أفكار متجددة لتنظيم وتنظيف البيت من جميع النواحي شاركونا (الجزء الرابع)

[د.منى]

ذكرتيني بكتب الجامعة انا درست ادارة اعمال
بدك الصراحة انا وزعت كتبي

لانه عارفة حالي ما رح استعلهم كمان مرة بس خليت دفاتر المحاضرات ههههههههههههه لانهم هاند ماد ومن تعب ايدي


بس اعتقد عاشنك انتي تخصص صيدلي بتحتاجيهم بشغلك كتبك

يعني شكله لازم ولا بد مكتبة او خزانة بارفف عندك بالبيت

اها ما انا حاططهم بالخزانة خاصة ترى الخزاين عندي كتاااااااااااااااااااااااااااااار
بس زماااااااااان ما رتبتهم والاخ يوسف لقيته امبارح قاعد بدرس.........والتكملة اكيد عرفتيها

[dora33]

جدول عمل اليوم الاول للتعزيل


بما انه الاكل حضرناه من امبارح بالليل.. انا عملت بامية وانا بانصح نعتمد علي الطبخات اللي فيها يخنه الاسبوع هاد لانه سهل التسخين وما ببقي عليكي الا تعملي الرز تاني يوم وفكينا





حطي غسيل بالغسالة



فوتي على غرف النوم افتحي الشبابيك لتجديد الهواء.. رتبي المفارش والغرفه بشكل عام ترتيب سريع واتركي الغرفه اللي راح تقومي بالتركيز والتنظيف فيها للاخر

اعمليلك لفة على باقي البيت سريعاواكنسي البيت بالكامل ازا محتاج للكنس


واخيرا فوتي على الغرفه االي تركتيها .. انا راح ابدا بغرفه نومي افتحي الشباك ونفضي الستاره وازا محتاجه غسيل فكيها
طلعي الفراش بالشمس ونفضي الغبار وكنسي السجاد وازا بده تفرشي اعمليه وازا غسيل لفيه علي جنب ليوم غسيل السجاد وشوفي ازا الحيطان بدهم تنظيف وبريز الكهرباء وامسحي الارضيه واتركيها تنشف ورجعي كل اشي زي ما كان وافرشي السجاد ورتبي السرير ورشي الغرفه بمعطر واقفلي الباب وبهيك خلصنا مرحله التنظيف

في هاي الاثناء خديلك دش دافئ وارجعي للغرفه راح تحسي بانتعاش وكل التعب راح وازا كنتي موظفه خلص بيكفيكي شغل اليوم وازا لا اجينا لمرحله الترتيب راح نفتح الدولاب ونطلع كل الاواعي الشتوي ونقسمه لقسمين قسم من الملابس اللي جار عليها الزمن وفاتت كل الشتويه وما البستيها وما اعتقد راح تلبسيها خلص نحطها بكيس اكبير للتوزيع والقسم التاني للاواعي اللي بدنا نحتفظ فيها للشتويه الجاي ونشوف مكان تخزينها ونخزنها بسرعه قبل ما تبدي بالصيفي
هلء الخزانه عندنا فضيت ونجيب الاواعي الصيفي نقسمهم لقسمين قسم اللي ما بده كوي علي طول نتخلص منه ونرتبه
والقسم التاني اللي بده كوي نحطه بسله اكبيره وممكن ناجله ليوم تاني ونبدا نقسمه من الاكتر استعمالا للاقل
وعشان الكوي يسهل عليكي نجيب علبه رشاش ملمع زجاج فاضيه ونحط فيها غطاء داوني او اي معطر غسيل والباقي نكمله بالمي وهيك المكواي راح تجري بسهوله والكوي مش راح ياخد معك ساعه وبهيك خلص يومنا الاول للتعزيل بس اخر النهار ما تنسي تخضري اكل بكرا

[lanazn]

جدولك حلو ميس.. يعني رح نبدا اليوم والا كيف؟؟

وازا الموظفات ما فرزوا الملابس.. عاملة حسابهم بيوم تاني والا كيف؟؟

[dora33]

شوفي لانا ازا عندك اكل لليوم خلص نبدي من اليوم واكيد في يوم تاني لفرز الاواعي للموظفات

[dora33]

ازا حابه نبدي اليوم شوفيلك شي اكله بالفريزر او هاتي جاهز المهم ما بيمشي تنظيف وطبخ والله بينهد الواحد

[lanazn]

شوفي لانا ازا عندك اكل لليوم خلص نبدي من اليوم واكيد في يوم تاني لفرز الاواعي للموظفات

طيب لكان ميس.. انا رح ابدا معك..

بس خللي الجدول شامل ومتواصل

ازا حابه نبدي اليوم شوفيلك شي اكله بالفريزر او هاتي جاهز المهم ما بيمشي تنظيف وطبخ والله بينهد الواحد

رح ابدا من اليوم.. ويا ريت كل البنات يشتركوا معنا ونوحد الشغل عشان نتشجع..

اليوم غداي عى ماما.. الله يخليلي اياها.. وان شاء بالليل احضر غدا بكرا ورح اعمل بامية زيك

[allmasa]

[QUOTE=dora33;10091023]جدول عمل اليوم الاول للتعزيل


بما انه الاكل حضرناه من امبارح بالليل.. انا عملت بامية وانا بانصح نعتمد علي الطبخات اللي فيها يخنه الاسبوع هاد لانه سهل التسخين وما ببقي عليكي الا تعملي الرز تاني يوم وفكينا
مزبوط وانا من رأيك التحضير المسبق للاكل كتير بريح وخلينا هذا الاسبوع نعتمد على الطبخات السهلة اللي ما بتاخد وقت وكمان طنجرة الضغط كتير بتساعد
انا عندي ملوخية مطبوخة من امبارح يعني فش وراي اشييييييييي

حطي غسيل بالغسالة
غسيل فش عندي والحمد لله.....غير آخر الاسبوع لتتحوش عندي وجبة غسيل تعبي الغسالة


فوتي على غرف النوم افتحي الشبابيك لتجديد الهواء.. رتبي المفارش والغرفه بشكل عام ترتيب سريع واتركي الغرفه اللي راح تقومي بالتركيز والتنظيف فيها للاخر
ماشي ان شاء الله رح اعنمل هيك بغرفة نومي لانه هاي احسن شي ابلش فيها لانه رح تكون ملاذي لبعدين لما اتعب

اعمليلك لفة على باقي البيت سريعاواكنسي البيت بالكامل ازا محتاج للكنس

ماشي ان شاء الله هو غرفة المعيشة اكتر شي بدها ترتيب لانه الي يومين مهملتها ويارب ما تاخد مني وقت كبير

واخيرا فوتي على الغرفه االي تركتيها .. انا راح ابدا بغرفه نومي افتحي الشباك ونفضي الستاره وازا محتاجه غسيل فكيها
شوفي هي محتاجة ومش محتاجة ..........بس رح انفضها واكنسها بالمكنسة لانه كمان شهرين تلاتة رح انقل بيت جديد وصعب علي اطلع على السلم وفك برادي

طلعي الفراش بالشمس ونفضي الغبار وكنسي السجاد وازا بده تفرشي اعمليه وازا غسيل لفيه علي جنب ليوم غسيل السجاد وشوفي ازا الحيطان بدهم تنظيف وبريز الكهرباء وامسحي الارضيه واتركيها تنشف ورجعي كل اشي زي ما كان وافرشي السجاد ورتبي السرير ورشي الغرفه بمعطر واقفلي الباب وبهيك خلصنا مرحله التنظيف
من عيوني بنهوي الفرشات وبننكت المفارش ورح امسح الحيطان ان شاء الله

شوفي بالنسبة للكوي انا رح اجمع كل الملابس واوديهم للكوى بس ها المرة لانهم رح يكونو كتار
وفرز الصيفي والشتوي انا عملته الاسبوع الماضي وحتى فرز الملابس اللي بدها توزيع وتفريق
يعني مرتاحة من جوات الخزاين


على فكرة نسيتي الشبابيك

هو كله شباك بها الغرفة خلينا نعمله ونخلص منه؟
انا عني رح اعمله لانه خلص من بعدها ما رح يضل شي


وسلامة تسلمكو

[dora33]

صحيح الماسه انا نسيت الشباك والباب بس لاني كنت عاملاهم قبل يومين عشان هيك ما اجو ببالي هههههههههههههه مش بس هيك يعني كمان الكوميدينو والمكياج وكل اشي نمر عليه ونشوف الازم واللي مش لازم نرميه خلص لكان نتوكل علي الله ونبدا ببرنامج اليوم فرجونا الهمه يا ستات

[اميرةالازهار]

صباحكو نشاط يا احلى 6666666666666666
الله يعطكي العافية ميس
انا سبقتكو البارح في غرفة نومي نظفتها تنظيف شامل وكانت موصعبة كثير لاني شايلة الشتوي من شهر تقريبا يعني فضيت خزانتي وتخلصت من الاواعي اللي ما بلبسها
ورتبت لادراج ورميت المكياج والكريمات اللي ما بستخدمها والعطور اللي في نهايتها يعني قريب تخلص مسحت بها الدواليب والادراج ورشيت الارضية بعد ما مسحتها بالماي وشوي داوني صارت ريحة الغرفة وااااو منعشة وفكيت الستارة وغسلتها ومسحت النافذة ورجعت الستارة بدون كوي لانها مو محتاجة وغيرت الشراشف وحطيت شموع جديدة واخيرا مسحت الباب
وكمان نظفت حمامي وغيرت طقم الصبانات بواحد جديد وخلصت
اليوم راح انظف عادي ومن بكرة معاكم

[lanazn]

اخ.. شو اقول انا لكان؟؟ غرفتي فيها شباكين كبار وباب للبرندة زي الشباك..

يعني بلشتوني بهالشغلة... اخخخخخخ شكلي ما رح انام اليوم.. قال وشو؟؟ رح احضر اكل لبكرا.. يعني سهرتنا صباحي اليوم.. هدا من غير ما افرز الملابس..

يا لهوي يا بنات.. انضغطت