
كوب ماء دافي + ملعقة كبيرة ماء زهر (امس مش متوفر الزهر فتم استبدالهم بكوب عطر ومشى الحال)
بيضتين
رشة ملح
ملعقة كبيرة خل
وللتزيين جلجلان او لوز حسب الرغبة بس الوصفة الاصلية جلجلان
والطريقة
بعد ما تعجني العجينة وترتاح ربع ساعة تفتحيها رقيقة ( كل ما كانت ارق تجي تتقرمش اكثر)
وتقصيها زي ما في الصورة
وتقليهم في الزيت
وتعسليهم وترشي عليهم جلجلان او لوز زي ما تبي
وهذه صور تانية للتوضيح اكثر
بس لو ما جتش معاك التشكيلة بالزبط مش مشكلة المتعة في الطعمممممممممممممممم
واي سؤال ادللي
[/CENTER]
الفركسي للغاليه شانتيل
كوب حليب - 2 كوب دقيق - ملعقة كبيرة خميرة خبز - ملعقة كبيرة بيكنج بودر - نص ملعقة صغيرة ملح - ملعقة صغيرة سكر
تعجن الخميرة وتترك تخمر لمدة نصف ساعة تم تفرد بسمك سانتي تم تقطع وتترك لترتاح نص ساعة تانية لتختمر العجينة تم تقلى في الزيت وبعد ان تبرد تحشى بالحشوة التي تفضيلينها
الحشوة المستعملة اليوم هريسة وتن وطماطم وبيض مطبوخ
[/CENTER]
هذه الصور لازم تنزل في الموضوع للغاليه بيبي دوح
خبزه التنور وماشاء الله عليها في الغربه ودايره تنور
[/CENTER]
ع فكره ابريكه التنور لقيت منا فى امريكاااا والله
صوابع الكنافه للغاليه ام السنفور
الطريقه
دجاج اسلقيه مع بهاراته وبعدين افرميه وزيديه بصلة مبشورة وجبنة بيضاء انى استعملت الفيلادلفيا
وتاخدى بطاطا مقليه صوابع وتلبسيها بدجاج ودخليه في الدحية المضروبة وبعدين في الكنافه ( طبعا تكونى قاصتها صغيرونات ) ممكن اتعاوديها مرتين باش تشد مزبوط واقلي
[/CENTER]
الروابط المفضلة