ملف الحضانات في الأسكندرية

[ام ادهم وهنا]

السلام عليكم
انا عن تجربة حقولك علي حضانة حلوة وسعرها معقول وهي " حضانة الطفولة الملكية"
فوق موبيلور لوران شارع ابو قير
هي ب 300 ج والباص ب 100

[ام يوسف الامين]

شكرا لكى يا مونى وعقبال ابنائك
معلش يا ام ادهم هل هى حلوة فعلا ولو وديت ابنى الصغير شهور الصيف
قبل المدرسة حتفرق معاه فى اللغة.

[ام يوسف الامين]

مونى يعنى حضانة دلفى احسن ولا early learning

[ام ادهم وهنا]

بصي يا حبيبتي حضانة الطفولة الملكية دي بنتي فيها بس في كلاس فرنسيه
وبصراحة هي مستواها حلو و نطقها في الفرنساوي اتحسن كتير عن حضانتها اللي فاتت وبقت عارفة كل الحروف و الارقام بالفرنسي واسماء كل الالوان والحيوانات بالفرنسي

[ام ادهم وهنا]

انا متهيالي انك ساكنة في السيوف صح؟
انا كمان في السيوف والباص كان بيوصلها لحد البيت

[ام يوسف الامين]

شكرا لكى يا ام ادهم
بس معلش اتقل عليكى فى السؤال
هل بيهتموا فى الصيف بالدراسة بنفس درجة الاهتمام فى اشهر الشتاء
لانى عايزة اودى اياد كام شهر الصيف قبل ما يدخل البلاى مع الدراسة

[ام يوسف الامين]

اين انت يا omeyad بش باينة ليه لعل المانع خير

[ام ادهم وهنا]

يا ام يوسف كل الحضانات في الصيف بتوقف الدراسة وبيهتموا بالانشطة

[rania 9]

يا جماعة اسمحولي اشارك معاكم مع ان اولادي اكبرمن سن الحضانة..انا قريت الموضوع و عايزة اقول ان دلفي سمعت عنها انها ممتازة ..و اظن انها تبع مدرسة المصرية الانجليزية EELS و طالما سعرها 00 2 فقط تبقى ممتازة .. و على فكرة يا ام يوسف الامين ..انا وراكي وراكي ..جيتلك هنا برضة ..طالما انت ساكنة في السيوف اسألي عن حضانة في السيوف اسمها عالم سمسم ..عمة الاولاد بتشكر فيها و سعرها 150/الشهر و الbus لانها في السيوف 60/الشهر بس هي ابنها رضيع ..معرفش الكبار بيعلموهم كويس و لا لأ

[alex bird]

يارايت يا جماعه تسعدونى
عايزه حضانه كويسه فى سموحه عشان ابنى عنده سنه و 8 اشهر
عشان انا مش عارفه خالص و لفيت لقيت كذا وحده
بس مش عارفه ايه الكويس و الوحش وهما
حضانهvip -جمب زهران
- توم و جيرى
-حضانه abc بس مفهاش مكان
ايه احسن حضانه و كمان لو فى حضانات تانيه ياريت توقلولى
معلش حتعبكو معايا